குருகுலத்தில் (கடைசி நாள்) ஆயுள் ஹோமம்

அன்பின் நண்பர்கள் அனைவருக்கும் இனிய வணக்கம், இன்றுடன் எனது வலைச்சர ஆசிரியப்பணி நிறைவு பெறுகிறது. எனக்கு வலைச்சரத்தில் வாய்ப்பு கொடுத்த மதிப்பிற்குறிய திரு.சீனா ஐயா அவர்களுக்கும் மற்றும் வலைச்சர நிர்வாக குழுவினருக்கும் எனது இதயங்கனிந்த நன்றியினை தெரிவித்துக்கொள்கிறேன். ஓரளவிற்கு எனக்கு கொடுத்த வாய்ப்பினை சரியாக பயன்படுத்தி எனது பொன்னான பணியை சிறப்பாகவே செய்துள்ளேன் என்றே நினைக்கிறேன்.. :)) அதற்கு உங்களின் ஊக்கமும் ஆதரவும்தான் முழுகாரணமாகும். இந்த தருணத்தில் எனது மனமார்ந்த நன்றியினை உங்கள் அனைவருக்கும் தெரிவித்துக்கொள்வதில் மிகவும் மகிழ்ச்சியடைகிறேன்..

இந்த மாணவன் என்ற சிறுவனை ஊக்கப்படுத்தி உற்சாகப்படுத்தி நல்வழிப்படுத்தி பாடாய்படுத்தி இப்படி பல வகையாய் படுத்தி எடுத்த :)) 

எங்கள் தலைவர் சிங்கையின் சிங்கம் டாக்டர்.பட்டாபட்டி(PhD..,in China)அவர்களுக்கும், 

மற்றும் டெரர் கும்மி குரூப்ஸின் தலைவர் பாசமிகு அண்ணன் டெரர் - பாண்டியன் அவர்களுக்கும்

குரூப்ஸின் செயாலாளர் பெரும் மதிப்பிற்கும் மரியாதைக்குரிய திரு.பன்னிகுட்டியாருக்கும்

குரூப்ஸின் பாதுகாவலர் சிந்தனை சிற்பி, சிங்கை கொண்டான், சாதனைச் செல்வன், தென்பாண்டிச்சிங்கம் எங்கள் கேப்டன். சிரிப்பு போலீசு - (ரமேஷ் ரொம்ப நல்லவன் சத்தியமா) அவர்களுக்கும்,

மற்றும் டெரர் கும்மி குரூப்ஸ் போர்ப்படை தளபதிகள், வீரர்கள் அனைவருக்கும், மற்றும் 

அருமை அண்ணன்கள் :

வைகை - உண்மைசுடும்

ஜெயந்த் - வெறும்பய

சி.கருணாகரசு - அன்புடன் நான்

அரசன் - கரைசேரா அலைகள்

இதுவரை, இனியும் எனது வளர்ச்சிக்கு வழிகாட்டியாய் நின்று நிறைகளை பகிர்ந்துகொண்டு குறைகளை சுட்டிக்காட்டி நல் வழிபடுத்திகொண்டிருக்கும் இவர்கள் அனைவருக்கும், மற்றும் இந்த சிறுவனுக்கு தொடர்ந்து நல்ஆதரவும் கருத்துரையும் வழங்கி ஊக்கமளித்து உற்சாகப்படுத்தி கொண்டிருக்கும் அனைது அன்பு நெஞ்சங்களுக்கும் எனது இதயத்தின் அன்பு கலந்த நன்றியினை உங்கள் பொற்பாதங்களில் காணிக்கையாக்குகின்றேன்... நன்றி!! நன்றி!! நன்றி!! 

(நன்றியுரை முடிந்தது.  :)) 

வாங்க... அப்படியே குருகுலத்துல என்ன நடக்குதுன்னு கொஞ்சம் எட்டி பார்க்கலாம்.....

சுவாமி கொஞ்சம் கவலையுடன் அமர்ந்திருந்தார்........

"சுவாமி ஏன் கவலையாய் இருக்கிறீர்கள்?

"ஒன்றுமில்லை சிஷ்யா.....இதுவரை நாம் பேசுவதையெல்லாம் பேட்டி கண்டு பதிவில் போட்ட மாணவன் நாளையோடு வீட்டுக்கு நடைய கட்ராறு.....அந்த வருத்தந்தான் சிஷ்யா.....

"ஓஓ....அதுதானா? அதனால்தான் சில பதிவர்கள் உங்களிடம் ஆசிர்வாதம் வாங்க வந்திருக்கிறார்களா?......உள்ளே வரச்சொல்லவா சுவாமி?

"தாராளமாக வரச்சொல்....ஆனால் மொபைல்போன் , கேமரா இருக்கான்னு செக் பண்ணிரு...பயபுள்ளைக படம் புடிச்சு பதிவுல போட்ருங்க...அதிலயும் அந்த நொள்ள போலிச நம்பவேமுடியாது......

"சரி சுவாமி..அப்படியே செய்கிறேன்......

முதலில் பன்னிகுட்டி உள்ளே செல்கிறார்......சாமியை பார்த்ததும் அதிர்ச்சியாகி......

"அடங்கொன்னியா......நீதானா அது? ரெண்டு பேரும் பாளையங்கோட்டையில் ஒண்ணா இருந்தோம்....அப்பறம் நீ புழலுக்கு போறேன்னு போன.....இப்ப என்னடான்னா புண்ணியவானா நீ? அட ராமா...என்ன கருமாந்திரம் இது?

"சரி விடு பன்னி.....நாலு பேரு வந்து போற எடம் சத்தம் போடாத......பாரு பேசும்போதே உனக்கு இருமல் வருது....போயி போலிசோட ப்ளாக்கெல்லாம் படிக்காம இந்த இருமலைபோக்கும் ஆயுர்வேத மருத்துவம் இந்த பதிவ படி சரியாயிரும்....

"அட சொறி புடிச்ச மொன்ன நாயி...இந்த டகால்ட்டி வேலைதான் நம்மகிட்ட நடக்காது....இருடி நான் போயி போலிச வரச்சொல்றேன்..அவன்கிட்ட காட்டு உன் டகால்ட்டி வேலையெல்லாம்.......

அடுத்து சிரிப்பு போலிஸ் ரமேஷ் உள்ளே வருகிறார்......வரும்போதே எதையோ தேடிக்கொண்டே வருகிறார்....

"வா மகனே...வா....நீதான் அந்த போலீசா?

"அட இருயா....உன்ன எவன் பாக்கவந்தான்? ஆசிரமும்னா உள்ள நாலஞ்சு பிகரு இருக்கும்னு பேரு....இங்க என்னயா ஒன்னத்தையும் காணும்? (வந்தது வீணாப்போச்சோ?)

"(நல்லவேள....எல்லோரையும் ஒளிச்சுவச்சது..) மகனே...தவறாக நினைக்காதே....காமாலை பிடித்தவன் கண்ணுக்கு காண்பதெல்லாம் மஞ்சளாம்.....நீ சென்று மஞ்சள் காமாலை பற்றி தமிழ்துளியில் சொல்லியிருக்கும் பதிவை படி..அதற்க்கு முன் நீ பதிவெழுதுவதை நிறுத்திவிடு...மக்கள் சந்தோசமாக இருக்கட்டும்.......

அடுத்து வெறும்பய ஜெயந்த் உள்ளே வரும்போதே ஏப்பத்துடன் வருகிறார்.....

"என்னப்பா...ஏப்பமெல்லாம் பலமாக இருக்கிறது?

"ஆமாம் சாமி....நல்ல சாப்பாடு உங்கள் ஆசிரமத்தில்......கொஞ்சம் பார்சல் கட்டிவேற வச்சிருக்கேன் ராத்திரிக்கி.....ஆனா சாப்புடற அவசரத்துல உச்சா இருக்க கூட மறந்திட்டேன்...இப்ப கொஞ்சம் அவசரம் உங்க பாத்ரூம பயன்படுத்திக்கலாமா?

"ஐயோ...அதெல்லாம் முடியாது மகனே...(பொண்ணுங்க உள்ள ஒளிஞ்சத பாத்துட்டானோ?) எதை மறந்தாலும்..இதை மறக்க கூடாது மகனே.....சிறுநீரக பாதிப்பு ஏற்படும்..இதைப்பற்றி மேலும் தெரிந்துகொள்ளசிறுநீரகங்கள் - கிட்னி பாதுகாப்பு, இந்த பதிவை படி பயனுள்ளதாக இருக்கும்.....

"அதெல்லாம் சரி சாமி..அந்த பாத்ரூம........(அதற்குள் அடுத்த பந்திக்கு இலை போட்டதும் ஓடி விடுகிறார்...)

அடுத்து வைகை உள்ளே வருகிறார்.......கொஞ்சம் பயந்துகொண்டே வருகிறார்....

"வாப்பா வைகை.....நீதானா? ரெம்ப சின்ன பையனா இருக்கியேப்பா? எப்பிடி இவிங்களோட மாரடிக்கிறியோ? கொஞ்சம் கஷ்டம்தாம்ப்பா....

"ஆமாம் சாமி.....அதுலயும் இந்த குரூப்ல டெரர்னு ஒருத்தரு இருக்காரு.....பேரைக்கேட்டாலே பயமா இருக்கு சாமி...அப்பறம் இந்த போலிசு வாரத்துக்கு மூணு பதிவு போட்டே பயமுறுத்துராறு சாமி....இந்த சின்ன வயசுல இதையெல்லாம் எப்பிடி சாமி தாங்கிக்கிறது? 

"மகனே...உன் கஷ்டம் புரிகிறது....கவலைப்படாதே....உன்னமாதிரியே டீன் ஏஜ்ல இருக்கும் புள்ளைகளுக்கு இருக்கும் பிரச்சனைகளுக்கு தீர்வு இந்த பதின் பருவத்தின் டாப் 10 பிரச்சனைகள்  பதிவுல டாக்டர் ஷாலினி மேடம் சொல்லியிருக்காங்க.....போயி படிச்சு தெரிஞ்சுக்க..

"ரெம்ப நன்றி சாமி.....சாமி சன் டீவில உங்க போட்டி ச்சீ....பேட்டி பார்த்தேன் சாமி....அடுத்த பேட்டி எப்ப சாமி..ஹி ஹி 

"மகனே வைகை...உன்னை காவிரில தூக்கிப்போட்டாலும் நீ அடங்கமாட்டியா? உனக்கு போலிசுதாண்டா லாயக்கு...    போய்த்தொலை இங்கிருந்து.......தம்மாதூண்டு இருந்துகிட்டு என்னா கேள்வி கேக்குது.....ஸ்.ஸ்..முடியல....டேய்...சிஷ்யா.... கொஞ்ச நாளைக்கு ஆசிரமத்த இழுத்து மூடுடா.....அம்மா....ரஞ்சி....ச்சீ...அடுத்து யாரும்மா......

என்னாது.....மங்களம் உண்டாகனுமா? ......அந்த பொன்னான பணிய நீங்களே பாத்துக்கங்க.........வரட்டுமா.....! உத்தரவு வாங்கிக்கிறேன்.... :))

திரு. சீனா ஐயா அவர்களுக்கும், மற்றும் அனைத்து அன்பு உள்ளங்களுக்கும் மீண்டும் ஒருமுறை நன்றி கூறி விடைபெறுவது உங்கள் மாணவன்

மாணவன் ஸ்பெஷல்:
“வாழ்கை என்பது நீ சாகும் வரை அல்ல...
  மற்றவர்கள் மனதில் நீ வாழும் வரை..!!”


நீ உன் நண்பர்களிடம் பேசும் போது 
 என்னை மறந்து விடுகிறாய்
  -இப்படிக்கு கவலைகள் ...

“வாழ்வது ஒருமுறை... வாழ்த்தட்டும் தலைமுறை”

வாழ்க வளமுடன்

என்றும் நட்புடன்

உங்கள். மாணவன்

மேலும் வாசிக்க...

குருகுலத்தில் பொழுதுபோக்கு ஹோமம்

குருகுலத்தில் 5 ஆம் நாள்:

சுவாமி ஆழ்ந்த தியானத்தில் இருந்தார். வழக்கத்திற்கு மாறாக சிஷ்யன்... “ஒரு பண்பாடு இல்லையென்றால் பாரதம் இல்லை” என்று பாட்டு பாடிக்கொண்டே உள்ளே வந்தார். சிஷ்யனின் குரல் கேட்டு தியானத்திலிருந்து கண் விழித்த சுவாமி......

" என்ன சிஷ்யா பாட்டெல்லாம் பலமா இருக்கு?!!. பண்பாட்டுக்கு  என்ன குறை இப்ப? 

"அதில்லை சுவாமி !(நீயெல்லாம் உயிரோடு இருக்கியே ?) நம்ம நண்பர் பாட்டு ரசிகன் பாடல்கள்பற்றி வரிகளுடன் தெளிவாக விளக்குகிறார்.போய் படிச்சு பாருங்க... நீங்களே பாடுவீங்க...

"ம்ம் படிச்சு பார்க்கிறேன் நன்றி சிஷ்யா.....நீ சினிமா படமெல்லாம் பார்ப்பியா?!

" ம்ம்.. நேரம் கிடைக்கும்போது பார்ப்பேன் சுவாமி, அதுவும் நண்பர் பாட்டு ரசிகனே மற்றொரு தளத்துல புதுப்படங்களோட விமர்சனமும் எழுதுறாரு அத படிச்சுட்டு நல்லாருந்தா போவேன் சுவாமி.

"பணத்த மிச்சம் பண்றேன்னு சொல்லு சிஷ்யா. 

"அப்படியும் இருக்கலாம் சுவாமி. 

"அப்புறம் சிஷ்யா உள்ளூர் சினிமாவையே பார்த்துட்டு இருக்காம நண்பர் கனவுகளின் காதலன் உலக சினிமாபற்றி எழுதுறாரு போய் படிச்சு உலக சினிமாபத்தியும் தெரிஞ்சுக்க சிஷ்யா.

"ரொம்ப நன்றி சுவாமி.......!!

" சரி சிஷ்யா எந்திரனுக்கு அப்புறம் ஷங்கர் என்ன பண்ண போறாருன்னு எதாவது தெரியுமா?  

"அது சரியா தெரியல சுவாமி ஆனால் இங்க நம்ம கழுகு குழுமத்துல இருந்து டைரக்டர்ஷங்கர்.....என்ன செய்ய போறீங்க சார்?? என்று சில கேள்விகளை கேட்டுருக்குறாங்க ஆனால் பதில்தான் வரல சுவாமி.

"சரி விடு சிஷ்யா .. அவருக்கு நேரம் சரியில்லைபோல... நீ அவர பார்த்தீன்னா இங்க போய் நண்பர் ஞானமுத்து சொல்ற ராசிபலன பார்க்க சொல்லு.

"ராசி பலனா?? நானும் பார்க்கனும் சுவாமி என் காதலி ஒத்து வரல அதான் அத்தை பொண்ணையே கல்யாணம் பண்ணபோறேன் சுவாமி.

"சிஷ்யா அவசரப்படாதே அதுக்கு முன்னாடி நண்பர் மாத்தியோசி சொல்ற  அத்தப்பொண்ணு vs மத்தப்பொண்ணு பதிவ படிச்சுட்டு முடிவு பண்ணு.

"எப்படி இருந்தாலும் முதல்ல பணம் சம்பாதிக்கனும் சுவாமி அதன்பிறகுதான் எல்லாம்...

" நல்ல முடிவு சிஷ்யா அதுக்கும் வழி இருக்கு முதல்ல நீ ஒரு செல்போன் வாங்கு 

"ஆமாம் சுவாமி நான்கூட நினைத்தேன். 

"அப்படியா நல்லது சிஷ்யா.....

"செல்போன் வாங்குறதுக்குகூட நம்ம நண்பர் ஸ்பீடு மாஸ்டர் இந்த 2 ஜின்னா என்னா?? அதன் சேவையபத்தி விளக்கமா சொன்னா செல்போன் பரிசுன்னு சொல்லியிருக்காரு போய் முயற்சி செய்து பார்.

"அட நல்ல திட்டமா இருக்கே நான் சென்று பார்க்கிறேன் சுவாமி... 

"ஆனால் ஒன்று சிஷ்யா, செல்போன் வேணும்னா ஒழுங்கா பதில் சொல்லனும்...

"ஏன் சுவாமி என்மேல் சந்தேகமா?? 

"அதில்லை சிஷ்யா, இங்க நண்பர் குறட்டைபுலி பதில் சொல்றமாதிரி எடக்கு மடக்கா பதில் சொல்லக்கூடாது அதற்காக சொன்னேன்.

"அப்படியெல்லாம் செய்வேனா சுவாமி? நான் உங்கள் சிஷ்யன்!! (வேதனை, வெட்கம், அவமானம்)

"(சந்தேகமே அதனாலதான்) உன்மேல நம்பிக்கை இருக்கு சிஷ்யா..ம்ம். பூஜைக்கு நேரமாச்சு.. ஆக வேண்டியதை பார் ......

"அப்படியே ஆகட்டும் சுவாமி........

மங்களம் உண்டாகட்டும்.... தொடரட்டும் உன் பொன்னான பணி :))

மாணவன் ஸ்பெஷல்:

“நீ செய்யும் தவறு கூட புனிதமாகும்

    அதை நீ  ஒப்பு கொள்ளும் போது”

மாணவனின் - வகுப்பறை கலாட்டா:

அருகில் இருந்தும் பேச முடியவில்லை ...

  உரிமை இருந்தும் கேட்க முடியவில்லை... 

எக்ஸாம் ஹாலில்..!!
  என்ன கொடுமை சார் இது?? :))

மனங்கவர்ந்த வரிகள்:

கண்ணீர் விட்டு கொண்டே இருப்பேன்...

 நீ என்னை அணைக்கும் வரை....
   இப்படிக்கு...மெழுகுவர்த்தி..!!!

மேலும் வாசிக்க...

குருகுலத்தில் சமூக ஹோமம்...

குருகுலத்தில் 4 ஆம் நாள்:

ஆழ்ந்த தியானத்தில் இருந்த சுவாமியின் மெளனத்தை சிஷ்யனின் குரல் கலைத்தது....

"வணக்கம் சுவாமி...

"வணக்கம் சிஷ்யா, என்ன காலையிலேயே விபூதி குங்குமத்துடன் பக்தி பரவசவசமாய் வந்துள்ளாய் ?

"ஆமாம் சுவாமி + 2 தேர்வுகளில் மாணவர்களில் நன்றாக தேர்ச்சிபெற வேண்டும் என சிறப்பு பூஜை செய்தேன் சுவாமி....

"ம்ம்...நல்லகாரியம் செய்தாய் மாணவர்கள் தேர்வில் வெற்றிபெற்றபிறகு...

+2 க்கு பிறகு என்ன படிக்கலாம் என்று ஆசிரிய நண்பர் கருண் அவர்கள் சொன்னதையும் படிக்க சொல் பயனுள்ளதாய் இருக்கும்.

"அப்படியே ஆகட்டும் சுவாமி ஆனால் மாணவிகளுக்கு மட்டும்தான் சொல்வேன் ஏனென்றால் பெண்கள்தானே புத்திசாலி!!

"அப்படி இல்லை சிஷ்யா நண்பர் ஆசிப் மீரான் எழுதிய புத்திசாலி பெண்கள் கதையை படித்தால் நீ இப்படி சொல்லமாட்டாய்.

"ம்ம்..படிச்சு பார்க்கிறேன் சுவாமி இருந்தாலும் ஆண்களும் நல்லவர்கள்தான் சுவாமி(உங்களை தவிர)

"நீதான் நல்லவன்னு சொல்ற ஆனால் இங்க ஒரு சகோதரி ஆண்களின் மனநிலை என்று மாறப்போகிறது?? என்று கேள்வி கேட்டு ஆண்களை சாடுகிறார்.

"சரி விடுங்க சுவாமி இந்த விவாதம் முடியாத ஒன்று (நீங்க உயிரோடு இருக்கும்வரை)

"சிஷ்யா பெண்களைபற்றி ஆராய்ச்சி பண்ணாமல் (நான் எதுக்கு இங்க இருக்கேன்) நண்பர் ப்ரவின்குமார் எழுதிய விடா முயற்சி விஸ்வரூப வெற்றி பதிவ படி வாழ்க்கையில முன்னேறலாம்..!!

"ரொம்ப நன்றி சாமி (உங்களோட சேர்ந்தா எங்க முன்னேறது) அப்புறம் சுவாமி சாஸ்திரம் ஆன்மீகம் பற்றி பாலசுப்ரமணியன் ஐயா நிறைய கேள்வி கேட்டுருக்குறாரு பதில் சொல்லுங்க சுவாமி...

"சிஷ்யா உனக்கு ஞானம் பத்தாது கையில் காசு வாயில் தோசை...தட்சனை இல்லாமல் அணுவும் அசையாது.

"சுவாமி வாய் என்றவுடன் ஞாபகம் வருகிறது இனி நீங்க வாயிலிருந்து லிங்கமெல்லாம் எடுக்க முடியாது...

" ஏன் சிஷ்யா ஸ்டாக் தீர்ந்திடுச்சா?? வாங்கிட்டா போச்சு...

"அட அது இல்ல சுவாமி.. சகோதரி தர்ஷினி லிங்கத்தபற்றி.. சொல்லியிருக்காங்க போயி படிச்சு பாருங்க உங்களுக்கே புரியும்.

"படிக்கிறேன் சிஷ்யா ஆனால் நீ “என்மேல் அன்பாக இரு பாசமாய் இராதே”...

"என்ன சுவாமி குழப்புறீங்க... இரண்டுமே ஒன்னுதானே..!!

"அப்படியில்லை சிஷ்யா அன்புக்கும் பாசதுக்கும் உள்ள வித்தியாசத்தை சகோதரி கவிநயா அழகா சொல்லியிருக்காங்க போய் படிச்சுபாரு புரியும்.

"யாரு சுவாமி அபிநயாவா???

"முட்டாள் சிஷ்யா நம்ம மாணவன் பிளாக்க படிச்சியா?? அது அபிநயா இல்ல கவிநயா...


"ஓ...கவிநயாவா.. சரிங்க சுவாமி படிச்சுபார்க்குறேன்...

"இன்னைக்கு போதும் சுவாமி...! எனக்கு நேரமாயிடுச்சு நான் கெளம்புறேன்.

"சரி சிஷ்யா சென்று வா வென்று வா...!!

"மங்களம் உண்டாகட்டும்...தொடரட்டும் உன் பொன்னான பணி...:))

மாணவன் ஸ்பெஷல்:

நேரத்தின் அருமை

நேரத்தை வீணாக்கும்போது கடிகாரத்தைப்பார்..... ஓடுவது வினாடியல்ல... உன் வாழ்க்கை என்பது புரியும்!!

மேலும் வாசிக்க...

குருகுலத்தில் அக்னி(அரசியல்) ஹோமம்...

குருகுலத்தில் 3 ஆம் நாள்:

காலையிலிருந்து சுவாமிக்கு தியானத்தில் மனது லயிக்கவில்லை பரபரப்பாக இருந்தார்.... இந்த சிஷ்யனையும் காணவில்லை நேற்று காதலிய பார்க்க போறேன்னு சொன்னானே?!!... ஒருவேள அங்கயே தங்கிட்டானா?

சுவாமி இப்படி நினைத்துகொண்டிருக்கும்போதே சிஷ்யன் உள்ளே வந்தான்......

"வணக்கம் சுவாமி என்ன ஒரே பரபரப்பா இருக்கீங்க?

"நான் மட்டுமா இருக்கேன்.... நாடே பரபரப்பாதான் இருக்கு!!

" என்ன சொல்றீங்க சுவாமி?

" ஆம் சிஷ்யா...... ஸ்பெக்ட்ரம் புகழ் ஆ.ராசாவ கைது பண்ணிட்டாங்களாம் ...

"அப்படியா சுவாமி உங்களுக்கு எப்படி தெரியும்..?

"சரி அதவிடு சிஷ்யா ... இப்ப ராசா கைதுக்கு நம்ம முதல்வரு என்ன என்ன செய்ய போறாருன்னுதான் எல்லோருடைய எதிர்பார்ப்பா இருக்கு.

"உங்களுக்கு ஏன் சுவாமி இந்த கவலை? இந்த கேள்வியத்தான் நண்பர் கொக்கரக்கோ அவர்கள் ராசாவா?...தி.மு.க வா?-என்ன செய்யப் போகிறார் கருணாநிதி?! கேட்ருக்காரு ஆனால் பதில்தான் இன்னும் சொல்லல.

"ஏன் சொல்லல? அதான் சொல்லிட்டாருல்ல கைது செஞ்சா மட்டும் குற்றவாளி இல்லைன்னு...

"ஆமாம் சுவாமி அப்ப யார்தான் குற்றவாளி??

"குற்றவாளி யாருங்கறது இருக்கட்டும் சிஷ்யா.ஆனால் நண்பர் குருசாமி ஏன் இப்படி இருக்கிறார்கள்?? என்று அரசியல்வாதிகளையும், அரசு அதிகாரிகளையும்.... பதிவுல சில கேள்விகள கேட்டுருக்குறாரு.

"அவர் மட்டுமா கேட்குறாரு ... சரி அதவிடு சிஷ்யா ராசாவ கைது செஞ்சன்னைக்கு மக்களின் ரியாக்‌ஷன் என்ன? உனக்கு ஏதாவது தெரியுமா?

"எனக்கு எதுவும் தெரியாது சாமி (ரொம்ப முக்கியம் இப்ப) ஆனால் நண்பர் எரிதழல் ஆ.ராஜா கைது ந‌ட‌ந்த‌து என்ன‌? சொல்லிருக்குறத படிச்சிபார்த்தா கொஞ்சம் தெரிஞ்சுக்கலாம்,

"சரி சிஷ்யா... நான் படிச்சு பார்க்கிறேன் எனக்கு இந்த அரசை நெனச்சா கோவமா வருது சிஷ்யா...

"அரசியல் ரொம்ப பேசாதீங்க சுவாமி உடம்புக்கு நல்லதில்ல...அரசைபத்தி நண்பர் நாஞ்சில் மனோகூட மக்களை காக்காத அரசு என்று கோவபடுறாரு.....

"என்னபண்றது சிஷ்யா நம்மகிட்ட என்ன கருப்பு பணமா இருக்கு பயந்துகிட்டு இருக்க?

"சரியாக சொன்னீங்க சுவாமி கருப்பு பணத்தபத்தி நம்ம நண்பர் கக்கு-மாணிக்கம் சார் கேட்குற கேள்விக்கு அரசாலேயே பதில் சொல்ல முடியாது சுவாமி.

"பரவாயில்லையே சிஷ்யா உனக்கும் அரசியல் தெரிஞ்சிருக்கே...?!! ஆமாம் சிஷ்யா இந்த பா.ம.க யாரோட கூட்டனின்னு தெரியுமா?

"அது கடவுளுக்கே தெரியாது சுவாமி ஆனால் நண்பர் வலைஞன் ரஹீம் கஸாலி ராமதாஸிடம் சில கேள்விகள் கேட்டுருக்குறத படிச்சிங்கீன்னா தெரியும்.

"அப்படியா? படிச்சு பார்க்குறேன் சிஷ்யா...தேர்தல் வரப்போகுது இந்த அரசு ஊழியர்களெல்லாம் போராட்டாம் பண்ணலையா சிஷ்யா?

"ஏன் பண்ணல சுவாமி...ஆனால் இந்த போராட்டாம் தேவையான்னு ஐயா திரவிய நடராஜன் அவர்கள் ஏன் இந்த கொடுமைன்னு கேட்கும் கேள்விகளும் சொல்லும் நியாயங்களும் சரின்னுதான் படுது சுவாமி

"சரி விட்டுத்தள்ளு சிஷ்யா நமக்கெதுக்கு அரசியல் யார் வந்தாலும் மக்கள் ஏமாளிதானே..!! நீ போய் காத்திருக்கும் பக்தைகளை அனுப்பு.

"சரிங்க சுவாமி நான் போய் வசூலை பார்க்கிறேன்..ம்ம் சென்று வா சிஷ்யா.....

"மங்களம் உண்டாகட்டும்..!! உன் பொன்னான பணி தொடரட்டும்..!! :))

மாணவன் ஸ்பெஷல்:

“நண்பனையும் நேசி! எதிரியையும் நேசி! நண்பன் வெற்றிக்குத் துணையாய் இருப்பான். எதிரிதான் வெற்றிக்குக் காரணமாய் இருப்பான்..!!”

மேலும் வாசிக்க...

குருகுலத்தில் கவிதைகள் ஹோமம்...

குருகுலத்தில் 2 ஆம் நாள்: 

அதிகாலை தியானத்திலிருந்து சுவாமி கண்விழிக்கவில்லை சிஷ்யன் நேற்று தானே உருவாக்கிய அடையாள அட்டையுடன் உள்ளே வந்து காத்திருந்தார். கண் விழித்த சுவாமி ஆச்சரியமடைந்தார்......

 "என்ன சிஷ்யா அதிகாலையிலேயே வந்து விட்டாய்?!

" ஆமாம் சுவாமி நாளை என் தாயாருக்கு பிறந்தநாள் ஒரு நல்ல கவிதை சொல்லுங்கள் என் தாய்க்கு பரிசளிக்க ....

"என்ன சிஷ்யா கிண்டலா? எனக்கு வாயில வாந்திதான் வரும் கவிதையெல்லாம் வராது. உனக்கு கவிதை வேண்டும் என்றால் நம்ம பக்தர் ஜேகே அவர்கள் எழுதியிருக்கிற தாயன்பு போலாகுமா? இந்த கவிதைய எழுதிகொடு.

"நன்றி சுவாமி நான் போய் உறக்கத்தில்  இருக்கும் என் காதலியையும் அழைச்சுகிட்டு போறேன்...

"அடப்பாவி காதலி வேறயா?? (என்னை மிஞ்சிடுவான்போல) சிஷ்யா கொஞ்சம் இரு காதலியை எப்படி எழுப்பனும்னு நம்ம பக்தர் சந்தகவி.சூசைப்பாண்டி அவர்கள் காதலியின் துயில் கலைத்தல் பற்றி சொல்லியிருக்காரு அதை படிச்சுபார்த்துட்டு போய் எழுப்பு. 

"இதக்கூட சொல்றாங்களா சாமி.... ?!

"ஆமாம் சிஷ்யா உன் காதலி எப்படி? சகோதரி தீபிகா அவர்களின் என் காதல் பிள்ளையார் சுழி கவிதையைபோல உனக்கு உன் காதலி கடிதம் (கவிதை) கொடுத்தாங்களா இல்லையா? 

"இல்ல சாமி நாந்தான் நம்ம நண்பர் சத்ரியன்.. பொய் சொல்ல போறேன்னு..  சொன்ன மாதிரி நானும் பொய் சொல்லி திட்டு வாங்கினேன்....

"சரி விடு சிஷ்யா... அடியும் உதையும் ஆசிரம வாழ்க்கையில சகஜம்தானே.... சரி உன் காதலிக்கு முத்தமெல்லாம் கொடுத்துருக்கியா?

"என்ன சாமி இப்படி கேட்குறீங்க முத்தம்பற்றி உங்களுக்கும் தெரியுமா?

"எனக்கு தெரியுறது இருக்கட்டும்...நீ முத்தம்பற்றி ஹைக்கூவா நண்பர் சிவகுமாரன் சொல்லியிருக்கிறத படிச்சு தெரிஞ்சுக்க.. 

"ரொம்ப நன்றி சுவாமி. (சுவாமின்னு நினைச்சா பெரிய ஆசாமியா இருப்பாருபோல)

"சிஷ்யா என்மேல் சந்தேகமா? சகோதரி ரேவாவோட ஆதலால் காதல் செய் கவிதைய படிச்சா கடவுள்கூட காதல் செய்வார். நான் எம்மாத்திரம்...

"உண்மைதான் சுவாமி அப்படியே சகோ நிலா காதலியோட உயிருடன் சாகிறேன் நானடா இந்த கவிதையையும் படிச்சு பாருங்க...

" அப்படியா சிஷ்யா?!... ம்....ம்... படிச்சு பார்க்கிறேன்.

"சிஷ்யா காதலபற்றி சகோ ஹரினி நாதன்கூட அழகாய் பூக்குதே... காதல் பூ என்று ஒரு கவிதை சொல்லியிருக்காங்க அதையும் படிச்சுபாரு அப்புறம் நீ ஆசிரமபக்கமே வரமாட்டே உன் காதலியோடதான் இருப்ப (ஆசிரமம் அதவிட நல்லாயிருக்கும்...ம்ம்) 

"என்ன சாமி சொல்றீங்க நான் எப்படி என் காதலிகூடவே இருக்க முடியும்

"உனக்கு உலகமே தெரியல சிஷ்யா... நிலாமுகிலனோட பெண்ணே நீ கவிதைய படிச்சுபாரு உனக்கு தெளிவாக புரியும். 

"சரிங்க சுவாமி நான் இப்பவே சென்று படிக்கிறேன் அப்புறம் என் காதலி விழிக்கிறதுக்குள்ளே நான் போய் எழுப்பனும் வரட்டுமா சுவாமி?? உத்தரவு வாங்கிக்கிறேன்...

"அப்படியே ஆகட்டும் சிஷ்யா ... நாளைக்கு மறக்காமல் பூஜைக்கு வந்துவிடு

"மங்களம் உண்டாகட்டும்....பொன்னான பணி தொடரட்டும்... :))

மாணவன் ஸ்பெஷல்:

“மனிதர்களை உயர்ந்த மனிதர்களாக்குவது 

சோதனை நேரம்தான்... வெற்றி நேரமல்ல”

மேலும் வாசிக்க...

குருகுலத்தில் தொழில்நுட்ப ஹோமம்...

குருகுலத்தில் முதல் நாள்:

தியானத்தில் இருந்து கலைந்த சுவாமி மிகவும் கோவமாக இருந்தார் (அட அதுக்கு இல்லீங்க) காரணம் சிஷ்யன் இன்னும் வரவில்லை (நல்லா கவணிங்க சிஷ்யன்),

தாமதமாக உள்ளே வந்த சிஷ்யன்..."சுவாமி என்னை மன்னிக்க வேண்டும்

"ஏன் தாமதம் சிஷ்யா?

"ஆசிரமத்தின் புது காவலர்கள் உள்ளே விடவில்லை சுவாமி என் போன்ற ஆண்களுக்கு அனுமதி இல்லையாம்...

 "என்பேரை சொல்ல வேண்டியதுதானே சிஷ்யா?

" அதற்குபிறகுதான் காறிதுப்புனாங்க சுவாமி...

"சரி சரி அடையாள அட்டையை காண்பிக்க வேண்டியதுதானே?

"சுவாமி நீங்கள் எப்போது அடையாள அட்டை கொடுத்தீர்கள்?

சரி சரி இங்கு நம்ம ஜிஎஸ்ஆர் தளத்திற்கு சென்று படித்துவிட்டு உனது அடையாள அட்டையை நீயே சொந்தமாக தயாரித்துக்கொள்.

"அப்படியே ஆகட்டும் சுவாமி...சுவாமி சொல்ல மறந்துவிட்டேன் உங்களை பேட்டியெடுக்க வெளிநாட்டு நிருபர்கள் வந்துள்ளார்கள் உள்ளே வரசொல்லவா?

"வெளிநாட்டு நிருபர்களா?? அவர்கள் ஆங்கிலத்தில் அல்லவா கேள்வி கேட்பார்கள் அதற்கெல்லாம் எனக்கு விளக்கம் தெரியாதே சிஷ்யா என்ன செய்வது?

கவலை வேண்டாம் சுவாமி இங்கு நண்பர் வின்மணி அதிவேக ஆங்கில டிக்‌ஷனரிபற்றி ஒரு பதிவு எழுதியுள்ளார் சென்று படித்து உங்கள் ஆங்கில அறிவை வளர்த்துக்கொள்ளுங்கள்.

நன்றி சிஷ்யா........அப்புறம் சிஷ்யா நான்கூட ஒரு புது பிளாக் எழுத ஆரம்பிச்சுருக்கேன்......

"சொல்லவே இல்லையே சுவாமி?

"சரி விடு அதான் இப்ப சொல்லிட்டேனே! நம்ம பிளாக்க அழுகுபடுத்தவும் அப்படியே இந்த ட்விட்டர் பட்டனையும் இணைக்கணும் அதுக்கு ஏதாவது வழி சொல்லுப்பா?

"சுவாமி கவலையே வேண்டாம் உங்க பிளாக்க அழுகுபடுத்த நண்பர் கிரிகான்ஸ் பிளாக்கை அழகுபடுத்துவது எப்படின்னு சொல்லியிருக்கார். அதை படித்து தெரிந்துகொண்டு அப்படியே பிளாக்கரில் ட்விட்டர் பட்டன் இணைக்க மற்றொரு நண்பர் அப்துல் பஷித் சொல்லியிருக்கார் சென்று தெரிந்துகொள்ளுங்கள்.

"மிக்க நன்றி சிஷ்யா அப்படியே என்னோட பிளாக்குக்கு வாசகர்கள் அதிகரிக்க ஏதும் வழிகள் இருந்தா சொல்லிடுபா

"அது மிகவும் சுலபம் சுவாமி..... (அதுசரி உனக்கு தெரியாததா) நண்பர் குருதாசன் இங்கே  பிளாக்கின் வாசகர்கள் அதிகரிக்க சிறந்த வழிகள் சொல்லியிருக்கார் போய் பாருங்க....

"சிஷ்யா உன் அறிவ மெச்சுறேன்... உனக்கு ரெண்டு கமண்டலம் பார்சல்....

"என் கம்ப்யூட்டர்ல நான் வச்சிருக்குற பர்சனல் file, folder எல்லாத்தையும் பாஸ்வேர்டு கொடுத்து லாக் பண்ணனும் (ஒருத்தனையும் நம்ப முடியல) அப்புறம் file ஏதாவது மறந்துட்டு டெலீட் பண்ணிட்டாலும் திரும்ப மீட்டெடுக்க வழி இருந்தாலும் சொல்லிடுபா (போலீஸ் வரும்போது டெலீட் பண்ணனும் அவங்க போனபிறகு மீட்டெடுக்கனும்) 

"இதற்கும் தொழில்நுட்பத்தில் தீர்வு உள்ளது சுவாமி இதபத்தி நம்ம நண்பர் ரகுவர்மன் file,folder எப்படி லாக் பண்றதுன்னு சொல்றாரு, அப்புறம் கம்யூட்டர்ல மறந்து டெலீட் செய்த ஃபைல்கள எப்படி மீட்டெடுக்குறதுன்னு குமரேசன் சார் சொல்லியிருக்காரு அங்க சென்று எப்படி பண்றதுன்னு தெரிஞ்சுக்குங்க சுவாமி

"இதெல்லாம் சின்ன வயசுலே  உண்டா சுவாமி? 

"எது சிஷ்யா? (பயபுள்ள கண்டுபுடிச்சுட்டான்போல)

 "ஹி! ஹி!! உங்க பக்தி சுவாமி......

"அதிலென்ன சந்தேகம் சிஷ்யா... (சமாளிடா....) 

"சிஷ்யா நான் நேற்றைக்கு ஒரு புது கம்யூட்டர் வாங்கினேன்.(யாருக்குன்னு கேட்காதே) அந்த கம்யூட்டருக்கு மென்பொருள்கள் இன்ஸ்டால் செய்யனும் அதற்கு இலவசமா ஏதும் மென்பொருள்கள் கிடைக்குமா?

"ஆம், அதற்கும் வழி உள்ளது சுவாமி நண்பர் பிரபு கிட்டதட்ட 75 மென்பொருள்கள் ஒரே இடத்துல தொகுத்து டவுன்லோடு செய்வதற்கு இணைப்பு கொடுத்துருக்காரு. போயி பார்த்துட்டு உங்களுக்கு எந்த மென்பொருள் வேண்டுமோ டவுன்லோடு செஞ்சு இன்ஸ்டால் பண்ணிக்குங்க... 


"சுவாமி நீங்க இன்ஸ்டால் செய்த மென்பொருள்களுக்கு இலவசமா (லைசென்ஸ் கீ) சீரியல் நம்பர் தேவைப்பட்டால் இங்கு சென்று பாருங்கள் சுவாமி... மென்பொருளுக்கான சீரியல் நம்பரை இலவசமாக பெறுவது எப்படி?  என்று நண்பர் நிம்ஷாத் சொல்லியிருக்காரு.

"அப்புறம் சுவாமி கம்யூட்டரையே ரொம்ப நேரம் பார்த்தீங்கன்னா உங்க கண்ணுக்கு ஏதாவது பிரச்சினை வரும்.அதனால கண்களின் பாதுகாப்பிற்கான மென்பொருள் உண்டு என்று சொல்றாரு நண்பர் பழனி.

"சுவாமி உங்க போட்டோவை அழகுபடுத்தவும் டிசைன் செய்யவும் நம்ம வேலன் சார் தினம் ஒரு புதிய மென்பொருள பதிவிட்டு அசத்துறாரு. 

"அப்படியா சிஷ்யா நல்லது. ஆனால் எனக்கு போட்டோஷாப் பற்றி ஒன்றும் தெரியாதே? 


"கவலையை விடுங்கள் சுவாமி போட்டோஷாப் பாடமும் வேலன் சார் அழகுதமிழில் தெளிவாகவும் சிறப்பாகவும் சொல்லித்தறாரு. சென்று பாருங்கள் நிச்சயம் பயனுள்ளதாய் இருக்கும். நீங்க பெரிய டிசைனரா ஆகிடுவீங்க..!!

"மிக்க நன்றி சிஷ்யா உன் உதவிக்கு.

"எனக்கு நேரமாச்சு சுவாமி... பல பக்தைகள் எனக்காக வெளியே வெயிட்டிங்... நான் உத்தரவு வாங்கிக்கிறேன் சுவாமி....மீண்டும் நாளை சந்திப்போம்...

"அப்படியே ஆகட்டும்... சென்று வா சிஷ்யா...

மங்களம் உண்டாகட்டும்....தொடரட்டும் உன் பொன்னான பணி.... :))

மாணவன் ஸ்பெஷல்:

“வாழ்க்கையில் நீ சந்திக்கும் ஒவ்வொரு மனிதனும் உனக்கொரு குரு. அவனிடம் நீ கற்றுக்கொள்ள ஏதாவது ஒன்று இருக்கும்”

வாழ்க வளமுடன்

என்றும் நட்புடன்...

உங்கள். மாணவன்

மேலும் வாசிக்க...