நன்றியுடன் விடைபெறுகிறேன்.!

இந்தவாரத்தை நான்

ஏதோ ஓட்டிவிட்டேன்.

இந்தப்பதிவூடகத்தில்

என்னையும் மதித்து

அன்புசெய்யும் இன்னும்

சிலரும் இருக்கின்றார்கள்

சுட்டி கொடுத்தால்தான்

பார்க்கவேண்டும் என்பதில்லை!

இவர்களை நினைத்தாலே

உங்கள் கணிணியே

கொண்டுபோய்

இவர்களிடத்தில் விட்டுவிடும்!

அலட்டாமல் லந்து செய்யும் அபி அப்பா!

அமுக்கமாய் குசும்பு செய்யும் குசும்பன்!

அனாயாசமாய் எழுதி வரும் தம்பி!

சகஜமாகப்பழகிவரும் சஞ்சய்!

அனைவரையும் அண்ணனாக்கும் அப்துல்லா!

வெடிதேங்காய் சொல்லித்தரும் தமிழ்ப்பிரியன்!

மணமாலையில் மயங்கிக்கிடக்கும்

மங்களூர் சிவா!   :)

சிரிக்கவைத்து சேதி சொல்லும் நாமக்கல் சிபி!

எல்லாவற்றிலும் நன்மை செய்யும் இம்சை!

எப்பவாவது பதிவு போடும் ஜி3 !

பாடல்களால் மனம் நிரப்பும் கானா பிரபா!

விவசாயியாக வெளிச்சம்காட்டும் இளா!

தடக்கென்று உண்மைசொல்லும் தஞ்சாவூரான்!

நிற்காமல் கவிதை சொல்லும் நிலாரசிகன்!

நெடுங்கவிதை,கதைகள் சொல்லும் அருட்பெருங்கோ!

சிரித்துக்கொண்டே கவிதைக் கலாய்க்கும் காயத்ரி!

பதிவுலகத் தங்கச்சி ஸ்ரீமதி!

பயணப்பதிவின் முன்னோடி துளசி டீச்சர்!

வகுப்பறையின் ஒரே ஆசான் சுப்பையா வாத்தியார்!

எங்கள் ஊர் மணம் பரப்பும் புதுகைத்தென்றல்!

நிஜமாவே நல்லவரான நிஜமா நல்லவன்!

நீண்ட நாளாய் எழுதாமல் இருக்கும் பாசமலர்!

மக்களுக்காக சேவை செய்யும் மங்கை!

பண்புடன் அன்புகாட்டும் ஆசிப் மீரான்!

அசராமல் பதிவு போடும் கோவி.கண்ணன்!

என்று இத்தனைபேரின் பதிவுகள்

ஏதாவது ஒரு செய்தியை

எப்போதும் அள்ளித்தந்து

என்னை வளப்படுத்த

இவ்வுலகில் உதவுகிறது.

எல்லாப்பேச்சிலும் அன்புகாட்டி

எல்லோர் மனதிலும் 

இடமும் பிடித்து

வலைச்சரத்துக்கு

என்னை வரவழைத்து

வாரம் முழுதும்

வலைப்பூக்களில் என்னை 

வளைத்து வளைத்து

பதிவுகளை, பக்குவமாய்த்

தேடவைத்த

அன்புடை அய்யா

சீனா அவர்களுக்கு என்

அன்பார்ந்த நன்றிகள்!

இவர்தான் வருவாரென்று

முன்னமே தெரியாமலே

இவருக்கு ஒரு அறிமுக்த்தை

நான் தந்து முடித்துவிட்டேன்

வரும்வாரம் வந்திருந்து

வலைச்சரத்தை 

தொடுக்கப்போகும்

வளமான வால்பையனுக்கு

என் உளமார்ந்த வாழ்த்துக்கள்!

மேலும் வாசிக்க...

நிறைவாக....

கடைசியாக நான் சொல்லவேண்டிய பதிவர் ஒருவர் இருக்கிறார்.  

அவர்..சுந்தரவடிவேல்!

எல்லோருக்கும் இவரைத்தெரிந்திருக்கும் 2004களில் அதிகப்பதிவுகளை எழுதியவர்..இப்போது குறைவாகத்தான் எழுதுகிறார்.
நல்ல மனிதர். ! விபரம் தெரிந்தவர் என்பதை இவரது பதிவுகள் பறைசாற்றுகின்றன.

 குத்தாமல் வலிக்காமல் சர்க்கரை அளவைத்தெரிந்துகொள்ள என்ன வந்துள்ளது சொல்கிறார் !

சில கோக்குமாக்கான குறிப்புகளில் எப்படிக்கொதிக்கிறார் என்று பாருங்கள் 

''கடவுச் சீட்டைப் புதுப்பிக்க வேண்டும். அதைப் புரட்டிப் பார்த்தேன். அதன் ஏடுகளுக்குள் என் 10 வருடங்களை விறுவிறுவென யார்யாரோ எழுதி முடித்துவிட்டார்கள்''. என்று பேருந்துக்குறிப்புகள் எழுதுகிறார்.

பிள்ளைகளா சுண்டெலிகளா? என்று ஒரு திடுக் தகவல் தருகிறார் பாருங்கள்!


நான், எங்க தாத்தா மற்றும் கமலஹாசனின் தாயுள்ளம் என்று தன் கூற்றை எழுதியுள்ளார்!

நிறைய சிந்திக்கும் இவர் போன்றவர்களது எழுத்துக்களைப்படிப்பதால், நானும், எனக்குள் இருக்கும் நானும் வடிவம் பெறுகிறேன் என்பதில் ஐயம் இல்லை!

அப்புறம்..!

மேலும் வாசிக்க...

சொல்ல விட்டுப்போகக் கூடாதவர்கள்...

அடுத்த பதிவர் பழமை பேசி !

 இவர் இந்த ஆண்டுதான் பதிவெழுத ஆரம்பித்திருந்தாலும் ஒரு அக்கறை தெரிகிறது.

 பழமைபேசி சொல்லும் எள்ளுத்தாத்தா வைத்தியம்

நன்றாக உள்ளது.

 கவி காளமேகத்திடம் கனவில் கேட்டதாகச்சொல்லும் விஷயங்கள் என்று கலந்து கட்டி

சிறப்பாக எழுதுகிறார்.

இன்னும் நிறய நிறைவாக எழுதி நம் உள்ளங்களில் இடம்பிடிக்க வாழ்த்துவோம்.

ஆங்கிலத்தில் எழுதினாலும், 

அழகாக எழுதும் இரண்டு பதிவர்களை நான் அறிமுகப்படுத்தவேண்டிய கட்டாயத்தில் இருக்கிறேன்.

முதலாமவர் மோகன்ராம் அவர்கள்

இவர் எல்லா நாட்களிலும்,உங்கள் வீட்டுத்தொலைக்காட்சியில் ஏதாவது ஒரு தொடரிலோ, ஒரு திரைப்படத்திலோ வந்துவிடுவார்.

மேலாண்மை குருவான இவர், சினிமா பற்றி மிகவும் அதிகம் தெரிந்தவர். அதிலேயே ஊறியவர்.

என் அன்பான நண்பர் !  அவரது வலைப்பூவுக்குச்சென்றால் அரிய தகவல்கள் நிச்சயம். இடையில் தமிழிலும் எழுதியிருக்கும் இவர் ...

 ரஜினிகாந்த்தைப்பற்றி எழுதியிருப்பது அனுபவப்பூர்வமாக உள்ளது.

மேலும் திரைத்துறையினருக்கு இந்திய அரசு வெளியிட்டிருக்கும் தபால்தலைகளைப்பற்றி இவர் ஒரு பதிவு வெளியிட்டிருக்கிறார்.

சத்யராஜைப்பற்றியும் சுவாரஸ்யமாக ஒரு பதிவு ரசிக்கவைக்கிறது.

இவர் பதிவூடகத்திலும் , அனைவரது மதிப்பையும் பெற்று மென்மேலும் சிறந்துவிளங்க உளமாற வாழ்த்துவோம்.

அடுத்தவர்...

உமாகுமார்

இந்தக்கதையைப்படித்துவிட்டு எப்படி விவரிக்கிறார் என்பதிலேயே தெரிகிறது. எவ்வளவு ஆழ்ந்து வாசிக்கிறார் என்பது.!

நம்ம ஊரு ஜார்ஜ் புஷ்கள் என்று இவர் பொறுமியிருப்பது பற்றித்தெரிந்தால், இனி நீங்களும், நானும் இன்னும் கொஞ்சம் கவனமாக எரிபொருள் நிரப்புவோம்.

சிறந்த சிந்தனையாளராக , சமூக நல்லெண்ணம் கொண்டவராக , அன்பான தாயாக இருக்கும் இவர் நம் பிரபல பெண் பதிவர்கள் பட்டியலில் இடம்பிடிக்கும் நாள் வெகு தூரத்தில் இல்லை!

நிறைவாக....

மேலும் வாசிக்க...

அடுத்த சினிமா வலைப்பூ.....

உலக சினிமா ஒன்றைக்காணவேண்டுமா என்று கேட்டுள்ள

சுரேஷ் கண்ணனின் பதிவுகளுக்கு நான் ரசிகன்.

  TSOTSI என்ற படத்தின் பார்வையை மிகவும் அழகாக, நிதர்சனங்களுடன் சொல்லி-ஒரு வன்முறையாளனின் குழந்தைமை என்ற தலைப்புடன் கூறியிருக்கிறார்.

சத்யஜித் ரேயின் நாயக் படத்தைப்பற்றி ஒரு முழுமையான

பார்வை பார்த்திருக்கிறார். இவரது பதிவுகளைப்பார்த்தாலே , அந்தப்படத்தைப்பார்த்த திருப்தியோ, அதை உடனடியாகப்பார்க்கவேண்டுமென்ற ஆவலோ ஏற்படுவது நிச்சயம்

 சற்றே திகைக்க வைத்த கொரியன் படம் என்று old boy என்ற படத்தைப்பற்றிக்கூறி கலக்குகிறார்.

இவர் நெல்லை கண்ணன் அய்யாவின் புதல்வர் என்று முதலில் நினைத்தேன். ஏனெனில், அவரும் திரைத்துறையில்தான் இருக்கிறார். பிறகுதான் அவர் வேறு, இவர் வேறு என்று தெரிந்துகொண்டேன்.

வெளிநாட்டு சினிமாக்களை அதிகம் தெரிந்துகொள்ள விரும்பினால், இவரது வலைப்பூவுக்கு தினம் அட்டெண்டென்ஸ் கொடுப்பது நலம்.

அடுத்து...

மேலும் வாசிக்க...

சினிமாப்பதிவர்கள்

சினிமா பற்றி தமிழில் எழுதும் பதிவர்கள் பற்றி எழுதாமல் போனால் சினிமாண்டவர் என்னை மன்னிக்கமாட்டார்.

எனக்குத்தேவையான பழைய, புதிய சினிமா செய்திகளுக்காக இவர்களை நான் அணுகாமல் இருந்ததில்லை.

ஆர்.சுந்தர்ராஜன் அவர்கள் பற்றி முழுமையாகத்தெரிந்துகொள்ள இதோ தகவல் தருகிறார் முரளிகண்ணன் ! 

தமிழ் சினிமாவில் சிறு நகரங்களின் சித்தரிப்பு

பற்றி எழுதி ஒரு ஆய்வுக்கட்டுரையே எழுதியிருக்கார். உங்கள் ஆதங்கம் விரைவில் தீர்க்கப்படும் என்று நம்புங்க சார் !

:)

 பாரதிராஜாவின் மறக்க முடியாத பெண்பாத்திரங்கள்

என்று எழுதி நம் இளம்பிராயத்தில் நாம் பார்த்த அந்தத்திரைப்படங்களின் காலத்துக்கே நம்மைப்போகவைத்து, அந்தப்பாத்திரங்களைப்பற்றிய நமது சிந்தனையையும் ஒப்பிட வைக்கிறார்.

 தமிழ்சினிமாவில் இயக்குநர்களின் பொற்காலம் எவ்வளவு?

 என்று சின்னதாக ஆய்ந்திருக்கிறார் பாருங்கள் !

தமிழ் சினிமாவில் நெஞ்சை தொட்ட உணவு உண்ணும் காட்சிகள்! இதெல்லாம் உட்கார்ந்து யோசிப்பாரோ என்று எண்ணும் வண்ணம் சொல்லியிருக்கிறார். மிகவும் அருமையான பதிவு.!

அடுத்து ...

பாரிஸ் திவா

வேட்டையாடு விளையாடு படத்தின்

காட்சிகள் உருவான விதமும், நீக்கப்பட்ட காட்சிகளும் என விவரிக்கிறார் பாருங்கள்

ஆனால் எப்படி எல்லாம் ஏமாத்துறாங்கப்பா! என்று தலைப்பிட்டுள்ளார்.

இவர் நிறைய வீடியோக்களைக்கொடுத்துள்ளார்.

என்ன ஒரு கொடுமை என்றால், புதுப்படங்கள் அனைத்தும் கிடைக்கின்றன.

ஆனால், இவையெல்லாம் வெளிநாட்டுக்காரர்களுக்கு என்று மனதைத்தேற்றிக்கொள்ளவேண்டியதுதான்.

அதுவும் அவராகப்போடவில்லை...இன்னொரு தளத்திலிருந்துதான் எடுத்துக்கொடுப்பதால், விட்டுவிடலாம். :))

நதியோசை நயமாக உள்ளது.

அடுத்த சினிமா வலைப்பூ.....

மேலும் வாசிக்க...

விஞ்ஞானக்குருவியின் வினோதங்கள்

2003 ம் ஆண்டிலிருந்தே எழுதிக்கொண்டிருக்கும் இந்தப்பதிவர்...!

விஞ்ஞானக்குருவி...

இந்தத்தொகுப்பிலேயே சிறிய அரிய தகவல்களுடன் கலக்கியிருக்கியிருக்கிறார். வலைப்பக்கமே மிகவும் தெளிவாக தகவல்களுக்கென்றே பிறந்தது என்பதையும், அந்த நோக்கத்தை விட்டு மாறாமலும் செல்கிறது.

 வேற்றுக்கிரக வாசிகளுடன் ஒரு கிரகம் இருப்பதை

சுட்டிக்காட்டியிருக்கிறார் பாருங்கள் ! 

முதலை மனிதர்...இர்வினின் மரணம் பற்றி எழுதியிருக்கிறார்!

உலகில் அதிக காலம் உயிர் வாழ்ந்த உயிரி பற்றி கலக்கலாக எழுதியிருக்கிறார்.

மேற்குலக நாடுகளின் ஆபத்தான கழிவுகளுக்கு இந்தியா குப்பைக்கூடையா?

என்று கேட்கும்போது, அக்கறை பளிச்சிடுகிறது.

நமக்குத்தேவையான அறிவியல் தகவல்களை அறிந்துகொள்ள இதுபோன்ற ஒரு துறைசார்ந்த பதிவு தமிழில் இருப்பது நமக்கெல்லாம் பெருமைதான்.!

அடுத்து...

மேலும் வாசிக்க...

போற போக்குல....

இன்னும் 17 மணி நேரம் இருக்கு ! வலைச்சர ஆசிரியர் பணியை ஒப்படைக்க!

அதுக்குள்ள முடிஞ்சவரைக்கும் இன்னும் சிலரை சொல்லிடலாமேன்னு தோணிச்சு!

சுபாஷ் 

இவர் சென்ற ஆகஸ்டில்தான் எழுத ஆரம்பித்திருக்கிறார். முழுக்க முழுக்க

தொழில்நுட்பப்பதிவாகப் போடுகிறார். அதுவும் இணைய உலவிகளுக்கு மிகவும் பயனுள்ளதாக இருக்கிறது.

குறைந்த வேகக்கணிணிகளுக்காக வெளியிடப்பட்டுள்ள TINY XP பற்றி மிகச்சிறப்பாக இங்கு விளக்கியுள்ளார் !

இவரது பதிவுகளைப்படித்துக்கொண்டே வரும்போது, ஒரு கணிப்பொறி பயனாளருக்கும், ஒரு கால்சென் ட்டர் ஊழியருக்கும் இடையில் நடக்கும் உரையாடலாக இந்தப்பதிவை எழுதி ஜாலியாக சிரிக்கவைக்கிறார். 

உங்கள் blogஐ கை கழுவ 10 வழிமுறைகள் என்ற இந்தப்பதிவைப் படித்தபின், நம் பதிவுகள் இந்த அளவுகோலுக்குள் வருகின்றதா என நம்மையறியாமல் யோசிக்க ஆரம்பித்துவிடுகிறோம். மிகவும் புரியக்கூடியவகையில் எழுதிவரும் இந்தப்பதிவர், தமிழ் வலையுலகத்துக்கிடைத்தது நமக்கெல்லாம் நன்மை பயப்பதாக உள்ளது. 

இன்னும் பல்வேறு தொழில்நுட்பப்பதிவுகளை எழுதி ஒரு கலக்குக்க்லக்க இவரை வாழ்த்துவோம்.

அடுத்து...

மேலும் வாசிக்க...

இவர்கள் என்ன ஆனார்கள் ?

நிறைய, சிறப்பாக எழுதிக்கொண்டிருந்துவிட்டு, அப்படியே பலமாதங்கள் எழுதாமல் விட்டுச்சென்ற பதிவர்களைப்பற்றியும் சொல்லவேண்டும்போல்
தோன்றியதால் இந்தப்பதிவு...



இவரைப்பற்றி வலைச்சரத்தில் ஒரு தனிக்கட்டுரையே எழுதவேண்டும் என்றாலும், புள்ளிவிவரப்புலி என்று செல்லமாக அழைக்கப்படும் வவ்வால்,
வசூல்ராஜாக்களின் கிராமப்புறக்கணிப்புஎன்று பதிவிட்டு ஒரு புயலையே கிளப்பியவர்...




வளைவுகள் ஜாக்கிரதை என்று சிறப்பாக விளக்கியிருக்கிறார்.அவ்வளவு எளிதாக சக்கரங்களை எனக்குப்புரியவைத்தவர் அவர்!


இன்னும் எத்தனையோ பதிவுகளால் பலரது உள்ளமும் கொள்ளைகொண்ட இவர் இப்போது எங்கே இருக்கிறார் என்று தெரியவில்லை. அனேகமாக புதரகத்தில் இருக்கலாம் என்று ஒரு வதந்தி! :) நீங்கள் எங்கு இருந்தாலும் நாங்கள் உங்களை ரொம்ப மிஸ் பண்றொம் வவ்வால் சார்!


அடுத்து


நுகர்வோர் விழிப்புணர்வுடன் கட்டுரைகள் எழுதிக்கொண்டும், எல்லாப்பதிவர்களிடத்திலும்
அன்புடன் பழகிக்கொண்டும் இருக்கும் இவர். இப்போதெல்லாம் எதுவுமே எழுதுவதில்லை! என்ன ஆச்சு? மீண்டும் நிறைய எழுதுங்கள் ஸ்டாக் சிவா
சாமான்யன் சார்!



சித்தர்கள் பற்றி இப்படி எழுத ஆரம்பித்து, தலைப்பிலேயே கலாமின் அக்னிச்சிறகை வைத்திருக்கும் இவரும் பல்வேறு வாழ்வியல் தத்துவங்களை
சிறப்பாக எடுத்துரைத்தார். இவரும் இப்போது எழுதுவதே இல்லை! தொடருங்கள் அய்யா! படிக்க நாங்கள் இருக்கிறோம்.



மறுபடியும் ஒரு முன்னோடிப்பதிவர்தான்...ஆனா..இயற்கை நேசின்னு முதலில் தலைப்பிட்டுவிட்டு , பின்னர் இயற்கையின் வினோதங்கள் என்று மாற்றினாலும்
இயற்கையை நமக்கு இயற்கையாகப்புரியவைக்கும் இவரது இந்தப்பதிவைப்படியுங்கள் ஏன் மூதாதையர்கள் எழுந்து நின்றார்கள் என்று தெரியும் !


மூளை மாற்று சிகிச்சை முடிந்தால் என்ன ஆகும்? என்று கேட்டு
பீதியைக்கிளப்புகிறார் பாருங்கள்.!



இப்படிச்சிறப்பாக பதிவுகள் போட்டுக்கொண்டிருந்துவிட்டு அம்போவென்று விட்டுவிட்டு இப்போது ஏன் இப்படி என்றுமட்டும் கேட்டுக்கொண்டிருக்கிறார்.
இவரை என்ன செய்வது...!? அண்ணாத்த! தயவுசெய்து இயற்கையையும் கொஞ்சம் கவனியுங்க!


அடுத்ததா கட்டபொம்மன் பேசிய வசனமெல்லாம் டுபாக்கூர்தானா என்று கேட்டு பதிவிட்டிருக்கும் ஆணிபுடுங்கணும்..!


அமெரிக்காவில் ஒரு பகுத்தறிவாளர் ! – எஸ். குருமூர்த்தி என்று

பதிவிட்டு அந்த ஊரிலும் மத வெறி கொஞ்சம் அதிகம்தான் என்று சொல்லியிருக்கிறார்.



நீங்களும் மறுபடியும் நிறைய பதிவிடத்தொடங்குங்க சார்!


காத்திருக்கிறோம்.

அடுத்து...

மேலும் வாசிக்க...

இவரைப் புரிந்து கொண்டால்...!

நெல்லைக் கண்ணன் அய்யா!


ஐம்பது ஆண்டுகளாக தமிழில் உரை நிகழ்த்திவரும் ஒரு அற்புத மனிதர் இவர்!
'வாழ்க தமிழுடன்' என்று மனதார வாழ்த்தியபடியே தொலைபேசியில் பேச ஆரம்பிக்கும் தமிழ் நேசர்!


கடந்த ஏப்ரல் 8 ம் தேதி பதிவுலகத்தில் நுழைந்த அவர்இன்று வரை 452 பதிவுகள் எழுதியிருக்கிறார்.


அவர் எழுத ஆரம்பித்தாலே அது கவிதையாகிவிடுகிறது என்றுதான் நினைக்கிறேன்.அதுவும் மிகவும் எளிமையான தமிழில் புரியும்படி இருக்கிறது மிகச்சிறப்பு!


இதோ காமராஜரைப்பற்றி இப்படி ஒரு கவிதை கொடுத்து , அவர்மீது வைத்திருக்கும் நேசத்தைக்காட்டுகிறார்.


முத்தொள்ளாயிரம் என்று கேள்விதான் பட்டிருக்கிறேன். ஆனால் அதன் பாடல்களை எளிமைப்படுத்தி இங்கே அழகாகக்கொடுத்திருக்கிறார்.


பழம்பாடல் புதுக்கவிதை என்ற தலைப்பில்மட்டும் 105 பதிவுகள் இட்டு தன் தமிழ் பிரம்மாண்டத்தை நமக்கு உணர்த்துகிறார்.


நபியின் சிந்தனைகளை இப்படி யாரேனும் தமிழில் சொல்லியிருப்பார்களா என்று எனக்குத்தெரியவில்லை!


தமிழில் சிறந்த புலவர்களில் ஒருவரான காளமேகப்புலவரின் படைப்பை எப்படி எழுதியிருக்கிறார் பாருங்கள்!


நடிகர் திலகம் சிவாஜியைப்பற்றி இவர் எழுதியிருக்கும் இந்தக்கவிதை சிறிதுதான் எனினும் அதனுள் இருக்கும் அவர் பற்றிய எண்ணம் எவ்வளவு பெரிதென்று படிப்பவர்களுக்கு கட்டாயம் புரியும்.


இதையெல்லாம் மீறி எனக்குள் ஒரு ஆதங்கம் எப்போதும் உண்டு.! இவரை, திறமையாகப்பார்க்காமல், தனிமனிதனாகப்பார்த்து இவரது செய்கைகளை விமர்சனம் செய்து குத்திக்கிழிக்கிறார்களோ என்று தோன்றுகிறது.


கமல் சார் சொல்லுவார்..! ' என்னை விமர்சிப்பதை விட்டுவிட்டு, என் படைப்புகளை மட்டும் விமர்சியுங்கள்' என்று!


.இந்தத்தலைமுறையில் , இவரைப்போன்ற மனிதர் நம்முள் இல்லை! விஜய் டிவி தமிழ்ப்பேச்சு எங்கள் மூச்சு நிகழ்ச்சியில் இவரது பேச்சுக்களையும் , பதில்களையும் பார்த்துவிட்டு இவருக்கு ஒரு அடாவடிச் சாயம் பூசிவிட்டார்களோ என்று அஞ்சுகிறேன். ஆனால் மிகவும் அருகாமையில் இருந்து பழகிப்பார்த்தவர்களுக்குத்தான் தெரியும். அவர் எவ்வளவு குழந்தை உள்ளம் கொண்டவர் என்று! உதவி செய்யும் மனோபாவம், தவறு கண்டு பொங்கும் குணம் கொண்ட இவரளவுக்கு தமிழை நேசித்து வாழ்பவர்களை அவர்கள் வாழும்நாட்களில் புரிந்துகொள்ளாமல், பின்னர் புரிந்து கொள்வதில் பிரயோஜனமே இல்லை! இவர் எந்த அளவுக்கு அடுத்தவர்களை விமர்சிக்கிறாரோ, அதே அளவுக்கு அடுத்தவர்களை ப்பாராட்டவும் செய்யும் உள்ளம் கொண்டவர்..! ஒரு சிறிய எடுத்துக்காட்டு, இவரது வலைப்பூவை உருவாக்கும் சிறு முயற்சி எடுத்த என்னையும் ஒரு பெரிய உயரத்தில் வைத்து என் மகன் என்று கவிதை எழுதியிருக்கும் இவரது அன்பைப்புரிந்துகொள்வோம்.




அடுத்து....

மேலும் வாசிக்க...

வாக்குவாதத்தில் தொடங்கி வாழ்த்தில் தொடரும்...

இவருக்கும் எனக்கும் ஆரம்பமே முட்டலில்தான் ! நான் ஆரம்பத்தில் ஒரு பதிவு
ஜாலியாக இப்படிப்போட்டிருந்தேன். அங்கு பின்னூட்டத்தில் வந்தவர்தான் இவர்! வந்தவர் சொல்லாட, நானும் பதிலாட, அது பெரிய வாக்குவாதத்திலிருந்து, சிறு சண்டையாக உருவெடுத்துவிட்டது.




பிறகு அவர் என் பதிவுப்பக்கம் வருவதில்லை. மேலும் அவர் ஆங்கிலத்தில்
எழுதிக்கொண்டிருந்தார். நாட்கள் கழிந்தன. தமிழ்மணத்தில் ஒரு நாள் இவர் பெயரைத்தாங்கி ஒரு பதிவு தென்பட, படித்துத்தான் பார்ப்போமே என்று படித்தால், சூப்பராக எழுதியிருந்தார் மனுஷன்..! நாம் என்ன அவரைப்பாக்கவா போகிறோம். அவர் எழுதியதைப்படிக்கத்தானே போகிறோம் என்று போய் வர ஆரம்பித்தேன். ஒரு கட்டத்தில் அவர் பதிவுகள் எல்லாவற்றையுமே தொடர்ந்து படிக்க ஆரம்பித்துவிட்டேன். மேலும் முன்னர் நடந்தது ஒரு கருத்து மோதல்தானே? :)




சமூக அக்கறையும், கொஞ்சம் அதிக சீரியஸ் பதிவுகளும் இடும் இவரது பதிவுகள்
பற்றி தொடுப்பு கொடுக்க ஆரம்பித்தால் இந்த வலைச்சரம் போதாது. இருந்தாலும் நான் ரசித்தவற்றில்


தமிழைக்கூட தமிழில் கற்பது கடினமா ?? எங்கே செல்லும் இந்த பாதை
சற்றே நீளமான இந்தப்பதிவைப்படித்து முடிக்கும்போது, ஏற்படும் தெளிவிற்கும், தோன்றும் கேள்விகளுக்கும் அவரே முழுக்காரணம் ! ஆழ்ந்து வாசிப்பவர் என்பதை பல முறை நிரூபித்திருக்கிறார்.





சரியான கேள்வி கேட்பது எப்படி என்று சொல்லி, அட. சாதாரணமாக கேள்வி கேட்பதில் கூட இவ்வளவு விஷயம் இருக்கிறதா ? என்று சிந்திக்க வைத்துவிடுகிறார்.


இப்படியா மொழிபெயர்ப்பது . . அடேயப்பா மொழிபெயர்ப்பில் ஏற்படும் தவறுகளை சிறப்பாகச்சொல்லியிருக்கிறார் பாருங்கள்!



முதல் மதிப்பெண் பெற்றவர்களின் லட்சியம் டாக்டருக்குப்படிப்பது ஒன்றும் சாதாரண வேலையில்லை என்று ஒரு காட்டுக்காட்டியிருக்கிறார். என்ன ஒரு சிறப்பென்றால், பாரபட்சமில்லாமல் ஒரு பார்வையாளனாக எழுதியிருக்கிறார். ஏனெனில் இவரும் ஒரு மருத்துவர். !


ஆம்...புருனோ பெயரில் எழுதிக்கொண்டிருக்கும் டாக்டர் புருனோதான் இவர்!
இவருக்கு ஆங்கில வலைப்பூ ஒன்றும் உள்ளது...! அதன் பெயரை தமிழ்ப்படுத்தினால், அளவுகோலுடன் பேனா என்று வருகிறது.


இப்போதெல்லாம் இவர் பதிவுகளுக்குச்சென்று நானும் பின்னூட்டமிடுகிறேன். அவரும் நம்ம வூட்டுப்பக்கமெல்லாம் வருகிறார்.


உங்கள் சமூக அக்கறையும், ஆழ்ந்த பார்வையும் கண்டு வியந்துகொண்டுதான் இருக்கிறேன். வாழ்த்துக்கள் புருனோ சார்!


அடுத்து....

மேலும் வாசிக்க...

வாலில்லா வால்பையன்

அடுத்த பதிவர் புதியவர் இல்லை!


ஆனாலும் இனியவர்..!


நான் பதிவெழுத ஆரம்பிப்பதற்கு மிகச்சரியாக 12 நாட்கள் முன்னர்


எழுதத்தொடங்கிய இவர் , கலக்கிக்கொண்டிருக்கிறார்.


அறிமுகப்பதிவிற்கே பெரிய தலைகளெல்லாம் வந்து சென்றிருக்கிறார்கள்
வலைச்சர உரிமையாளர் சீனா அய்யா உட்பட....


பெரியார் என்ன கடவுளா? அல்லது பகுத்தறிவு என்ன வெங்காயமா?

என்று கேட்டு பொட்டிலடித்தாற்போல் ஒரு விஷயத்தை அவர் சொல்லியிருந்தது எனக்கு மிகவும் பிடித்திருந்தது.




உலகசினிமாவும் ,தமிழ்சினிமாவும்-கிட்டப்பார்வைக்கும், தூரப்பார்வைக்கும் இடையில்என்று அவர் இரண்டு படங்களை அலசி விளக்கம் சொல்லியிருக்கிறார். இந்தப்பதிவில் எனக்கு மிகச்சாதாரணமாக இவர் சொல்லியிருக்கும் இந்த வரிகள் எனக்கு மிகவும் பிடித்திருக்கிறது.
"உலகசினிமா என்று சொல்வதை விட வேற்று மொழிப்படம் என்றே சொல்ல ஆசைப்படுகிறேன். ஏனென்றால் வேற்று மொழிக்காரர்களுக்கு நமது படம் உலகசினிமா தானே" !


இது ஒரு மோசமான பதிவுதான்... நாம் யாவரும் படிக்காதவரை! மிகச்சிறப்பாக மோசமானவைகளை வகைப்படுத்தியிருக்கிறார்.


அணு மின்சாரத்துக்கு ஒரு புத்திசாலியின் ஆதரவு!!என்று ஆரம்பித்து இவர் பட்டதை ஜாலியாக எழுதியிருக்கும் இந்தக்கொடுமையை என்னன்னு சொல்லுவது?



பல்லாங்குழி ,தாயம் மற்றும் பெண்ணிய நுண்ணரசியல் பற்றி பின்னி எடுத்து, இந்த விளையாட்டுகளுக்குள் இருக்கும் நுட்ப அறிவைப்பற்றி பிரித்து மேய்ந்திருக்கும் இவரைப்போய் வால்பையன் என்று சொன்னால் நாம் எப்படி நம்புவது.?


இருந்தாலும் வால்பையனைவாழ்த்துக்களுடன் இரசிக்கிறோம்!

மேலும் வாசிக்க...

'நறுக்' கென்ற நர்சிம்

அஞ்சாதே...என்று தலைப்பிட்டு அந்தப்படத்தைப்பற்றி சும்மா ஒரு அறிமுகம் செய்துவிட்டு முதல் பதிவை 2008  பிப்ரவரி 19 ம் தேதி ஆரம்பித்த இந்தப்பதிவர்..நல்ல ரசனைக்காரராகத்தெரிகிறார்.

இவர் பதிவுகளில் சமூக அக்கறை தெரிகிறது.
காதலித்து ஒடிப்போகும் பிள்ளைகளுக்கு.... பெற்றோரின் சார்பில்...
என்று இவர் எழுதியிருக்கும் கவிதை , அற்புதமாக பெற்றோரின் வலியைச்சொல்கிறது.
இவர் புனைவுகள், பின்நவீனத்துவத்துக்கும் நெருங்கியவராக இருக்கிறார்.

கம்பரை இவர் போக்கில் ரசிக்கும் தன்மை மிகவும் அழகாக இருக்கிறது

தலைப்பும் அதைவிட அழகு

கம்பர். MBA,MBBS,BE..also a poet.

இந்திரா காந்தி, நேரு, எம்ஜியார்,கலைஞர், ஜெயலலிதா.. இது ஒரு ஜாலிப்பட்டாசு - கொசுவத்தியாக!

"சுப்ரமணியபுரம்" திரு சசிக்குமாருடன் சந்திப்பு...
நிகழ்த்தியிருக்கிறார்.

இன்னொரு கவிஞரின் இந்தக்கவிதையை ஞாபகம் வைத்திருந்து

அகதியின் பாடலாக பதிவிட்டிருக்கிறார்.

அதைப்படித்தபின் ஏற்படும் வலியில், கண்ணீர் உருள்வதென்னவோ உண்மை!

 யாவரும் கேளிர் என்ற தலைப்புடன் பதிவிட்டு கலக்கிவரும்
நர்சிம். இவர் ஒற்றைக் கட்டத்துக்குள் சிக்காமல், பல்சுவையாகப் பதிவெழுத ஆரம்பித்து சில நாட்களிலேயே கலக்கலாக எழுதி , எல்லோருக்கும் நண்பராக இருக்கிறார்.சிறப்பாகவும் சுவையாகவும் எழுதி நம் அனைவரது மனத்தையும் கவரும் திறமையுள்ள இவர் இன்னும் நிறைய எழுதிச் சிறக்க வாழ்த்துவோம்.

அடுத்து....

மேலும் வாசிக்க...

புதுசா மயக்கிய பதிவர்கள்

சாதாரணமாக நாம், நம் நண்பர்கள் பதிவை முதலில் படிப்போம். பின்னர்
தமிழ்மணத்தில் மேயும்போது, கண்ணில் படும், நமக்குத் தேவைப்படும் தலைப்புகளில் தேர்ந்தெடுத்துப் படிப்போம்.

அதையும் மீறி, பதிவர் புதியவராக இருந்தாலும் படிப்போம்.

இவையெல்லாம் போக, நண்பர்கள் சுட்டிக்காட்டியதைப் படிப்போம்.

இவற்றையெல்லாம் தாண்டி, தேடியதில் கிடைத்த நல்ல பதிவுகளைக்கொண்ட வலைப்பூ என்று சொன்னால், சந்திரமௌளீஸ்வரனுடையதை தாராளமாகச்சொல்லலாம். இனி இவரது பதிவுகளுக்கு நான் நிரந்தர வாசகன்.

ஆம்..அவ்வளவு சுவாரஸ்யமாக விஷயங்களைப் பகிர்ந்துகொள்கிறார்.
கிராமர் கிருஷ்ணமூர்த்தி என்ற பாத்திரத்தின் மூலம் ஆங்கிலத்தில் நாம் செய்யும் தவறுகளை சுட்டிக்காட்டுகிறார். மிகவும் சிறப்பாக உள்ளது. After reading this post we will not repeat this again sir! :)

எதையெல்லாம் அடையாளமாக வைத்துக்கொண்டு, கடைக்காரர் தரவேண்டிய பாக்கியை கேட்கிறார் பாருங்கள் இவரது முட்டாள் கதையில் !

பாரதியாரின் அழகான ஒரு படத்தைப்போட்டு, அவருடன் நேரில் பேசுவதுபோல் ஒரு தீர்க்கமான விவாதத்தை எடுத்துவைத்திருக்கிறார்.

அச்சமில்லை, அச்சமில்லை பாடலை அப்படியே படித்துவிட்டுப்போகும் நம் மத்தியில் இது கட்டாயத்தேவையாக இருக்கிறது!

இந்தப்பதிவர் மிகச்சிறப்பாக , எழுத்தாளர் சுஜாதா அவர்களையும், அவரது படைப்புகளையும் நேசிக்கிறார் என்று தெரிகிறது.

இந்தப்பதிவில் சுஜாதா அவர்களின் நினைவுகளை, அழகாக, நெகிழ்வாக
நினைவுகூர்கிறார். ஏனெனில் இவருக்கு, சுஜாதா அவர்கள்தான் குரு! பின் சிஷ்யப்பிள்ளை சுவாரஸ்யமாக எழுதுவதில் வியப்பேதுமில்லை!


இது தவிர...கார்ட்டூன் கண்ணன் என்ற வலைப்பூவும் இவருடையதுதான்..ஆனால் அதில் வரும் கார்ட்டூன்கள் இவரது அண்னனுடையது என்கிறார்.

அண்ணன் கண்ணனுக்கும் நகைச்சுவையுணர்வுடன் கூடிய சமூக, அரசியல் விமர்சனம் கைவந்திருக்கிறது என்பதை இந்தக்கார்ட்டூன் ஒன்றே
சான்றாக்குகிறது. வாழ்த்துக்கள் அண்ணன் கண்ணன் அவர்களே!


இனியும் சந்திரமௌளீஸ்வரன் பக்கத்துக்கு மக்கள் அதிகம் செல்லவேண்டும். அவரது எழுத்தை ரசிக்கவேண்டும் என்பது எனது விருப்பம்.!

அடுத்து....

மேலும் வாசிக்க...

வலையுலக முன்னோடிகள்!

வலைப்பூ என்று முதலில் எனக்கு அறிமுகமானது இவருடையதுதான். இவர் எழுதிய என்னை புதைக்கிறதா இல்ல எரிக்கிறதா? என்று கேட்டு கலக்கி எடுத்திருக்கும் இந்தப்பதிவின் தாக்கம் இன்னும் எனக்குள் மாறவில்லை எனலாம்.

ஏன் இப்படி? என்று கேட்டுக்கொண்டே ஆரம்பிக்கும் இவர் பல்வேறு ஏன்களையும் கேட்டு அதற்கான விளக்கங்களும் தந்துகொண்டிருக்கிறார். இது இவரது புவி வெப்பமடைதல் பற்றிய பார்வை! மனிதர் எப்படிக்கலக்குகிறார் என்று பாருங்கள்!

இதில் முதுமை ஒரு சாபக்கேடா எனக்கேட்டு விளக்குகிறார். இதில் இவரது ஆதங்கம் எப்படி வெளிப்படுகிறது என்று பாருங்கள் !

அவரை அறிமுகப்படுத்துவது என்பதை விட அவரை எனக்குத்தெரியும் என்ற இறுமாப்புக்காகவே இந்த இடத்தில் சொல்லிக்கொள்கிறேன். ஏனெனில் அவர் எல்லோருக்கும் நன்கு தெரிந்த பதிவர். நீண்ட நாள் முன்னரே வலைச்சரம் தொடுத்தவர். ஆம்...தெகா என்று பெயரிட்டுக்கொண்டுள்ள தெக்கிக்காட்டான் தான் இவர்.!

கடந்த வாரம் கூட இங்கே இவரைப்பற்றி கூறியிருக்கிறார்கள்.

இவர்தான் எனது பதிவுலக மானசீக குரு என்பதை மனதாரத்தெரிவித்துக்கொள்கிறேன்.

நான் பதிவுகளெல்லாம் எழுதுவதற்கு முன்பு தெகாவின் திருமணத்துக்கு நான் போயிருந்தேன். அங்கு ஒரு வயதான இளைஞர் வந்திருந்தார். அழகாகப் பேசினார். இவரும் பதிவர் என்று தெகா அறிமுகப்படுத்தினார். தருமி என்ற பெயரில் எழுதிக்கொண்டிருக்கிறார் என்று கூறினார். அதுவரை நான் அவருடைய ஒரு பதிவையும் படித்ததில்லை. பிறகு படித்து, ரசித்தேன். அனேக பதிவர்களுக்குக்கிடைக்காத ஒரு பாக்கியம் எனக்குக்கிடைத்தது. பதிவுலகில் எழுத்தில் பழகிவிட்டு, பின்னர் நடக்கும் பதிவர் சந்திப்பில் அறிமுகப்படுத்திக்கொள்வோம். ஆனால் இவரிடம் மட்டும் முதலில் பதிவரைச்சந்தித்தபின் தான் அவரது எழுத்துக்களை படிக்க நேர்ந்தது.

இதுவரை அவருக்கு இந்த சுரேகாதான் , தெகா திருமணத்தில், அவருக்கு கார் ஓட்டிய அந்த நண்பன் என்று தெரிந்திருக்க வாய்ப்பில்லை. தெரிந்தால், அவரது பாதிப்புதான் நான் இப்படி மொக்கை போடுகிறேனோ என்று எண்ணி நொந்துபோவார். :)

அவரது பதிவுகள் ஒவ்வொன்றும் சமூக அக்கறையும், விஷய ஞானமும் கொண்டதாகவே இருக்கும். இவர் கண்முன் நடந்ததையும் , போலீஸாரின் நன்னடத்தையையும் எப்படி விவரிக்கிறார் பாருங்கள்!

இவரது சென்னை அனுபவமும், தார்மீகக்கோபத்தையும் பாருங்கள்

இந்தப்பதிவு ஒரு பதிவர் சந்திப்பு பற்றியது. ஆனால் , அதன் கடைசி வரிகளில் சொல்லியிருக்கும் விஷய்ம் இன்றுவரை எனக்குள்ளும் ஓடிக்கொண்டிருக்கிறது.

தருமி அய்யாவின் வட்டம் மிகப்பெரியது என்பதை திரைப்பட நடிகர் சண்முகராஜன் அவர்களிடம் பேசிக்கொண்டிருந்தபோது தெரிந்துகொண்டேன்.

இதைப்பார்த்து உங்களுக்கு என் மேல் கோபம் வரக்கூடாது. புதுசா ரெண்டுபேரையாவது சொல்லுவான்னு நம்பி வந்தா, உலகம் அறிஞ்ச பதிவர்களை நமக்கே அறிமுகப்படுத்துறான் பாருன்னு! இவர்களை எனக்கு நேரடியாத்தெரியும்னு சொல்லத்தான் வந்தேன். அதுக்கும் மேல், புதிய பதிவர்களுக்கு இவர்களைப்படிக்கும் வாய்ப்பை ஏற்படுத்திக்கொடுக்கலாமே என்றுதான்..ஹி.ஹி...!

மேலும் வாசிக்க...

என் பதிவுகள் சில..

வலைச்சரத்தை தொடர்ந்து படிச்சுக்கிட்டு, என்னைத்தெரியாம இருக்கும் ண்பர்களுக்காக என்னுடைய பதிவுகள் சிலவற்றை சொல்லிட்டு கண்டிப்பா மேட்டருக்கு போய்விடலாம்.

என் முதல் பதிவு இதுதான்.
கர்நாடகத்தனம்னா இதுதானா?

ஆனா அதுக்கும் முன்னாடி...சிறகுகள் ங்கிற பெயரில் மே 11 , 2006 ல் ஒரே ஒரு பதிவைப்போட்டுட்டு, சினிமாவுக்குப்போயிட்டேன். அப்புறம் பதிவுலகத்துக்கு வர யோசனையே இல்லை!

பிறகு சைலண்ட்டா ஒரு வருஷம் நேரம் கிடைக்கும்போதெல்லாம், ஒரு திரைப்படத்தில் வேலை பாத்துக்கிட்டே எல்லாருடைய பதிவுகளையும்
பாத்துட்டு, முடிஞ்சா அனானியா கமெண்ட் போட்டுட்டு போய்க்கிட்டிருந்தேன்.
திடீர்ன்னு கர்நாடகா காமெடி அல்லோகலப்பட, சரி அதை எழுதிப்போட்டாலென்னன்னு தோணினது தான் முதல் பதிவு...!

அதுவும் நான் பத்திரிக்கை எழுத்துக்களில் பயன்படுத்தும் புனைபெயரிலேயே
எழுதினால் என்ன என்று தோன்ற , அதை உடனே செயல்படுத்த , ஆரம்பித்தது
தமிழ் வலைப்பூ பதிவர்களுக்கு கெட்ட நேரம் ! :)

அப்புறம் சொந்தக்கதை சோகக்கதையெல்லாம் எழுதிவுட்டுக்கிட்டிருக்கேன்.

என் பதிவுகளில்,எனக்கே பிடித்ததுன்னு சொல்லாட்டியும், எல்லாரும் பாராட்டினதுன்னு சொல்லணும்னா..

ரொம்ப நாளா மனசுல ஓடின ஒரு கதை! நான் என்ன தப்பு செஞ்சேன்.?
அப்புறமா...ஒரு திருவிழாக்கு போன அனுபவம். அது பாத்தீங்கன்னா
மறு பதிப்பா , ஒரு ஆங்கில வலைப்பூவிலும் வந்திருக்கு!

மத்தபடி நீங்களே படிச்சுட்டு வாழ்த்தோ வசவோ கண்டிப்பா சொல்லிடுங்க!

இனிமே நாம பாக்கபோற பதிவுகளை நோக்கி நடைபோடுவோம். இப்பவே ஒரு விஷயம் சொல்லிக்கிறேன். எனக்கு எந்த எழுத்து நடை தோணுதோ அதில்
எழுதிடுறேன்.


தயவுசெஞ்சு தப்பா நினைச்சுக்காதீங்க!

மேலும் வாசிக்க...

வணக்கம் வலைச்சரமே!

நண்பர்களுக்கு வணக்கம்.




மேடையில் பல்வேறு விற்பன்னர்கள் தங்கள் திறமைகாட்டுவதை ரசித்து, வாய்பிளந்து வேடிக்கை பார்ப்பவனை திடீரென்று அழைத்து நீயும் வந்து மேடையில் நில்! ஏதாவது செய் !என்று சொன்னால் எப்படி ஒரு கேரி அடிக்குமோ அப்படித்தான் இருந்தது , சீனா சார் முதலில் என்னை வலைச்சர ஆசிரியராகச் சொன்னபோது!




சிறுவயதிலிருந்தே - எனக்கு நானே சொல்லிக்கொண்ட -எனக்குள் ஊறிப்போன ஒரு தத்துவம் உண்டு !




வாய்ப்பு வாழ்க்கையில் ஒரு முறைதான் கதவைத்தட்டும் ! அப்போது கதவைத்திறக்கவில்லையென்றால்..சும்மா செல்லாது. வெளித்தாழ்ப்பாள் போட்டுவிட்டு சென்றுவிடும். பிறகு அடுத்தடுத்த வாய்ப்புகளுக்கும் ஆப்புதான்!




இதை மனதில் கொண்டுதான்...உடனே ஒத்துக்கொண்டேன்.




வலைச்சரம் என்றால் , நமக்குப்பிடித்த பதிவுகளையும், பதிவர்களையும் அறிமுகப்படுத்தவேண்டும் அவ்வளவுதானே! என்று மிகச்சாதாரணமாக நினைத்துக்கொண்டு நான் அடிக்கடி படிக்கும் பதிவுகள், மற்றும் வித்யாசமாக எழுதும் பதிவர்களின் பதிவுகளை ஒரு பட்டியலிட்டு, கையில் வைத்துக்கொண்டு -நேரம் கிடைக்கும்போதெல்லாம்- எதற்கும் முதலில் வலைச்சரத்தையே மேய்வோம் என்று மேய்ந்தபோதுதான் தெரியவந்தது..!




நான் எழுதிவைத்திருக்கும் பதிவர்களில் ஏறத்தாழ எல்லோரையுமே வலைச்சர ஆசிரியர்கள் அறிமுகப்படுத்திவிட்டார்கள் !




ஆமாம். ! இனி வலைப்பூ உலகத்தை புதிதாக மேய்ந்துதான் மேலும் ஒரு சில பதிவர்களையாவது அறிமுகப்படுத்தவேண்டும் என்ற நிலை வந்தபோது, கொஞ்சம் டரியல் ஆகிவிட்டேன். இருந்தாலும் முடிந்தவரை சமாளித்து இந்த ஒருவாரத்தில் குறைந்தபட்சம் 10 நல்ல பதிவுகளையாவது உங்களுக்கு அறிமுகப்படுத்தமுடியும் என்ற நம்பிக்கையில் காலெடுத்து வைக்கிறேன். அந்தப் பத்துபேரும் ஏற்கனவே உங்களுக்குத்தெரிந்திருந்தால்....என்னைத்திட்டாம, அய்யோ பாவம் இந்த ஆ'சிறியன்' என்று மன்னித்து விட்டுவிடுங்கள் !







என்னைப்பற்றி சொல்லவேண்டுமென்றால்.....இங்கே பாருங்களேன்.!

மேலும் வாசிக்க...