அனைவருக்கும் வணக்கம் (அட சல்யூட் எங்கப்பா?)
அமிர்தவர்ஷினி அம்மா
இவங்க மழைன்ற வலைப்பூவில் எழுதிட்டு வர்றாங்க...
இவங்களைப்பத்தி சொல்றதுன்னா சூரியனுக்கே டார்ச் அடிப்பது மாதிரி...
இவரைப்பற்றி இதற்க்கு முன்னால் பலரும் கூறியிருப்பார்கள் இருந்தாலும் நானும் இவரின் எழுத்துக்களை தொடர்ந்து வாசித்து வருபவன் என்ற முறையில் இவரின் எழுத்துக்களை தங்களிடம் அறிமுகம் செய்து வைப்பதில் பெரு மகிழ்ச்சி அடைகிறேன்.ஆமாங்க எப்பிடியெல்லாம் எழுதுறாங்க இவங்க வட்டாரபேச்சுவழக்கு நடையில் அன்றாட நிகழ்வுகளையும் தன் செல்ல மகளின் சேட்டைகளையும் அழகுகளையும் வாசிக்க வாசிக்க மிகவும் பிடித்து போகிறது.என்னை பொறுத்த மட்டில் இவரின் எழுத்துநடை வலையுலகில் யாரிடமும் இல்லாத ஒன்று.சரிதானுங்களே அ.அ.
(ஆண்டாவா எனக்கு இவங்களை மாதிரி எழுத்துநடையில எழுதுற சக்தி கொடுப்பா...)
இதோ இவர் கைவண்ணங்களில் சில...
***********************************************************************************
விசா
இவர் விசா பக்கங்கள் எனும் வலைப்பூவில் எழுதி வருகிறார்..
இவர் ஒரு கதாசமுத்திரம் ஆமாங்க ட்விஸ்ட் கதை சொல்வதில் இவருக்கு நிகர் இவரே , விறு விறுப்பாகவும் சுவாரஸ்யமாகவும் கதை சொல்லுவதில் கெட்டிக்காரர்.அநாவசியமாக கூட வார்த்தைகள் இருக்காது அத்தனை வார்த்தைகளும் கதையோடு சேர்ந்து நம்மையும் அதனுடன் ஒன்றிப்போய் படிக்கச்செய்துவிடும் .இவரின் கேப்ஸ்யூல் கதைகள் பிரசித்தம்.கதை மட்டுமில்லை சில நேரம் இவர் எழுதும் காமெடி பதிவுகளும் நம்மை வயிறு வலிக்க செய்துவிடும் ஏனோ இவர் அதிகம் வெளியில் தன்னை தானொரு பதிவன் என்று காட்டிக்கொள்வதில்லை.சுய விளம்பரமும் தேடிக்கொள்வதில்லை.(கத்துக்கோடா வசந்து)நீங்கள் அனைவரும் கண்டிப்பா இவரோட கதைகளை வாசிக்க வேண்டும்...
(கண்டிப்பா உங்களை மாதிரி ஒரு நாள் ஒரு கதையாச்சும் எழுதுவேன் விசா)
************************************************************************************
தமிழரசி
இவங்க எழுத்தோசை எனும் வலைப்பூவில் எழுதிட்டு வர்றாங்க..
வலையுலக கவியரசின்னு கூட சொல்லலாம்,அவ்வளவு கவிதைகள்,அத்தனையும் வாசிக்க வாசிக்க ரசிக்கலாம்,சமுதாய கோபங்களை சத்தமில்லாமல் தன் கவிதைகளில் வெளிப்படுத்துவார்,காதல் ரசம் சொட்ட சொட்ட கவிதைகள் எழுதுவதும் கைவந்த கலை இவருக்கு,ஒரு கவிதை மெசின் வைத்திருப்பார் போலும் ஏதாவது கவிதைன்னு இவருக்கிட்ட கேட்டா அடுத்த நிமிசமே கவிதை எழுதி கொடுத்திடுவாங்க.அவ்வளவு கவி ஞானம்.
அன்பானவர் ,பாசமானவர்கூட இவர் எனது இரண்டாவது தாய் என்று சொல்லிக்கொள்வதில் எனக்கு பெருமையா இருக்கு.
இவரின் கைவண்ணங்கள் இதோ...
************************************************************************************
வானம்பாடிகள் பாலா
இவர் பாமரன் பக்கங்கள் எனும் வலைப்பூவில் எழுதி வருகிறார்
சமுதாய கோபம் மிக்கவர்,இவரின் கோபத்திற்க்கு அரசியல் வாதிகளின் கோரமுகம் தினமும் கிழிக்கப்படுகிறது இவரது இடுகைகளில்,இந்த வயசுலயும் காதல் ரசம் சொட்ட சொட்ட காதல் கவிதைகள் எழுதுகிறார் (எப்பிடி நைனா இதெல்லாம்?) இவரது அனுபவப்பகிர்வுகள் படிச்சுட்டு சிரிக்காம வர்றவங்களுக்கு பரிசு கொடுக்கலாம் என்ற அளவில் சிறப்பான நகைச்சுவை இடுகைகளை எழுதி நம் வயிற்றை பதம் பார்க்கிறார்,அன்பானவர் அனைத்து புதியவர்களுக்கும் ஊக்கம் கொடுத்து வருகிறார்..இவரின் நறுக்குன்னு நாலு வார்த்தை இடுகைகளை புத்தகமே போடலாம் அவ்வளவு நறுக்கு தெரிக்கின்றது இவரது இடுகைகளில் மூத்த பதிவர் என்ற பொழுதிலும் இளையவர்களுக்கு இணையாக களத்தில் பட்டாசு வெடிக்கிறார் தினமும்...
இதோ இவரது நறுக்குகள்
************************************************************************************
ராமலக்ஷ்மி மேடம்
இவங்க முத்துச்சரம் என்ற வலைப்பூவில் எழுதிட்டு வர்றாங்க...
இந்த பதிவுலகத்திலயே மிகவும் ரெஸ்பெக்ட்டான ஆளுங்க...மிகுந்து பேசி பார்த்திருக்க வாய்ப்பில்லை.நான் மிகவும் மதிக்கும் பதிவர்
திருநெல்வேலி மண்ணைச்சேர்ந்த இவங்களின் எழுத்துக்களை நான் பதிவுலகம் வந்ததிலிருந்து வாசிச்சுட்டு வர்றேன் கவிதைகள்,சிறுகதைகள் இவரின் தனிச்சிறப்பு,புகைப்படங்களை சுட்டுத்தள்ளுவதிலும் தேர்ந்த நிபுணர் இவரின் இடுகைகளில் நாம் இடும் பின்னூட்டங்களுக்கு அழகாக பொறுமையாக புரியும்படியான விளக்கம் கொடுக்கிறார்.இவரின் பல இடுகைகள் யூத்ஃபுல் விகடனில் வெளிவந்திருக்கிறது தற்பொழுது தேவதை இதழிலும் தொடர் எழுதுகிறார் அதுமட்டுமன்று நிறைய வார மாத இதழ்களில் இவரின் படைப்புகள் வெளி வந்திருக்கின்றன.வாழ்த்துக்கள் மேடம்...
இவங்களோட இடுகைகள்
*************************************************************************************
கதிர்-ஈரோடு
இவர் கசியும் மவுனம் எனும் வலைப்பூவில் எழுதி வருகிறார்
இவரை ஆரம்பத்திலிருந்தே பதிவுலகில் நன்கு தெரியும் நல்ல கவிஞர் தொடர்ச்சியான சமூக நல கவிதைகள் நச்சுன்னு எழுதுவார்.இவரின் சமுதாய நல கட்டுரைகளும்,தற்சமய தேவையான சமுதாய விழிப்புணர்ச்சி கட்டுரைகளள் பசுமரத்தாணிபோல் மனதில் சலனத்தை ஏற்படுத்தி பதிந்து போகின்றன..தொடர்ச்சியா சிக்சர் அடிச்சுட்டு இருக்கார்,(கதிர் சார் இப்படி கட்டுரை எழுதுவது எப்படியென்று எனக்குமட்டும் ரகசியம் சொல்லுங்களேன்)இவரின் இடுகைகளும் தொடர்ச்சியா யூத்ஃபுல் விகடனில் வெளிவந்துள்ளது...
இவரின் சில கவன ஈர்ப்பு இடுகைகள்
*************************************************************************************
பா.ராஜாராம்
இவர் கருவேலநிழல் எனும் வலைப்பூவில் எழுதி வருகிறார் இல்லையா மக்கா?
இவரைப்பத்தி நான் சொல்லிதெரியணும்ன்ற அவசியம் இல்லை.வலையுலக கவிஞர்களில் முதன்மையா இருக்கிறார் இவரின் எளிமையான கவிதைகள் மனதை பதம் பார்க்கும்.எப்படியெல்லாம் பாசத்தையும், அன்பையும், இயலாமையையும் வெளிப்படுத்துகிறார் அத்தனைகவிதைகளும் மிகச்சிறப்பானவை,பா.ரா.இதுவரைக்கும் சவுதி மன்னரிடமிருந்து எவ்வளவு பொன் முடிப்பு பரிசாக வென்றிருக்கிறீர்கள்?
இவரின் பின்னூட்டங்களும் பாசமாவே இருக்கு...இப்போ வர்ற டிசம்பர் 11 இவரோட கவிதை தொகுப்பும் புத்தகமா வெளிவருகிறது வாழ்த்துக்கள் பா.ரா.
இதோ இவரின் சில வைரங்கள்
**************************************************************************************
நாளையும் சிறந்த நட்சத்திரங்களுடன் வருகிறேன் நன்றி
ப்ரியமுடன்...வசந்த்
