வலைச்சரம்

கற்பனையும் உண்மையும் கலந்து தான் கவிதை மலர்கிறது. மனத்திரையில் எழுதி, பின்பு முழுவடிவம் பெறுகிறது. அப்படி வடிவம் பெற்ற என் தேடலில் கிடைத்த, நான் ரசித்த, சில கவிதைகளை இன்று பகிர்ந்திருக்கிறேன்.

வலைச்சரப் பொறுப்பாசிரியர் மதிப்பிற்குரிய சீனா அய்யா, வாழ்க்கை பற்றி எழுதிய புதுக் கவிதை. இது மொக்கையா ? இல்லவே இல்லை.

சிறுமுயற்சி கயல்விழி முத்துலெட்சுமியின் கண்ணாடிகளற்ற அறை - ஏனோ மனதை மிகவும் தொட்டு விட்டது.

முத்துச்சரம் ராமலஷ்மியின் தேவதைக்கு பிடித்த காலணிகள். அருமை. தளத்தில் எந்தக் கவிதையை நான் தேர்ந்தெடுப்பது. குவிந்து கிடக்கிறதே !

தோழி ப்ரசாவின் படத்துடன் கவிதை தொகுப்பில் அன்னையைப் பற்றி எழுதிய கவிதைகள்.

தேனக்காவின் ரசனையில் சூரியத்தாய்.

தோழி இளமதியின் இயற்கை பற்றிய கவிதை தொகுப்பு. நிலம், நீர், நெருப்பு, காற்று, ஆகாயம் பற்றிய பகிர்வு. தேடலில் எப்பொழுதும் அவர் கவிதைகள் ஒன்றை ஒன்று விஞ்சும் படியாய்..

ஹேமா – தன் குழந்தை நிலாவில் பகிர்ந்த சாத்தியக்கூறுகளின் போது -அருமை

ஹேமாவின் எல்லாக் கவிதைகளும் எனக்கு பலமுறை வாசித்தால் தான் புரியும்.

கவிநயாவின் நெற்றிக்கண் என்னை மிகவும் கவர்ந்தது.

சமையலறை கூட போதிமரம் தான் என்கிறார் கவிஞர் ரமணி. என்னமோ! சமையலறையே என் உலகமாய் இருப்பதால், இந்தக் கவிதையையே தேர்ந்தெடுத்தேன்.

ஆயிஷா ஃபரூக்கின் உழவைக் காப்போம் கவிதையின் வரிகள் என் உள்ளத்தை பிரதிபலிப்பதாய் இருக்கிறது. உழவின்றி உணவிற்கு வழியேது, உழவனன்றி உழவிற்கு ஆள் ஏது – நாம் அனைவரும் சிந்தித்து பார்க்க வேண்டிய வரிகள்.

நாடோடியின் பார்வையில் – விவசாயியின், கவலை உனக்கு என்ற கவிதை எத்தனை உண்மை.

சீனியின் பக்கத்து வீடு – இனம், மதம், மொழி கடந்து பக்கத்து வீட்டாருடன் பரிவோடு நடப்பது நன்மை பயக்கவல்லது என்கிறார்.

எல்.கேயின் எங்கே சென்றது நீதி

மீனவர்கள் எதிர்பார்க்கும் தீர்ப்புகள் திருத்தப்படும் நாள் வெகு தொலைவில் இல்லை தானே!

கவிதைவீதி சௌந்தரின் கண்ணீர் வடிக்கும் வேப்பமரம் கருத்துள்ள கவிதை,

விஜய்யின் அய்யா தரும ராசாவே

உங்க விஞ்ஞானத்துல
ஒரு அரிசி செய்யுங்க
காலமெல்லாம் உங்க வீட்டில்
கால்புடிச்சு நிப்போமுங்க..............

நட்பும் காதலும் குறித்த கோபியின் இந்தக் கவிதை தொகுப்பு மிகவும் அருமை.

கிருஷ்ணப்ரியாவின் தஞ்சை கவிதையில் இல்லத்தரசியின்

ஞாயிற்றுக் கிழமையின் அரூபப் புலம்பல்கள் .மிக அருமை.

கல்யாணசுந்தரத்தின் கனவு மெய்ப்பட வேண்டும் - கருத்துள்ள கவிதை.

தமிழ் நிலாவின் நிச்சயமில்லை கவிதை – உலகம் எப்போதோ அழிந்து விட்டது. இறக்கப் பயப்படாதே. மனிதம் இறந்து நாளாகிவிட்டது என்று தன் ஆதங்கத்தை வெளிப்படுத்துகிறார். மனிதங்களை நேசிக்கும் சக்தி ஒன்று தான் நிலையானது. மதங்கள் அல்ல என்கிறார்.

சிநேகிதன் அக்பர் – வெளிநாட்டுவாசியின் விடுமுறை நாட்கள் - நச் கவிதை.

இளம் தூயவனின் – அழகுஅருமை.