ஃபேஸ்புக்… தவிர்க்க வேண்டிய நான்கு முக்கிய விஷயங்கள்!

முகநூலின் தாக்கம் பதிவுலகத்தில் நன்றாகவே தெரிகிறது. முகநூல் 20-20 கிரிக்கெட் போன்றது. பதிவுலகம் டெஸ்ட் மேட்ச் போன்றது. 

ஒரு எழுத்தாளனின் முழுத் திறமை பிளாக்  எழுதுவதை வைத்துத்தான் கணிக்கமுடியும் என்பது எனது கணிப்பு. எப்படியாயினும் இன்று முகநூலும் வாழ்கையின் ஒரு அங்கமாகிவிட்டது. 

முகநூலில் தவிர்க்கவேண்டிய நான்கு முக்கிய விஷயங்கள் என்னென்ன என்பதை புரியாத புதிர் தளம் புரியும் வகையில் விளக்குகிறது.

அடுத்ததாக படைப்பாளி சமூக விழிப்புணர்வு வலைத்தளம் . சமுதாயத்தில் நடக்கும் அநீதிகளை கட்டுரைகள் மூலமாகவும் கார்ட்டூன் மூலமாகவும் எடுத்துரைக்கிறார் தளத்தின் ஆசிரியர் பாலாஜி. இவர் தளத்தில் வந்துள்ள காலணியும் , காந்தி தேசமும் என்ற இடுகை என்னை கவர்ந்தது.

அடுத்ததாக நான் அறிமுகப் படுத்துவது கருப்பு ரோஜாக்கள். பல்வேறு பயனுள்ள இடுகைகளைக் கொண்டுள்ள இத்தளத்தில் சமீபத்திய இடுகையான நோய் எதிர்ப்பு சக்தியை அதிகரிக்க என்ன செய்யவேண்டும் என்ற இடுகை பயனுள்ளதாக உள்ளது. 

அடுத்ததாக அன்புடன் ஆனந்தி. ஒரு சிறந்த தமிழ் வலைப்பூ. எண்ணித்துணிக கருமம் என்னும் கருத்தை தூது போகாதே என்ற தனது அனுபவ பதிவின் மூலமாக எடுத்துரைக்கிறார். 

அடுத்தபடியாக வாய் விட்டு சிரிப்பதற்கும் சிந்திப்பதற்கும் ஏற்ற பதிவுகளை இடும் ஜோக்காளி தளம். தவிச்ச வாய்க்கு தண்ணி தர வக்கில்லை சிரிக்கவும் சிந்திக்கவும் வைக்கிறது.

அடுத்ததாக தமிழ் அறிவு கதைகள் என்ற ஒரு அருமையான தளம். குழந்தைகள் மற்றும் பெரியவர்கள் அனைவருக்கும் ஏற்ற அறிவைப் புகட்டும் கதைகளின் கருவூலம். 

அடுத்ததாக வரலாற்று சுவடுகள் தளம் . நமக்கு தெரியாத பல புதுப்புது விஷயங்களை நமக்கு திரட்டித் தருகிறது. தளத்தில் இடம்பெற்றுள்ள உலகின் முதல் பல்கலைக் கழகத்தை நிறுவியவர்கள் இந்தியர்கள் என்பது தெரியுமா என்ற பதிவு இந்தியன் என்பதில் பெருமிதம் கொள்ள வைக்கிறது....

மீண்டும் நாளை புதிய அறிமுகங்களுடன் சந்திப்போம் ....

மேலும் வாசிக்க...

நம் வீட்டு ராசா, அடுத்த வீட்டு ராசாத்தி !!!

இன்று நான் அறிமுகம் செய்யவிருப்பது பல்சுவைப் பதிவர்களாக விளங்கும் சிலரை. பதிவு சுருக்கமாக அமையவேண்டும் என்ற நோக்கில் சில பதிவுகளை மட்டும் இங்கே அறிமுகம் செய்கின்றேன் மற்றபடி பதிவுலகில் பல்சுவை பதிவர்கள் ஏராளமானோர் உள்ளனர். அனைவருக்கும் எனது வணக்கங்களும்...வாழ்த்துகளும் ...

1) கவிதைவீதி சௌந்தர் நான் நேரில் சந்தித்த பதிவர்களில் ஒருவர் . ஆசிரியர் பணியோடு ஊர்க்காவல் படை பணியினையும் மேற்கொள்கிறார். தோற்றத்தில் உருக்கு  போல் இருந்தாலும் இவர் கவிதைகளில் என்ன ஒரு மென்மை. கண்ணீர் வடிக்கும் வேப்பமரம் என்ற தலைப்பிட்டு அவர் எழுதிய கவிதை என்னை மிகவும் கவர்ந்தது . அவசியம் வாசியுங்கள்.

2) அடுத்தபடியாக பல்சுவை பதிவுகளின் சரணாலயமாக விளங்கும் வேடந்தாங்கல். நண்பர் கருண்குமார் எழுதும் இந்த வலைப்பூவில் பெயருக்கேற்றாற்போல் பல்சுவைக்கு பஞ்சமில்லை. இப்படி ஒரு மனைவி அமைந்தால் நான் ரசித்த சிறந்த பதிவுகளில் ஒன்று ( யம்மா ...என்னா அடி! அவ்வவ்...)

3) அடுத்ததாக வருகிறார் அரசர்குளத்தான் . நண்பர் ரஹீம் கசாலி அவர்களின் பதிவுகள் சூடாகவும் சுவையாகவும் இருக்கும் இது நடந்த கதையல்ல ...நடக்காத கதையுமல்ல என்ற இந்த பதிவில் பெற்றோரை தனிமைப் படுத்துபவர்களுக்கு சாட்டையடி கொடுக்கிறார்.

4) அடுத்தபடியாக கதம்ப வலைத்தளம் அருணா செல்வம் . பல்சுவைப் பதிவுகள் நிறைந்த இத்தளத்தில் நாங்க அப்பவே அப்படி (நிமிடக்கதை) எனக்கு மிகவும் பிடித்தது. நீங்களும் படித்து மகிழுங்கள் .

5) அடுத்தபடியாக பல்சுவை தளமான வழிப்போக்கனது உலகம் . தமிழர்கள் அனைவரும் அவசியம் அறிந்திருக்கவேண்டிய ஒரு அருமையான தொடரை எழுதியுள்ளார் தளத்தின் ஆசிரியர். அனைத்து தமிழர்களின்  சார்பாக எனது வணக்கத்தையும் வாழ்த்துகளையும் அவருக்கு தெரிவித்துக்கொள்கிறேன். தமிழர்களின் தொடர் தமிழர்களும் சாதி ஏற்றத்தாழ்வும் - ஒரு ஆய்வு முயற்சி.

6) அடுத்தபடியாக அறிமுகப்படுத்துகிறேன் தேன்மதுரத் தமிழ் தளத்தை. சிறந்த பல்சுவை தளமான இத்தளத்தில் இடம்பெற்றுள்ள நம்ம வீட்டு ராசா, அடுத்த வீட்டு ராசாத்தி என்ற பதிவு என்னை மிகவும் கவர்ந்தது .

7) இன்றைய  அறிமுகங்களின் நிறைவாக, உலகெங்கும்  வசிக்கும் பதிவர்கள் ஒன்றாகக்  கூடும்  சந்திப்புகளில் தவறாது தன்னை இணைத்துக்கொண்டு அதை பல மாதங்களுக்கும் சுவை  குன்றாமல் விவரிக்கும் அண்ணன் நாஞ்சில் மனோ . வாசம் வீசிய வசந்த விழாவில் பதிவர்கள் அட்டகாசம் என்ற பதிவின் மூலமாக பல பதிவர்களின் உண்மை முகங்களைக் காண ஓடோடி வாருங்கள்...

மீண்டும் நாளை சந்திப்போம்  சொந்தங்களே..வணக்கம்!

மேலும் வாசிக்க...

அனைவருக்கும் பயனுள்ள தமிழில் தொழில்நுட்ப தளங்கள் !

கணினி பயன்பாட்டாளர்கள் மற்றும் பதிவர்கள் அனைவருமே கணினி தொழில்நுட்ப அறிவை வளர்த்துக்கொள்ளவேண்டியது அவசியமாக உள்ளது . இத்தகைய தொழில்நுட்பங்களை நம் தாய் மொழியில் அறியக் கிடைப்பது உண்மையிலேயே மகிழ்ச்சிக்குரிய விஷயமாகும். 

கணினி மற்றும் வலைப்பதிவு தொழில் நுட்பங்களை பல பதிவர்கள் வழங்கி வருகிறார்கள். அவர்களில் பெரும்பாலோனோரை நாம் அறிந்திருந்தாலும் இங்கே அவர்களை அறிமுகப்படுத்துவதில்  மகிழ்ச்சியடைகிறேன்.

முதலில் என்னுடைய வலைப்பதிவு  ஆசான் பிளாக்கர் நண்பனை அறிமுகப்படுத்துகிறேன். இவருடைய ஒரு பதிவைப் பார்த்துதான் பிளாக் ஆரம்பிப்பதைப் பற்றி நான் தெரிந்துகொண்டேன். பிளாக் பற்றி அடிப்படை அறிவு இல்லாதவர்களுக்கும்  பிளாக்கை மேம்படுத்த விரும்புபவர்களுக்கும் இவருடைய தளம் ஒரு வரப்பிரசாதம்.

அடுத்தபடியாக நண்பர் சசிகுமார் அவர்கள். இவரும் பிளாக் தொழில்நுட்பம் மற்றும் கணினி தொழில் நுட்பங்களை சிறந்த முறையில் வழங்கி வருகிறார். தொழில்நுட்பம் அறிய வருகை தாருங்கள் வந்தேமாதரம். சில சந்தேகங்களுக்கு மின்னஞ்சல் மூலமாகக்கூட உதவி செய்து வருகிறார்.

அடுத்தபடியாக சகோதரர் பிரபு. நான் வலைப்பதிவு எழுத ஆரம்பித்த காலகட்டத்தில்தான் இவரும் எழுத ஆரம்பித்தார். இப்போது கற்போம் என்ற தொழிநுட்ப இதழையும் நடத்தி வருகிறார். கணினி பயனாளர்கள் , மொபைல் பயனாளர்கள் மற்றும் பதிவர்களுக்கு பயனுள்ள தளம் கற்போம்.

அடுத்தபடியாக நான் அறிமுகப்படுத்துவது நண்பர் கான் அவர்களை .இவருடைய தளம் தமிழில் கம்ப்யூட்டர் தகவல்கள். கணினி மூலம் DTP வேலை செய்பவர்களுக்கும் போடோஷாப் வேலை செய்பவர்களுக்கும் இவருடைய தளம் மிக்க உதவிகரமாக இருக்கும். MS OFFICE , XL , PHOTOSHOP எளிய தமிழில் பயில உதவுகிறார் நண்பர் கான்.

அடுத்தபடியாக சகோதரி பொன்மலர் அவர்களை அறிமுகம் செய்கிறேன். சமீப காலமாக இவர் குறைவாகவே பதிவுகள் எழுதி வந்தாலும் இவருடைய முந்தைய இடுகைகள் அனைத்துமே பயனுள்ளவைதான். வாருங்கள் பொன்மலர் பக்கங்கள்.

மேலும் 99likes.blogspot.com , வேலன் , Cybersimman\'s Blog  மற்றும் Tamil Computer College  போன்ற தளங்களும் தமிழில் சிறந்த தொழில்நுட்பப்  பதிவுகளை வழங்கி வருகின்றன. 

இயன்ற அளவு எனக்கு தெரிந்த தொழில்நுட்ப தளங்களை பகிர்ந்துள்ளேன். யாருடைய தளமாவது  விடுபட்டிருப்பின் மன்னிக்கவும்.

மேலும் வாசிக்க...

விலையில்லாத மன நிம்மதி அளிக்கும் தமிழ் தளம்!

பணத்தின் மூலமாக எதை வேண்டுமானாலும் சாதிக்கலாம் என்ற நிலையில்தான் இன்று உலகம் இயங்கி வருகிறது. ஆனால் பணத்தால் வாங்க முடியாதது என்றும் கடவுள் சிலவற்றை வகுத்துள்ளார். 

எவ்வளவு பணமிருந்தாலும் வாழ்கையில் விலை கொடுத்து வாங்க முடியாத ஒன்று நிம்மதி. அந்த நிம்மதியை கடவுளை வணங்குவதாலும் நல்ல நூல்களை படிப்பதாலும் பெற  முடியும். 

இன்றைய வலையுலகில் ஒரு சில பதிவர்களால் மட்டுமே மன நிம்மதியளிக்கும் வகையிலான பதிவுகளை தந்துகொண்டிருக்கிறார்கள். 

அந்த வகையிலே எனது போற்றுதலுக்குரியவர் திரு என்.கணேசன் அவர்கள். பல்வேறு தருணங்களில் அவருடைய சில பதிவுகள் எனக்கு உண்மையிலேயே ஆறுதல் அளித்திருக்கின்றன. 

உதாரணமாக ஆறாத் மனக் காயங்களை ஆற வைப்பது எப்படி , திறமை இருந்தும் தோல்வி ஏன் , உங்களுக்கு பிரச்சனையா? இதை அவசியம் படியுங்கள் போன்ற பதிவுகளைக் கூறலாம் . 

இவர் போன்ற  சிறந்த எழுத்தாளர்களைப் பெற்றுள்ளமைக்கு நம் பதிவுலகம் பெருமைப்படவேண்டும்.

அடுத்தபடியாக எனக்கு மட்டுமல்ல அனைத்து கணவன் மார்களுக்கும் தேவையான பதிவு கணவனிடம் மனைவிக்கு பிடிக்காத விஷயங்கள் என்பதை பற்றி சகோதரி ராஜி அருமையாக பதிவிட்டுள்ளார். மனைவியிடம் அடி வாங்குவதை தவிர்க்க இப்பதிவு நிச்சயம் உதவும் என நம்பலாம் (என்னா அடி!!!...அவ்வவ் )

அடுத்தபடியாக குறிப்பிடத்தக்க ஒரு பெண் பதிவர். சகோதரி சசிகலா அவர்கள். மனிதன் எப்படி வாழவேண்டும் என்பதை கடிகாரத்தை உதாரணமாக்கி ஒரு பதிவிட்டுள்ளார். அவசியம் படியுங்கள் மாறாத மனித இயல்பு. ஏன் சகோதரி இந்த சீனா காரங்களுக்கு ( நம்ம சீனா ஐயா இல்லை) கடிகாரம் பிடிக்காதாமே...ஏன்னு  தெரியுமா??? 

மேலும் நிலை கொள்ளாமல் அலையும் மனதை அடக்க வலியுறுத்தி நிழலுக்கு நீரூற்றி என்ற தலைப்பில் சகோதரி பதிவிட்டுள்ளது அருமை.

மேலும் அன்பே ஆயுதம் என்ற தலைப்பில் அன்பின் வலிமையை அருமையான கவிதையாக  வடித்துள்ளார் சகோதரி.

அடுத்தபடியாக பண ஆசையால் வரும் தீங்கினை தனக்கே உரிய பாணியில் நகைச்சுவையாக கொடுத்துள்ளார் மூத்த பதிவர் பழனி.கந்தசாமி அவர்கள். கோடிகளில் புரள ஆசைப் படுங்கள் என்ற தலைப்பில் அவர் இட்டுள்ள பதிவு பேராசையின் விபரீதத்தை உணர்த்துவதாக உள்ளது.

நிறைவாக குடந்தையூர் தளத்தை நிர்வகித்து வரும் திரு சரவணன் அவர்கள் எழுதிய ஏட்டிக்கு போட்டி என்ற நகைச்சுவை பதிவை பகிர்ந்து இன்று விடை பெறுகிறேன்....

மீண்டும் நாளை பல அறிமுகங்களுடன் சந்திப்போம்....

மேலும் வாசிக்க...

எல்லோருக்கும் வணக்கம் ....எல்லோருக்கும் வணக்கம் ...

உலகெங்கிலுமுள்ள தமிழர்கள் உள்ளம் கவர்ந்த வலைச்சரம் தளத்தில் ஆசிரியர் பொறுப்பேற்பதில் பெருமகிழ்ச்சியடைகிறேன் . 

இந்த பெருமையை எனக்கு அளித்து சிறப்பித்த வலைச்சரம் நிர்வாகிகள் சீனா ஐயா அவர்களுக்கும் நண்பர் தமிழ்வாசி பிரகாஷ் அவர்களுக்கும் எனது நன்றியினைத் தெரிவித்துக்கொள்கிறேன். 

என்னைப் போலவே பல பதிவர்களுக்கும் வலைப்பூ தொடங்கிய காலத்தில் பதிவுலகத்தில் நமது எதிர்காலம் இன்னவாக இருக்கும் என்பதை கணிக்க முடியாமல்தான் இருந்திருக்கும் என எண்ணுகிறேன். 

பல்வேறு பதிவுகளையும் வாசித்து பல்வேறு அனுபவங்களைப் பெற்று வந்த நான் பதிவுலகத்தில் பிறருக்கும் பல்வேறு பயனுள்ள தகவல்களை அளிக்கப் போகிறேன் என்பது நான் சிறிதும் அறியாதது. 

பதிவுலகில் நான்கு பேருக்கு என்னுடைய எண்ணங்களை பகிர வைத்த பெருமை பதிவுலக நண்பர்களையே சாரும். 

இத்தனைக்கும் என்னை ஊக்கப்படுத்தி வளர்த்தவர்கள் யாருமே நான் முன் பின் அறிந்தவர்களல்ல. அவர்கள் மனிதர்கள்! 

என்னை ஊக்கப்படுத்தி பதிவராக்கிய பதிவுலக நண்பர்களுக்கு இப்பதிவை சமர்ப்பிக்கிறேன். 

முதலிலேயே சொல்லிவிடுகிறேன் இப்பதிவுலகில் நான் எண்ணிடலங்கா நண்பர்களை பெற்றுள்ளதால் இந்த பட்டியலில் நமது பெயரை விட்டுவிட்டானே என்று கவலை கொள்ளவேண்டாம். கருத்து வேறுபாடுகள் நிறைந்த பதிவுலகில் பதிவர்கள் என்ற முறையில் அனைத்து பதிவர்களுமே எனது நண்பர்கள்தான். 

முதலாவதாக பஹரைனிலிருந்தாலும் பக்கத்து ஊர் காரராக விளங்கும் நான் சந்தித்த முதல் பதிவர் ...மிரட்டல் பதிவர் ...ஆம் ...நாஞ்சில் மனோ அண்ணன்தான் அவர்களுக்கு எனது வணக்கத்தைத் தெரிவித்துக் கொள்கிறேன். 

என்னை மாத்திரமல்ல பல புதிய பதிவர்களையும் பின்னூட்டம் கொடுத்து ஊக்கப்படுத்திவரும் பாசமிகு சகோதரர் கவிதை வீதி சௌந்தர் அவர்களுக்கு எனது வணக்கத்தைத் தெரிவித்துக்கொள்கிறேன். 

எனது இந்த பதிவில் தனது பின்னூட்டத்தை கவிதையாகவே வழங்கி வாழ்த்திய புலவர் ஐயா அவர்களின் ஊக்கம் என்னை மென்மேலும் ஊக்கப்படுத்தியது.

பிரபல பதிவராக விளங்கிக்கொண்டிருக்கும் அண்ணன் சிபி அவர்கள் எனக்கு பின்னூட்டம் அளித்தபோதெல்லாம் எனக்கு மிகவும் மகிழ்ச்சியாக இருக்கும் . 

மேலும் எனது மாவட்டத்துக் காரர்களாகிய பாசமிகு உணவு ஆய்வாளர் உணவு உலகம் சங்கரலிங்கம் ஐயா அவர்களுக்கும் சமூக விழிப்புணர்வை சொல்லில் மட்டுமல்லாமல் செயலிலும் காண்பித்துக்கொண்டிருக்கும் சகோதரி மனதோடு மட்டும் கௌசல்யா ராஜ் அவர்களுக்கும் நாய்க்குட்டி மனசு ரூபினா அவர்களுக்கும் எனது வணக்கத்தைத் தெரிவித்துக்கொள்கிறேன். 

எனக்கு பல்வேறு நண்பர்களை அடையாளம் காட்டியது கூடங்குளம் போராட்டம் என்று சொன்னால் அது மிகையாகாது. நான் 12 நாட்கள் தொடர்ந்து உண்ணாவிரதம் இருந்தபோது தினம் தினம் எனக்கு போன் செய்து பல பதிவர்கள் நலம் விசாரித்தனர். அப்போதுதான் பதிவுலகமும் நம் குடும்பத்திற்கு இணையானதுதான் என்ற உணர்வு எனக்கு ஏற்பட்டது.

பதிவுலகிலும் , தனிப்பட்ட முறையிலும் எனக்கு ஆக்கமும் ஊக்கமும் அளித்துக்கொண்டிருக்கும் சகோதரர்கள் வேடந்தாங்கல் கருண் , பிரபு கிருஷ்ணா, மகேந்திரன், தமிழ்வாசி பிரகாஷ் , என் ராஜபாட்டை ராஜா, கோகுல், சகோதரி ராஜராஜேஸ்வரி , தோழர் ரெவரி ,பாசமிகு மாமா விக்கியுலகம் வெங்கட் ஈழத்து சகோதரர்கள் நிரூபன், மதி சுதா , மதுரன் , மைந்தன்  சிவா , சுவிஸ் ஹேமா , சகோதரி அம்பாளடியாள் ஆகியோருக்கும் எனது வணக்கத்தை தெரிவித்துக்கொள்கிறேன்.

பதிவுலகில் என்றும் இளமையோடு விளங்கும் சென்னை பித்தன் ஐயா அவர்களுக்கு எனது சிரம் தாழ்ந்த வணக்கம்.

அன்று முதல் இன்று வரை அனைத்து பதிவர்களுக்கும் பின்னூட்டம் கொடுத்து ஊக்கப்படுத்திக்கொண்டிருக்கும் ஐயா ரமணி அவர்களுக்கும் திண்டுக்கல் தனபாலன் அவர்களுக்கும் எனது வணக்கத்தை தெரிவித்துக்கொள்கிறேன்.

கடைசியாக மண்ணைவிட்டு மறைந்தாலும் என் மனதில்  நீங்கா இடம் பிடித்துக்கொண்டிருக்கும் மாய உலகம் ராஜேஷ் அவர்களுக்கு எனது அஞ்சலிகள். 

மீண்டும் நாளை  சந்திப்போம் வணக்கம்!

மேலும் வாசிக்க...