பெண்ணூட்ட எக்ஸ்பிரஸ்

தமிழ் வலைப்பதிவுகளை பொறுத்தவரை பெண்கள் எழுதுவதும் அதிகமாகவே இருக்கிறது ஆனால் தங்கள் எண்ணங்களை யாரும் எழுதுகிறார்களா என்றால் இல்லை என்றே தோன்றுகிறது. கவிதைகள், கதைகள் சொந்த கதை சோககதை என்று ஆண்களுக்கு சற்றும் சளைக்காத மொக்கை ராணிகளே இங்கே அதிகம் ஆனாலும் சில நம்பிக்கை நட்சத்திரங்கள் ஜொலிக்கத்தான் செய்கின்றன.

அந்த வகையில் திருநெல்வேலியில் பிறந்த இந்த தமிழச்சி மதுராவின் பதிவுகள் எல்லாம் ஒரு முன்னோடி. தனது கருத்துக்களை முகத்தில் அடித்தார்போல் அதே நேரம் யாருக்கும் காயம் ஏற்படாமல், புத்தியில் உறைக்கிற மாதிரி சொல்வதற்கு மதுராவின் நக்கல் நடையும் ஒரு காரணமாய் இருக்கலாம் ஏனோ இப்போதெல்லாம் அதிகம் எழுதவில்லை.

எந்த கட்டுப்பாட்டுக்குள்ளும் அடங்காமல் மொக்கை ஜல்லி போட்டோ புலிகள் என கலந்து கட்டி ஆடிவரும் தூயாவின் பதிவுகள் படிக்கும்போதே ஒரு மகிழ்வை உண்டாக்குகின்றது.

சூரியாளின் பதிவுகள் பயணக்கட்டுறைகள் நேர்காணல் கவிதை என பரந்த தளம் கொண்டவை பெண் வலைப்பதிவர்களின் கொஞ்சம் பிரபலமான எழுத்தாளரும்கூட.

பிரேமலதாவின் பதிவுகள் அதிகம் சொந்த அனுபவங்களாக இருப்பினும் படிப்பதற்கு சுவாரஸ்யமானவை. நீங்களும் ஒரு எட்டு போயிட்டு வரலாம் ....

நால்வர் கூட்டணியும் நல்லாத்தான் இருக்கு ஆனா என்னாச்சுன்னு தெரியல இப்போ எழுதவே இல்ல :( பொடிச்சியின் பெட்டைக்குப் பட்டவையும்
சினேகிதியின் தத்தக்க பித்தக்க கொஞ்சம் ரியலிச ? :) பெண்பதிவு எனலாம் தனது அடையாளத்தை தொலைப்பதை அவர் விரும்பாதது போலவே எனக்குத் தோன்றுகிறது இன்னும் சில பெண்பதிவர்கள் எழுதுகிறார்கள் அதையெல்லாம் லிங்க் கொடுத்தால் அடிக்க வருவீர்கள் என்பதால் இப்போதைக்கு நன்றி கூறி விடு ஜூட்

மேலும் வாசிக்க...

ஃபீலா எக்ஸ்பிரஸ் !!

முதலில் பீலா என்பது தமிழா என்ற கேள்வியை கொஞ்சம் தள்ளி வைத்துவிட்டு நான் ஃபீல் பண்ணிய சிறுகதைகள் சிலவற்றை தொகுக்க முயல்கிறேன்.

ஆரம்ப காலம் தொட்டே தமிழ் வலைப்பதிவுகளில் சிறுகதைகள் அதிகம் படிக்காதவன் நான் புதுமைப் பித்தனைத் தவிற. ஏனோ நாவல்கள் ப்டிப்பதில் இருக்கும் பெரிய ஆவல் சிறுகதைகளை படிக்க எண்ணினால் காணாமல் போகின்றன. அதற்கு ஆரம்பம் தொட்டே நான் சிறுகதைகளை படிக்காமல் இருந்துவந்தது காரணமாய் இருக்கலாம் ஆனாலும் சில நண்பர்கள் படித்துவிட்டு நல்ல கதை எனச் சொன்னபின்னும் படிக்காமல் இருந்தால் எங்கே கூகுள் டாக்கில் கூப்பிட்டு கடித்து விடுவார்களோ என்ற காரணங்களுக்காய் படித்து பின் அவை மனசில் ஒட்டிக்கொண்ட கதைகளின் தொகுப்பே இந்த ஃபீலிங் எக்ஸ்பிரஸ் .

எந்த திருப்பமும் இல்லாமல் சிறுகதை அதன் போக்கில் போகும் போது நாவலாகி விடுகிறது. ஆனால் நாவலில் கிடைக்கும் கால அவகாசம் அதிகம் என்பதால் அவை மிகுந்த கவணம் இன்றியே எழுதப் படுகின்றன . ஒரு அத்தியாயம் குளருபடியானால் அடுத்த அத்தியாயம் ஒரு கொசுவத்தியை கொளுத்தி முந்தய பகுதிக்கு வக்காலத்து வாங்கும் பழக்கம் சிறுகதைகளில் இல்லை என்பதாலோ என்னவோ சிறுகதைகள் மிகச் சீக்கிறமாய் படிக்கவும் பின் கிழிக்கவும் முடிகின்றன அதே வேளை சில கதைகள் நாம் எதிர்பார்க்காத சம்பவங்களை அள்ளித் தெளிக்காமல் அதன் பாட்டுக்கு இருப்பதாலேயே முழு கதைகளாகும் அதிசயம் நடந்திருக்கின்றன அந்த வகையில் இந்தக் கதைகளை சொல்லுவேன்...

நீங்களும் படித்துவிட்டு ஃபீலாகுங்கள் நண்பர்களே :)

டுபுக்குவின் பிரசவம்

ஞானசேகரின் அத்தைமார் முத்தம்

ஜெயந்தி சங்கரின் தலைச்சன்

செல்வராஜின் மாண்டவன் கதை

தமிழ்மணத்தின் முதல் நாவல் சிபியின் மாதங்களில் அவள் மார்கழி

டல்லாஸ் போகப்போற கப்பியோட இறப்பும் இறப்பு சார்ந்ததும்

இன்னும் சில கதைகள் மனசை (?) தொட்டிருந்தாலும் எல்லாவற்றிலும் சிகரமாக அய்யனாரின் இந்தக் கதையைச் சொல்லுவேன்

மேலும் வாசிக்க...

எதிர்ப்பாட்டு எக்ஸ்பிரஸ்

தமிழ் வலைப்பதிவை பொருத்தவரை முரண்பாடுகளின் மூட்டை என்றால் அது புனித பிம்பங்களும் அதனை கட்டமைக்கும் ஊடகங்களும் அந்த வகையில் அந்த புனித பிம்பங்களை உடைத்தெரியும் எல்லா பதிவுகளும் ஒரு அலையை ஒரு எதிர் விவாதத்துக்குறிய பொருளை நம்மிடையே தோற்றுவிக்கத் தவறுவதில்லை அந்த வகையில்...

அசுரனின் இந்த பதிவு இதுவரை பசும்பொன் மேல் இருந்த ஒரு மாதிரியான புனித பிம்பம் அசுரனின் வாதங்களுடன் என்னில் இருந்து மறைந்து போயின. தான் பின்னூட்டம் இடுவதையும் பதிவுகள் எழுதுவதையும் ஒரு போர்க்களம் போல் மிகக் கவனமாகவும் சிரத்தையோடும் எழுதுவது இவருக்கு நிகர் இவரே.

அதே போல டாக்டர். இராமதாஸ் பற்றி ஊடகங்கள் அடுக்கடுக்காய் வீசிய எல்லா மாய அடிகளையும் குழலியின் இந்த பதிவு புரட்டிப் போட்டது என்றால் மிகையாகாது.

அப்துல் கலாம்தான் அடுத்த ஜனாதிபதியாக தொடர வேண்டும் என ஊடக வெளிச்சத்தில் கிடந்த பழைய பஞ்சாங்கங்கள் தமிழ் சசியின் இந்த பதிவை படித்த உடன் கொஞ்சமாவது தனது எண்ணங்களை மாற்றிக் கொண்டிருக்கும்.

லக்கி லுக்கின் இந்த பதிவு தினமலர் ரமேஷ் பற்றி வந்த ஒரு மிகத் தெளிவான பதிவு. அவர்மேல் ஆயிரம் காரணங்களுக்காக லக்கிக்கும் கோபம் இருப்பினும் தன்மேல் அவர் காட்டிய அன்பை மிக அழகாக சொல்லியிருந்தார்.

மெல்கிப்சனின் படங்களை சலிக்காமல் பார்த்துக் கொண்டிருந்த எனக்கு தெகாவின் இந்த ஏன் இப்படிப் பதிவு கொஞ்சம் ஆச்சர்யம் கலந்த கேள்விகளை எழுப்பியது :) பதிவை விட பின்னூட்டங்கள் சூப்பரா இருக்கும்...

அதே போல ரஜினி நாசர் பற்றி சற்றுமுன்னில் வந்த இந்த பதிவுக்கு சன்னாசியும் செல்வனும் பின்னூட்டத்தில் விளாசிக் கொள்வதை படித்துப் பாருங்கள்

இன்றும் என் இடுகைகள் மிகத் தாமதமாக வருவதற்கு வலைச்சர ஆசிரியர் மன்னிக்க வேண்டுகிறேன் ஆரம்பிக்கும் போது சும்மாக் கிடந்த எனக்கு ஆரம்பித்த உடன் தலைக்கு மேல் வேலை :)

மேலும் வாசிக்க...

தமிழீழ எக்ஸ்பிரஸ்

நேற்றே எழுதி போஸ்ட் செய்திருக்க வேண்டியது தவிற்கவியலாத காரணங்களால் எனது பதிவு இன்றும் காலம் தாழ்த்தி வருகிரது ....

தமிழ் வலைப்பதிவுகளில் புலி ஆதரவு அல்லது எதிர்ப்பு என கொண்டால் புலி ஆதரவுப் பதிவுகள் ஒரு சேர விடுதலைப் புலிகளை கண்மூடித் தனமாக ஆதரிப்பதையும் எதிர்க்கும் பதிவுகள் அதற்கான காரணங்களை மிகத் தெளிவாக வைப்பதும் இங்கே தவிற்க இயலாத ஒன்றாக இருக்கிரது. உண்மையில் புலிகளுக்கு ஆதரவாக எழுதுபவர்கள் அல்லது எதிர்ப்பவர்கள் தங்கள் மனநிலை , மட்டுமே கருத்தில் கொண்டு எதிர்ப்பாளர்கள் எடுத்து வைக்கும் காரணங்களை கொலைசெய்ய முயல்வது கொஞ்சம் எதிர்பார்க்காத சம்பவமாகவே இருக்கிரது.

அதே போல புலி ஆதரவாளர்கள்- புலி ஆதரவாளர்கள் என்பதை விட ஈழ விடுதலை ஆதரவாளர்கள் எனக் கொண்டால் அவர்கள் எதிர்க்க வேண்டியது சிங்கள பேரினவாத அரசையே அன்றி புலிகளை அல்ல. மேலும் இலங்கை முஸ்லிம்கள் எடுத்து வைக்கும் எந்த அடியும் நடுக்கோட்டிலேயே இருப்பது ஏன்?( அதாவது போராடவும் மாட்டோம் ஆனால் எங்களுக்கும் விடுதலை வேண்டும் விடுதலை கிடைக்கும் வரை சிங்கள அரசை ஆதரிப்போம் புலி எதிர்ப்பு பிரச்சாரம் செய்வோம் எனும் ஒரு சட்டிக்குள் நண்டு கதையாக இருக்கிரார்கள்.

இலங்கை முஸ்லீம்களும் தமிழ்தான் பேசுகிரார்கள் ஆனால் அவர்களை கேட்டால் எவரும் நான் தமிழன் என்று சொல்லுவதில்லை இலங்க முஸ்லீம் என்றே சொல்கிறார்கள் ( எனது அனுபவம்) தனது மதமே தனது அடையாளமாக காட்டிக்கொள்ள விரும்புவது ஏனோ?

ஆனால் இந்த தேன்கூட்டில் கை வைத்து வலைச்சரத்தை கொலைச்சரமாக ஆக்க ஆசை இல்லை எனக்கு

:)

இந்த ஈழ விடுதலை விவகாரம் எல்லாம் தள்ளி வைத்து பேரினவாத அரசுக்கு எதிராகவும் ஆதரவாகவும் எதப்பட்ட இந்த கட்டுரைகள் கொஞ்சம் சிந்திக்கவும் நிறைய செய்திகளையும் கொடுக்கின்றன. அதிகம் பார்வையில் படாத இவர்களின் பதிவுகள்

தனித்தனி கட்டுரைகளாக தருவதை விட அந்த வலைப்பூக்களையே அறிமுகம் செய்கிறேன் வாசித்துப் பாருங்கள்.... நாளை காலையாவது சரியான நேரத்தில் பதிவிட முயல்கிறேன் :P

அகதி

திரு

சத்தியக் கடதாசி

தமிழமுதம்

கருப்பியின் இந்த கட்டுரை

தேடல்சரம்

தகவல்.

மேலும் வாசிக்க...

திராவிட எக்ஸ்பிரஸ்

தமிழ்மணத்தில் திராவிடப் பதிவுகளுக்கு பஞ்சம் இல்லை. ஆனால் அதற்க்கான தேவை இருக்கிறதா என்றால் இருக்கிறது என்பேன். காரணம் திராவிடத்தை முழுதாக தெரியாதவர்கள் அவரை தவறாக புரிந்துகொள்ளக் கூடும் அதேபோல் திராவிடத்துக்கு எதிரான கருத்து சொல்பவர்கள் பெரியாரையும் தவராகவே விமர்சிக்கின்றனர் .. மொத்தத்தில் பெரியாரையும் திராவிடத்தையும் பிரித்துப் பார்க்க முடிவதில்லை.

அந்த வகையில் தமிழ் வலைப் பூவில் திராவிட பெரியாரிய சிந்தனைகளை பரப்புவோர் என்ற வகையில் பெரியார் தளம் ஒரு மிகச்சிறந்த பணியாற்றுகிறது, தமிழச்சியின் வலைப்பூவில் இப்போது நடக்கும் சில ஜாலி சண்டைகளை தவிர்த்துப் பார்த்தால் பெரியார் எழுத்துக்களை வலையில் தொகுக்கும் சிறந்த பணியைச் செய்கிறார்

திராவிட தமிழர்கள் வலைத்தளம் திராவிடம் பற்றிய புரிதலை வலைப்பூவில் பரப்ப முயல்கிறது ஆனால் சில காலமாக அது ஏன் செயல்பட வில்லை என்பதும் தெரியவில்லை. ஆரம்பத்தில் சில காலம் ஒன்னுமே தெரியாது என்பதுபோல் இருந்துவிட்டு இப்போது அடித்து அதகளம் செய்யும் சம்பந்தி
அவரது வலைப்பூ ஒரு திராவிடக் கதம்பம்.

ஆவேச கருத்துக்கள் அதை மிகக் கோபமான வார்த்தைகளில் சொல்லும் இவரை அந்த கோபமே தமிழ் மணத்தில் இருந்து வெளியேற்றியது ஆனாலும் வலையுலகில் என்றும் நினைவில் இருப்பார்.

மற்றும் லக்கிலுக், வரவணையான், போன்றவர்களும் திராவிடப் பதிவர்களே

மேலும் வாசிக்க...

வெள்ளோட்ட எக்ஸ்பிரஸ்

எல்லா எக்ஸ்பிரஸ்களையும் போல இந்த ரயிலும் தாமதமாய் வருவதற்கு மன்னிக்கவும் !!

இந்த பதிவுலகத்திற்கு நான் வந்ததே ஒரு விபத்து, அதிலும் இங்கே இருக்கும் அரசியலும் அதன் கோமாளித்தனமும் எனக்கும் பிடித்த விசயமாய் இருந்ததில் எப்போதும் கலகம் விரும்பும் எனக்கு மிகவும் பிடித்த விசயமாகவும், தாயகத்தில் இருந்து கொஞ்சம் தூரத்தில் இருப்பதால் இயல்பாகவே தமிழில் எனது கருத்துக்களை வெளிப்படுத்த ஒரு வாய்ப்பாகவும் கிடைத்தது தமிழ்மணம் பதிவுகள்.

வழக்கமாய் கும்மிகளை, மொக்கைகளை எழுதிவந்த நான் எப்படி ஒரு சீரியல் கலகப் பதிவனாய் ஆனேன் என்பது எனக்கு தெரியவில்லை ஆனால் சட்டமன்ற சண்டியர்கள் என நான் எழுதிய ஒரு பதிவு எனது முதல் பிரபல இடுகையாக இருந்தது அப்போதைய ஆளுங்கட்சியான் தி.மு.க வுக்கும் அ.தி.மு.கவுக்கும் சட்டமன்றத்தில் நடைபெற்ற அடிதடி கூத்துக்கள் கொஞ்சம் ஆவேசப் பட வைத்தன ஆனால் அந்த பதிவின் தாக்கம் கிழுமத்தூர் எக்ஸ்பிரஸை படிப்பவர்கள் மத்தியில் கொஞ்சம் என்னை பிரபலப் படுத்தியது.

அதற்கடுத்து எழுதிய கலைஞர் ஜெயலலிதா நேரடி வாக்குவாதம் செய்தியும் கற்பனையும் கலந்த நகைச்சுவைப் பதிவு , ஆனால் இதற்கெல்லாம் மகுடம் வைத்ததாக ரஜினி பற்றிய அந்த பதிவு என்னை ஒரு முழு முதல் கலகக் காரனாக இணையத்தில் இருக்கும் கட்டற்ற சுதந்திரத்தின் வெளிப்பாடாக இருந்தது அதன் பின் நிறைய கட்டு பேஸ்ட்டுப் பகுதிகள்: பதிவுகள் ஆனால் அதன் தலைப்புக்களை தேர்ந்தெடுக்க நான் காட்டிய காட்டும் சிரத்தை பதிவுகளை எழுதுவதில் காட்டுவதில்லை. ஆனால் அந்த தலைப்புக்களை நான் சொல்லவந்த கருத்தாக எடுத்துக் கொண்டு பப்ளிஷ் செய்துவிட்டு போய்விடுவேன்.

திராவிடமும் ஆரியமும் அடித்துக்கொள்ளும் இந்த பதிவுலகம் என்னை முற்றாய் சிலகாலம் ஆக்கிரமித்திருந்தது அப்போதுதான் பின்னூட்ட கும்மிகள் எங்களால் ஆரம்பிக்கப் பட்டு அனானிகளின் அருமை முகத்தை வெளிக்கொண்டு வந்த அற்புத நகைச்சுவை பின்னூட்டங்கள் அனானி ஆட்டம் என அடித்து நொறுக்கப் பட்டன, கலகம் மட்டுமே எனது பதிவாகவும் தலைப்பாகவும் இருந்த எனக்கு மற்றவர்கள் அல்லது மற்ற இதழ்கள் வெளியிடும் பதிவுகளை மறு பதிவாக்க வென்றே உண்டாக்கப் பட்ட கதம்பம் கிழுமத்தூரின் இன்னொரு அங்கமானது அங்கே கட் பேஸ்டு தவிற வேறெதற்கும் இடமில்லை :)

அங்கேயும் எனது குணம் மாற வில்லை எப்போதும் போல கட்டு பேஸ்டிலும் கலக தலைப்புக்களை வைத்து வழக்கம் போல ஆட்டம் போட்டதில் ஒருமுறை தமிழ்மண நிர்வாகத்தால் என் பதிவு தூக்கப் பட்டது. அதன்பின் பின்னூட்டங்கள் கொஞ்சம் கவனமாக பரிசீலிக்கப் பட்டு வெளியிடப் பட்டாலும் எனைப் பொருத்த வரை எந்த பதிவிலும் எந்த பின்னூட்டத்தையும் வெளியிடாமல் இருந்ததில்லை அந்த வகையில் நான் வழக்கம் போல ஒரு கருத்துக் களவானி :)

எது கருத்து என எல்லா வேளையும் புலம்பாமல் இருக்கும் எல்லாருக்கும் பிடித்த கவிதைகள் கொஞ்ச காலம் என் எழுத்திலும் வந்தன பின் பெண்கவிகளுக்காக மட்டுமே அது இடஒதுக்கீடு செய்யப் பட்டது அங்கேயும் சுகிர்தராணி, குட்டிரேவதியின் கவிதைகள் அதிகம் ஆக்கிரமிக்க நான் முற்றாய் கவிதை எழுதுவதை நிறுத்தி படிப்பவர் வயிற்றில் பால் பாயாசம் வார்த்தேன் .

அப்புறம் கொஞ்சம் கொஞ்சமாய் வேகம்பெற்ற எனது பதிவுகளும் நானும் முற்றாய் திராவிடத்தில் மூழ்கிப் போனோம். அமுக, குமுக, என வளர்ந்த எனது வழிகள் இன்று கொலைவெறிக் கவுஜைகள் வரை வந்து நிற்கிரது ஆனால் இந்த 400 சொச்சம் பதிவுகளில் உறுப்படியாக நான் எதும் எழுதினேனா என்றால் இல்லை என்றே தோன்றுகிறது.

நாளை வரை எக்ஸ்பிரஸ் இந்த ப்ளாட்பாரத்தில் நிற்கும்.

மேலும் வாசிக்க...