வலைச்சர ஆசிரியராக(4) நான்காம் நாள்!

உறவு-குடும்பம்!

உறவுகளும் குடும்பமும் நம் இந்தியக் கலாச்சாரத்தின் தூண்கள்.

இந்தியர்கள் எங்கே சென்றாலும் தங்கள் குடும்பப் பின்னணியை கூடவே எடுத்துப் போகிறார்கள். அதன் காரணமாய் எப்போதும் தங்கள் குடும்பத்துக்குள் இருப்பது போலவே உணர்கிறார்கள்''! என்பது உளவியல் அறிஞர் ஆலன் ரோலண்ட் கருத்து.

சுற்றத்தால்சுற்றப்படஒழுகல்செல்வந்தான்

பெற்றத்தால் பெற்ற பயன்!

குறள்.

ஆதலினால் இந்த வலைச்சரத்தில் நான்காம் நாளில் என் வாழ்வின் வழியில் இணந்து நிற்கும் என் உறவுகளை நினைவு கூர்கிறேன்!

-------------------------------

மூட்டு தேய்மானம்

மூட்டு தேய்மானம் என்பது நாம் அன்றாடம் பார்க்கும் ஒரு விசயம். இது வயதாவதால் நம் உடலின் பாரம் தாங்கும் மூட்டுக்களான முழங்கால்,இடுப்பு ஆகியவற்றில் அதிகம் ஏற்படுகிறது! உடல் பருமனானவர்களிடம் இது அதிகம் காண்ப்படுகிறது.

எலும்பின் மூட்டுப்பகுதி வழுவழுவென்று இருக்கும்!அந்த வழுவழுப்பு பகுதி தேய்ந்து போய்விடும்!மூட்டின்உறை தடிமனாகி விடும்! மூட்டில் நீர் கோர்த்து வீங்கிவிடும்! இதற்கு அப்புறம் கால் முழுவதும் நன்றாக மடக்க முடியாமல் போய்விடும்!

இதைத்தடுக்க உடற்பயிற்சி முக்கியம்! உடற்பயிற்சி செய்பவர்களுக்கு எலும்பில் கால்சியம் அதிகமாகி எலும்பு வலிமையுடன் கனமாக ஆகிவிடும். தசைகள் வலிமையுடன் இருந்தால் மூட்டின் வேலைகள் எளிமையாகிவிடும்!இதை சரியாக கவனிக்காவிட்டால் மூட்டின் இடைவெளி குறைந்து எலும்புகள் உரசி கடுமையான வலி ஏற்படும்.

முதலில் மாத்திரைகள் மூலம் எலுமபு வலியையும்,தேய்மானத்தையும் குறைக்கலாம்.தற்போது எலும்பு ஜவ்வு வளர உதவி செய்யும் மாத்திரைகள் வந்து உள்ளன! அவைபக்கவிளைவு இல்லாதவை! வெளிநாட்டினர் இதைத்தொடந்து சாப்பிடுகிறார்கள்!இங்கும் அந்த மருந்துகள் வந்துவிட்டன!

அடுத்து பிஸியோதெரபி,பயிற்சிகள் மூலம் இதைக்கட்டுக்குள் கொண்டு வரலாம்.

அப்படியும் ரொம்ப மூட்டு தேய்மானம் ஏற்பட்டால் சிறு அறுவை சிகிச்சை அல்லது மூட்டு மாற்று அறுவை சிகிச்சை செய்யவேண்டி வரும்!

நம்ம வாஜ்பாய்க்கு இந்த மூட்டு மாற்று அறுவை சிகிச்சைதான் செய்யப்பட்டு உள்ளது!

--------------------------------

சில பதிவர்கள்!

புதியவர்களைத் கண்டு பிடிப்பதில் மிகுந்த சிரமம் உள்ளதுசிலர்நமக்குத்தெரியாதவர்களாக இருப்பாங்க! ஆனா வேற வட்டத்தில் பிரபலமாக இருப்பார்கள்! ஆகவே இதில் நான் சொல்லும் யாரும் புதியவர் அல்லர்! புதிய கருத்துக்கள் சொல்பவர்கள்!

1.டொன் லீ பதுங்கிப்பாயும் சிங்கை சிங்கம்!அதுவும் பகிடி விட வரும் சிங்கம்!!!ஜென்னி மனதில் சிவா என்று காதல்கதை எழுதுகிறார்! பிரபலமானகதைஇது!http://donthelee.blogspot.com/2009/01/jenni.html

சங்கி மங்கி தொடர் ஓட்டம் என்று விளையாட்டுப்போட்டியில் நகச்சுவையை அள்ளித்தருகிறார்!http://donthelee.blogspot.com/2009/01/relay.html போய் படிச்சு ரசிங்க.

2.சிறகுகளில் பெரியண்ணன் பற்றி பாசமாகப் பேசுகிறார் தாரா. இவர் தற்போது ஒரு வாஷிங்டன் பறவை. இவர் ”தன் எண்ணச் சிறகுகளை விரித்து இணையவெளியில் பறக்கிறேன்! கூட வாருங்கள் ”என்கிறார்.

அவர் அபியும் நானும் படத்தை ஆராயும் பதிவும் உள்ளது.http://www.siragugal.blogspot.com/இந்த முகவரியில் அவரைப்படியுங்கள்.

3.வற்றாயிருப்பு சுந்தர்-10 வலைப்பக்க சொந்தக்காரர் தன் நாய் பற்றி அழகாக எழுதியுள்ளார்!http://akavithaikal.blogspot.com/2009/02/blog-post.html

பின்னிரவில் வெள்ளிநிலா கவிதையில் காதல் பாடுகிறார்!http://akavithaikal.blogspot.com/2009/01/blog-post_28.html

4.மின்னல் பேசும் என்னும் இவரின் காற்றும் கனமான அட்டைகளும் கவிதையை ரசிக்கவும்http://minnalpakkam.blogspot.com/2009/02/blog-post_11.html

இருளில் மிதக்கும் வெயிலின் துகள் இனிய கவிதைhttp://minnalpakkam.blogspot.com/2009/01/blog-post_07.html

5.ந.உதயகுமார் 4 வலைத்தளம் கொண்டவர்தி பிரெசிடெண்ட் இஸ் கமிங் ஆங்கில சினிமாவை போட்டு அலசி எடுக்கிறார்.நம்ம படிச்சுட்டு பீட்டர் விட தோதாக. இருக்கும்.http://karuththukal.blogspot.com/

குட்டிக்கதைகளுக்காக ஒரு வலை!-ஒரு கல்லின் கதையை அவரின் பச்சோந்திக்கல்லில் படியுங்கள்http://tamil-kutti-kathaikal.blogspot.com/

நானும் ஒரு குட்டிக்கதையோட முடிக்கிறேனே!

”என்ன கவலையாக இருக்கிறாய்?” என்று கேட்டார் குரு.

”என்னன்னு தெரியலை குருவே.யாரைப்பார்த்தாலும் பொறாமையாக இருக்கு”

’அப்படியா?”

“ஆமா. நான் ரொம்ப தாழ்ந்தவனாக உணருகிறேன்.அது மனதுக்கு கஷ்டமாக இருக்கிறது”

”யாரைப்பார்த்தா அப்படித்தோணுது?”

“என்தெருவில்ஒருபணக்காரன்இருக்கிறான்.அவனைப்பார்த்தா, அப்புறம் என் பக்கத்து வீட்டுக்காரன் நிறையப் படித்து இருக்கான் அவனைப்பாத்தா” என்றான் ரொம்ப கவலையோட!

குரு அறையின் ஜன்னலைத்திறந்தார். வெளியே அழகான தோட்டம்.மரங்கள் எல்லாம் பூத்துக்குலுங்கிக்கொண்டிருந்தன.

“இங்கே பார். இந்த தோட்டத்து மரங்களைப்பார்.ஒவ்வொரு மரமும் எவ்வளவு உற்சாகமாய் சந்தோஷமாய் இருக்கிறது பார்.” என்றார்.

“என்ன சொல்கிறீர்கள் குருவே?”

“இந்த மரங்கள் எல்லாம் ஒன்றையொன்று பார்த்து அவன் குட்டை இவன் நெட்டை, இது காய்க்குது,அது பூக்குதுன்னு பொறாமைப்பட்டுக்கொண்டிருந்தால் இத்தனை சந்தோஷமாக இருக்க முடியுமா?” என்று கேட்டார் குரு.

சிஷ்யனுக்கு வாழ்க்கையின் தத்துவம் புரிந்து விட்டது. நமக்குந்தான்!!

அடுத்த பதிவில் பார்ப்போம்!

தேவா.

மேலும் வாசிக்க...

வலைச்சரத்தில் (3) என் மூன்றாம் நாள்- ஆசிரியராக- தேவா.

நான் வணங்கும் தெய்வம்!

யாதுமாகி நின்றாய் காளி! எங்கும் நீ நிறைந்தாய்,
தீது நன்மை யெல்லாம் - காளி! - தெய்வ லீலை யன்றோ?
பூத மைந்தும் ஆனாய் - காளி! - பொறிகளனைத்தும் ஆனாய்,
போத மாகி நின்றாய்- காளி! - பொறியை விஞ்சி நின்றாய்!

என்னுடைய முதல் இரண்டு பதிவும் மிக நீளமாக இருந்ததாக நம் நண்பர்கள் சொன்னார்கள்! எனக்குப்பிடித்தபுதிய பதிவர் பட்டியல் இன்னும் மிக நீளமாக உள்ளது! நீங்கள் சொல்வதை வைத்துத்தான் அடுத்த பதிவின் அறிமுக எண்ணிக்கை அமையும்! ஆகவே பின்னூட்டத்தில் கருத்து சொல்லவும்!

சின்ன கதை

ஆஸ்துமா,டி.பி இரண்டு பற்றியும் சொன்னேன்! நான் செல்லும் அரசு ஆஸ்பத்திரிக்கு 5 மாதம் முன்னாடி ஒரு நோயாளியைக் கூட்டி வந்தனர்!

டி.பி. மாதிரி எலும்பும் தோலுமாக இருந்தார்! அவருக்கு மூன்று மனைவியர்(அப்பாடி).கடைசி மனைவிதான் கூட்டிவந்தது! டி.பி.மாதிரியேசளி,காய்ச்சல்,வேகமான எடை குறைவு எல்லாம் இருந்தது! ஆனால் பரிசோதனை செய்து பார்த்ததில் டி.பி.இல்லை என்று தெரிய வந்தது! அப்படியானால் என்ன?

உங்களுக்குத்தெரியும்! ஆம்! எச்.அய்.வி.என்று சொல்ற எயிட்ஸ் தான்! ஏற்கெனவே வேறு மருத்துவமனையில் செய்த சோதனைகளில் உறுதி செய்யப்பட்டு சிகிச்சை பெறும் நோயாளி.இவரும் மருந்துஒழுங்காகச் சாப்பிடலை.ஆனால் பாருங்க இந்தநோய்க்குஆயிரக்கணக்கான ரூபாய்க்கான மருந்து அரசு இலவசமா தருதுங்க! அதை ஒழுங்கா வாங்கி சாப்பிடவில்லை இவர்.

இந்தநோய்கட்டிப்பிடிப்பதால்,ஏன்முத்தமிடுவதலநோயா-ளியைக்கடித்த கொசு நம்மைக்கடித்தால்,ஒரே தட்டில் உணவு சாப்பிட்டால் கூட பரவாது!

கிருமியின் மீது 10 நிமிடம் வெய்யில் பட்டால்கூட கிருமி இறந்துவிடும்.

உடலில் நோய் எதிர்ப்பு சக்தி அதிகம் உள்ளவர்கள் நோயுடனேயே 10-15 வருடம் கூட வாழ்கிறார்கள்! உடலுறவு தவிர போதை மருந்து ஊசியை இரண்டு மூன்று பேர் கழுவாமல் போட்டுக்கிறதுனால கூட இது பரவிவிடும்!

மருத்துவமனை போனா தனி புதிய சிரிஞ் உபயோகிக்கிறார்களான்னு பாருங்க! ரொம்ப கிராமம்னா ஒரு புதிய சிரிஞ் வாங்கிக்கொண்டு போய் விடுங்கள்!!

எயிட்ஸுக்கு நல்ல மருத்துவம் தாம்பரம் டி.பி.சானிடோரியத்தில் கிடைக்கிறது!அது தவிர எல்லா தாலுகா அரசு மருத்துவ மனைகளிலும் கிடைக்கும்! என்ன இந்த வியாதியை குணப்படுத்த முடியாது! கட்டுப்படுத்தி கொஞ்ச நாள் வாழ்க்கையை தள்ளிப்போடலாம்!

இன்னும் இந்த நோய்க்கு மருந்து கண்டு பிடிக்கவில்லை! நீங்க கண்டுபிடிச்சீங்கன்னா அடுத்த நோபல் பரிசு உங்களுக்குத்தான்!

அப்புறம் அந்த நோயாளியை விட்டுவிட்டமே! அவர் 3 நாள் கழித்து உடல்நிலை ரொம்ப சீரியஸ் ஆகி கோமா நிலைக்குப்போய்விட்டார்! உற்வினர்கள் பாருங்க ஒருத்தன்கூட பக்கத்தில இல்லைங்க! சேர்த்துவிட்டு எல்லாரும் ஓடி விட்டனர்!போன் மூலம் கூப்பிட்டாலும் யாரும் வரவில்லை! இறக்கும் தருவாயில் எந்த நபரும் இன்றி அநாதையாய் இறந்தார்!பிணம் கூட எங்களுக்கு வேண்டாம் என்று ஒரு கடிதம் எழுதி தெரிந்த ஆள் மூலம் எங்களுக்கு கொடுத்து அனுப்பிவிட்டார்கள்!

கடைசியில் வேறு வழியில்லாமல் அநாதைப்பிணமாக நகராட்சியால் அவர் உடல் எரிக்கப்பட்டது!

-------------------------------------------------------------

சரி பதிவர் பற்றி பார்ப்போமா?

இவர் அவசியம் படிக்கவேண்டிய பதிவர்.இவரை இப்போதுதான் நான் பார்த்தேன்.இது அவரை கௌரவிக்கவே!

1.மங்கை http://manggai.blogspot.com/ நிறைய தெரிந்தவர்தான்! அவரின் அருமையான பதிவுகளை எல்லோரும் படிக்கட்டும் என்றே இங்கு எழுதுகிறேன்.விக்கிராய் குப்பையில் கிடைத்த மாணிக்கம்http://manggai.blogspot.com/2009/02/blog-post.htmlவீட்டை விட்டு ஓடி வந்த விக்கி எப்படி பெரிய புகைப்பட கலைஞரானார்?

சாதர் தாக்னா-ஹரியாணா மாநில சமுதாய வழக்கம் இது பற்றி http://manggai.blogspot.com/2009/01/blog-post_31.html ல் பார்க்கவும்!!

என் பேனாவிற்குப் பொதுநலம் தெரியாது
யாருமே அறியாத
என் இன்னொரு முகத்தின் இதழ்கள் அது!
அடுத்தவரிற்காய்க் கண்ணீர் விட நான் மட்டும்

நிஜங்கள்http://manggai.blogspot.com/2009/01/blog-post.htmlஎன்ற தலைப்பில்ஒவ்வொரு முறை தில்லி ரயில் நிறுத்தத்தில் ரயில் ஏறும் போதும் இறங்கும் போதும் கண்களை உறுத்தும் சில காட்சிகள். அங்கு குப்பை பொறுக்கும் குழந்தைகள் பற்றி வேதனைப்படுகிறார்! எல்லோரும் படிக்க வேண்டிய சிறந்த பதிவர்.

--------------------------------

2.எழுத்தோசையில் தமிழரசிகவிதைக்கலக்கல்! 2009ல் 75 பதிவுகள்!! (யப்பாடியோவ்)எப்போது வருவாய் கவிதையில் வசந்தத்தை கேள்வி கேட்கிறார்! பாருங்கள்:http://ezhuthoosai.blogspot.com/2009/02/blog-post_3949.html

நேசம் எனும் கவிதையில் இது கவிதை அல்ல காதல்னு சொல்றாங்கhttp://ezhuthoosai.blogspot.com/2009/02/blog-post_8373.html

இந்தக்கவிதையில் எல்லாமே நீதான் என்கிறார்http://ezhuthoosai.blogspot.com/2009/02/blog-post_5799.html

-------------------------------------------------------------

3.மது கிருஷ்ணா இன்று சில நிமிடங்களில் உறக்கத்துடன் கண்ணாமூச்சியாடும் கனவுகளாய், நினைவுகளுடன் சண்டையிட்டுக் கொண்டிருந்த ஓர் மாலைப்பொழுது... பட்டுவிடக்கூடாது என்று அஞ்சியபடி தூறிக்கொண்டிருந்தது மழை. என்கிறார் ..http://mathukrishna.blogspot.com/2009/01/blog-post.html

அன்புள்ளஅப்பாவில்http://mathukrishna.blogspot.com/2008/12/blog-post.htmlகண்டிப்பும், காத தூரத்தில் இருந்து அன்பும் காட்டும் சராசரித் தந்தை போலன்றி,
என்னைத் தோழியாகவும் பார்த்த என் தந்தைக்கு..என்று அப்பாவை நினைத்து ஏங்குகிறார்.

என் பேனாவிற்குப் பொதுநலம் தெரியாது
யாருமே அறியாத என் இன்னொரு முகத்தின் இதழ்கள் அது! அடுத்தவரிற்காய்க் கண்ணீர் விட நான் மட்டும் போதும் எனக்காக அழுவது என் பேனா மட்டும் தான் அதையும் கேட்காதீர்கள் என்றுஎன் கிறுக்கல்களிலில் எப்படி எழுதியுள்ளார் பாருங்கள்"http://mathukrishna.blogspot.com/2008/11/blog-post_27.html

------------------------- 4.இயற்கை இந்தக்கவிதையில் யாருக்கோ காத்திருப்பதை அழகாகக்கூறுகிறார்:http://iyarkai09.blogspot.com/2009/02/blog-post_10.html

நித்தி எங்க செல்லம் என்கிறார்! யார்னு போய் பாருங்க.http://iyarkai09.blogspot.com/2009/02/blog-post_10.html

அமெரிக்க கரண்சியைப்பத்தி ஒரு வித்தியாசமான பதிவுங்க:http://iyarkai09.blogspot.com/2009/01/20.html

---------------------------------------------------

5.ப்ளிஸ் எடுத்தவுடன் ஆங்கிலத்தில் மிரட்டுவார்! அசராதீங்க. உள்ளே போனா தமிழ்க் கவிதையும் கண்ணுல படும்!தெளிவு ன்னு காதல் பற்றி தெளிவா சொல்லி இருக்காங்க! http://bliss-live-ur-life.blogspot.com/2008/12/blog-post.html

சங்கமம் கவிதையில் மௌனமாய் பேசுறாங்க!http://bliss-live-ur-life.blogspot.com/2008/07/blog-post.html

பாரதியாரா மாறி புது உலகம் செய்யப்போறேங்கிறாங்கhttp://bliss-live-ur-life.blogspot.com/2008/05/blog-post_25.html உங்களுக்கு பிடிக்கும்! படித்துவிட்டு உங்கள் கருத்தை அவருக்கு சொல்லுங்க!!!

----------------------------------------------------------

சுதந்திரமானவனாய் இரு!எவரிடமிருந்தும் எதுவும் எதிர் பார்க்காதே!உன் கடந்த கடந்தகால வாழ்க்கையைத் திரும்பிப்பார்! உனக்குக் கிடைத்த பெரிய உதவியெல்லாம் உன்னிடமிருந்தே கிடைத்து இருக்கும்!

சுவாமி விவெகானந்தர்.

--------------------------------------------

அடுத்த பதிவில் பார்ப்போம்!

தேவா..

------------------------------------------------------------------

மேலும் வாசிக்க...

வலைச்சர ஆசிரியராக இரண்டாம் நாள்!

குரு வணக்கம்!

குருப்பிரம்மா! குருவிஷ்ணு!

குருதேவோ மஹேஸ்வரஹ!

குருசாட்சாத் பரபிரும்மா

தஸ்மைஸ்ரீ! குருவேநமஹ!

ஒரு மனிதனின் வாழ்வில் தாய்,

தந்தையருக்கு அடுத்து குருவே

முக்கியம்!

சிற்பி சிலை வடித்து முடித்து கடைசியாக கண் வடிப்பார். அது போல் குருவே ஒருவனுக்கு அறிவுக்கண் திறக்கிறார்.

இந்த இரண்டாம் நாளில் எனக்கு வழிகாட்டிய அன்பு ஆசிரியர்களை நன்றியுடன் நினைவு கூர்கிறேன்.அவர்களுக்கு என் பணிவான நன்றிகளை தெரிவித்துக்கொள்கிறேன்..

என் மனதைப்பிழிந்த கதை ஒன்று சொல்கிறேன்!

என் தம்பியின் நண்பன் அவர். வக்கீலுக்குப் படிக்கும் போதே எனக்குப்பழக்கம்! பைக்கில் ஸ்டெயிலாக சுத்துவார்.இதெல்லாம் 10 வருடம் முன்பு!திடீரென்று ஒரு நாள்என் நண்பர் ஒருவர், வக்கீல் ஒருவருக்கு உடல் நலம் சரியில்லை! உங்களிடம் அனுப்புகிறேன்! பாருங்கள் என்றார். பார்த்தேன்!எனக்குத்தெரியாத முகம்! என்னைத்தெரியுதா?நான் உங்கள் தம்பியின் வக்கீல் நண்பன் என்றார்! என்னால் நம்ப முடியவில்லை!!எலும்பும் தோலுமாக உடல் மெலிந்து,நடக்க முடியாமல் வீல் சேரில் அம்ர்ந்து இருந்தார்! சோதித்ததில் அவருக்கு டி.பி.இருந்ததும்,மருந்துகளை சரியாக உட்கொள்ளவில்லை என்பதும் தெரிந்தது!அவரின் அலட்சியப்போக்கால் வியாதி உடலெல்லாம் பரவி இருந்தது.தினமும் என்னைக்காப்பாற்றுங்கள் என்று கேட்பார்.தீவிர சிகிச்சை செய்தும் முடியாமல் 10 நாளில் இறந்தும் போனார்.படித்தவர்களே மருத்துவ ஆலோசனைகளை பின்பற்றாமல் இருப்பது கண் இருந்தும் குருடர் போன்றது.சரி T.B. பற்றி...

T.B. என்று நாம் அழைக்கும் காச நோய் நுரையீரல்களைத்தான் முதலில் தாக்கும்!இருமல்,சளி உடல் எடை குறைதல், பலகீனம் ஆகியவை இதில் வரும்! குழந்தைகளைத்தாக்கும் போது இதனை பிரைமரி காம்ப்ளக்ஸ் என்று சொல்வார்கள்.இது ஒரு நுண்கிருமியால் ஏற்படுகிறது! இது இருமும் போது நுண்சளித்திவலைகளால் பரவுகிறது!இந்த நோய் குழந்தைகள் நோய்தாக்கியவருடன் அருகில் இருக்கும்போதுஅவர்களின் இருமல்,தும்மல்,சளி,எச்சிலுடன் முத்தமிடுதல் ஆகியவற்றால் பரவுகிறது! இந்தியக்குழந்தைகளில் இது அதிகம்!

நடுத்தர வயதினர்,முதியோரைத்தாக்கும் போது கடுமையான இருமல்,வேகமான எடை குறவு மூச்சு விட முடியாமை,மாலையில் காய்ச்சல் காணப்படும்!நெஞ்சு நுண்கதிர்ப்படம் எடுத்தால் நுரையீரல் பாதிப்பை அறியலாம்.சளி சோதனையிலும் கிருமியைக் கண்டுபிடிக்கலாம்! இதற்கு சிகிச்சை ஆறு மாதகாலம் என்னும்போது இந்த நோய் எவ்வளவு கொடியது என்று அறியலாம். ஒரு முறை மருந்தை ஆரம்பித்துவிட்டால் நடுவில் விடாமல் 6 மாதம் சாப்பிட்டு ஆக வேண்டும்! நடுவில் உடல் தேறி நன்றாக இருக்கிறதே என்று இளம் வயதினர்கூட விட்டுவிட்டால் திரும்ப வந்துவிடும்! மறுமுறை வரும் டி.பி. மருந்துகளுக்கு அவ்வளவு எளிதில் கட்டுப்படாது! இறக்கும் நோயாளிகளும் அதிகம்! இதற்கு சரியான மருந்து கண்டு பிடிக்காத காலத்தில் நோய் தாக்கி இறந்தவர் --கணிதமேதை ராமானுஜம்!!

சரி நம்ம ஆசிரியர் வேலையைப்பார்ப்போம்!

1.தங்கராசா ஜீவராஜ்--இவர் ஒரு மருத்துவர்.எல்லோரும் ஒரு வலைத்தளம் வைத்து இருப்போம்! ஆனால் இவர் வைத்திருப்பதோ ஏழு-7-வலை! இதில் ஜீவநதியைப்பார்த்தீர்களானால் ஏதோ இந்தியக்கோவிலுக்குள் நுழைந்தது போல் இருக்கும்!http://geevanathy.blogspot.com/

மேலே உள்ள தள்த்தில் நுழைந்தால் ஒரு மகாபாரதப்போர் நடந்து கொண்டு இருக்கு.பார்க்கக் கண் கோடி வேண்டும் http://kmoli.blogspot.com/ல் இவருடைய கவிதைகள் பாருங்கள்!

இந்த http://thanganila.blogspot.com/தளத்தில் எல்லாத்தையும் கலந்து கட்டியிருப்பார்.கட்டாயம் பார்க்கவேண்டும்!

2.வேத்தியன் நல்லா எழுதுவார்.அவர் பதிவுகளைப் படியுங்கள் இது ஒரு புதிய கீதை!!!ஜாலியா இருக்கும் http://jsprasu.blogspot.com/2009/01/blog-post_28.html

திருமணமான பெண்களின் நிலைபற்றி கூறுகிறார் கீழுள்ள பதிவில் http://jsprasu.blogspot.com/2009/01/blog-post_20.படித்தால் பெண்களின் கஷ்டம் புரியும்

நான் விரும்பும் இசைப்புயல் என்று ரஹ்மான்பற்றி படியுங்கள்! http://jsprasu.blogspot.com/2009/01/blog-post_07.html

3.அன்புமணி-சென்னைக்காரர். இவரின் பியூன் கோபால் என்ற உணர்வுகளைத்தொடும் சிறுகதையை படியுங்கள் கீழுள்ள முகவரியில் http://anbuvanam.blogspot.com/2009/02/blog-post.html

வலையில் கவிதை எழுத எல்லோருமே சிரமப்பட்டு இருப்போம். இவர் பட்ட பாட்டை எப்படி அழகாக சொல்கிறார் பாருங்கள்http://anbuvanam.blogspot.com/2009/01/blog-post_19.html

தமிழின் நவீன சூழல் பற்றி எழுதியதை படிக்க இந்த பதிவுhttp://anbuvanam.blogspot.com/2009/01/blog-post_19.html

4.ஆதவா குழந்தை ஓவியம் என்ற பதிவில் எழுதுகிறார்.செடி ஒன்று2120ல் சொல்வதாக சுற்றுப்புற மாசு பற்றி எழுதுகிறார்http://aadav.blogspot.com/2009/02/2120.html

இவரின் காலை ஸ்வரம் உணர்வுள்ள கவிதை படிச்சுப்பாருங்கப்பாhttp://aadav.blogspot.com/2009/02/blog-post_04.html

யாருக்குத்தான் கனவுலகம் பிடிக்காது?அவரின் கனவுக்கவிதையை படியுங்கள்http://aadav.blogspot.com/2009/02/blog-post.html

5.சிந்து குழந்தைதனம் மாறாமல் எழுதுபவர்.என் மனநிலை புரிகிறதா என்று எழுதியுள்ளதை படியுங்கள்http://vsinthuka.blogspot.com/2009/02/blog-post_07.html

தாய் மண் அம்மா என்ற கவிதையில் தன் மன உணர்வுகளைக்கூறுகிறார்http://vsinthuka.blogspot.com/2009/02/blog-post.html

அம்மாவைப்பிரிந்த குழந்தையாய் இக்கவிதையில் புலம்புகிறார்http://vsinthuka.blogspot.com/2009/01/blog-post_17.html

6.பிரபா வின் எழுத மறந்த கவிதைகளில் காத்ல் பொங்குகிறது படிச்சா நிச்சயம் பிடிக்கும் உங்களுக்கு இந்த பதிவில் பாருங்கhttp://prapaslbc.blogspot.com/2009/02/blog-post.html

நாம் எப்படி நடக்கிறோம்(கால்களால்தான்!) என்பதை வைத்து இவர் இப்படி அவர் அப்படி என்று ஆரூடம்சொல்கிறார்http://prapaslbc.blogspot.com/2009/01/blog-post_29.htmlல்.

அமெரிக்கஜனாதிபதிகளுக்குள் உள்ள பெயர் ஒற்றுமை பற்றி வித்தியாசமான் பதிவு இதுhttp://prapaslbc.blogspot.com/2009/01/blog-post_20.html

7. அனந்தன் முடிவிலானின் எழுத்துக்களில் பாம்பு ஒயின் பற்றி படத்தோட சொல்கிறார் கொடுமைடா சாமி நம்ம குடிமக்களிடம் இதைக்கொடுத்தால் பாட்டில் பக்கமே வரமாட்டார்கள்.படம் பார்க்கhttp://mudivilaan.blogspot.com/2009/02/blog-post.html

உளறல் என்ற கவிதையில் எதையோதேடுகிறார்http://mudivilaan.blogspot.com/2009/01/2.html

அப்பா அம்மா வீட்டில் இல்லை என்று பாடுகிறார் இவர் ஒரு தனி பாணியில்http://mudivilaan.blogspot.com/2009/01/blog-post_21.html

8.தமிழ்தினா

கசக்கும் காதல்! இந்தப்பழம் புளிக்கும் என்கிறார்! சுவையுங்கள் கீழேhttp://thamizhdhina.blogspot.com/2009/01/blog-post_21.html

நட்பும் இவருக்கு புளிக்குதாம். நட்பிலா நட்பு என்றுசாடுகிறார்http://thamizhdhina.blogspot.com/2009/01/blog-post_17.html

கண்ணோரச்சுருக்கங்களில் காதலை அருமையாக சொல்கிறார்http://thamizhdhina.blogspot.com/2008/12/blog-post_26.html

9.பிரபு பிரியமுடன் பிரபு வில் சேலையின் பெருமை பற்றி எழுதுகிறார்http://priyamudan-prabu.blogspot.com/2009/02/02022009-104-am.html

காதல் மழை என்ற சின்ன கதை தமிழிஷில் பிரபலமாம் நாமும் படிக்கலாமேhttp://priyamudan-prabu.blogspot.com/2009/01/24-012009-845-pm.html

அப்படியே இவரின் மழை நேரம் கவிதையும் படித்து விடுங்கள்!

10.அருள்கரன் பூஞ்சோலை யில் காதல் என்னும் கவிதை சொல்லடி என்ற நகைச்சுவையான சம்பவமொன்று எழுதுகிறார்.http://arulkaran.blogspot.com/2009/01/blog-post_28.html படித்து சிரிங்கப்பா!

கனவோடு காத்திருப்பேன் கண்ணே உனக்காக என்று காதலை சொல்லுகிறார் கவிதையில் கீழுள்ள சுட்டியை சொடுக்கி படிக்கலாம்.http://arulkaran.blogspot.com/2009/01/blog-post_19.html

கடந்து போன காதல் ஒன்று என்று பக்கத்து வீட்டு காதலில் கரைகிறார்.http://arulkaran.blogspot.com/2009/01/blog-post_4698.html

இவர்களில் பிடித்ததை சூடாகப் படித்து அவர்களை பாராட்டி சந்தோசப்படுத்துங்கள்! படிக்க நேரமில்லையெனில் வலை முகவரியை குறித்துவைத்து பின்பு படியுங்கப்பா!

------------------------

தைரியமாக இரு!வலிமையுடன் இரு!பொறுப்பு முழுவதையும் உன் தோள்மீதேசுமந்துகொள்!உனது விதியைப்படைப்பவன் நீயே என்பதைப்புரிந்து கொள்!!

விவேகானந்தர்!

அடுத்த பதிவில் பார்ப்போம்!..

தேவா..

------------------------------

மேலும் வாசிக்க...

வலைச்சரத்தில் முதல் நாள்!

ஆசிரியராக.

முதல் வணக்கம்

என்

தாய்க்கும்

தந்தைக்கும்.

அன்னையும்

பிதாவும்

முன்னறி தெய்வம்.

தாயிற்சிறந்ததொரு

கோயிலுமில்லை

தந்தை சொல்

மிக்க

மந்திரமில்லை!

----------------

வலைச்சரம் ஆசிரியருக்கும்

நிர்வாகிகள் அனைவருக்கும்

என் பணிவான நன்றி

----------------

வாராவாரம் புத்தம் புது

வண்ண மலர் எடுத்து

வலைச்சரம் என்ற

வாடாச் சரம்

தொடுத்து எம் அனைவருக்கும்

அமுதூட்டும் அன்னையாம்

தமிழ்த்தாயின்

திருக்கழுத்தில்

சூடித்தமிழ் இன்பத்தில்

திளைக்கும் உங்களுக்கு

என் வணக்கம்!

என் சிரம் தாழ்த்தி கரம் கூப்பி

ஏற்கிறேன் இவ்வாரத்தின் பொறுப்பை.!

அங்காடி செல்லுகையில் ஆசைகள்

ஆயிரம் வரும்!!ஆயினும் அவரவர்

தேவைக்கே பொருள் வந்து சேர்ந்துவிடும்

மழலைக்கொன்று, மங்கைக்கொன்று

இல்லம் நடத்தும் மனையாளுக்கொன்று

கள்ளமில்லா காளையற்கு ஒன்று

(நமக்கு தலையில துண்டு)

என்று கடைவிரித்து வைப்பார் அங்கே!!

அவரவர் ஆசைக்கு அவரவர் எடுப்பர்.

நானும் தொடுக்கும் வலைச்சரத்தில்

பிடித்ததை எடுத்திடுவீர்

படித்ததை பகிர்ந்திடுவீர்

துடிப்புடன் எனக்கு நீவீர்

பின்னூட்டம் கொடுத்திடுவீர்!

நன்றி கூறி நிற்கின்றேன்

நல்வரவு தந்திடுவீர்!

எனக்கு முன் நண்பர்.ரம்யாவும்

அதற்கு முன் நண்பர் ஜமாலும்

தொகுத்து வழ்ங்கினர்.கொடுத்த

பணியை சிறப்பாக செய்திருந்தனர்.

அவர்களுக்கு என் வாழ்த்துக்கள்!

அன்பன்,

தே.மா.தேவகுமார்.

(தேவன் மாயம்)

நிறையப்பேருக்கு

என்னைப்பற்றி தெரியாதென்பதால்

சிறு அறிமுகம்.

நான்:தே.மா.தேவகுமார்

காரைக்குடியில் அரசு மருத்துவராகப்பணி.

(காரைக்குடி வருவோரை வரவேற்கிறேன்)

வலைப்பூ எனக்கு அறிமுகம் ஆனது

புத்தகங்களின் மூலமாகத்தான்.

தத்தி தத்தி நடை பழகிய இந்த

வலைக்குழந்தைக்கு கை கொடுத்து

தமிழில் எழுத தமிழ் எழுதி ஒன்று

தற்காலிகமாக அனுப்பி வைத்தது?

உங்க எல்லோருக்கும் தெரிந்த....

அதிரை ஜமால்!-எல்லாரும்

ஜமாலுக்கு ஒரு ஓ போடுங்கப்பா!

அப்புறம் அப்படி இப்படி போராடி

தமிழ்மணம் சேர்ந்தவுடந்தான்

மூடியிருந்த கதவுகள் திறந்து

மூச்சு விட ஆரம்பித்தேன்..

----------

மூச்சு விடுவது

சாதாரண சமாச்சாரம் இல்லை!

இன்றைய தூசி,புகை நிறைந்த

உலகில் ஒவ்வாமையினால்

நிறைய பேர் அவதிப்படுகின்றனர்.

அலர்ஜி,ஆஸ்துமா என்று சொல்லு

வார்கள்.

குழந்தைகள்கூட உறங்க

முடியாமல் இளைப்பு வந்து

எழுந்து அமர்ந்து அழுது கொண்டு

இருப்பதைப் பார்த்தும்,கேட்டும்

இருப்பீர்கள்.

நிறைய பேருக்கு இருக்கும்

அல்லது தெரிந்து இருக்கும்!

எனக்கு ரொம்ப நல்லா தெரியும்!

நான் 7 வயதிலிருந்து ஆஸ்துமா

வால் பாதிக்கப்பட்டவன்! இன்றுவரை!ஆஸ்துமா எந்த நோய்க்கிருமியாலும் ஏற்படுவது அல்ல!சிலருக்கு இது ஒத்துக்கல..அது ஒத்துக்கலன்னு சொல்ற(அலர்ஜி)ஒவ்வாமையால் ஏற்படுவதுதான் ஆஸ்துமா! அதாவது சிலருக்கு காற்றின் மாசு,புகை,பூவின் மகரந்தம்,தலையணை,மெத்தையில் உள்ள தூசி,அதில் உள்ள நுண்கிருமி யெல்லாம் ஒத்துக்காது!ஒத்துக்கலைன்னா என்ன பண்ணும்னு கேக்கிறீங்களா? தொட்டால் சுருங்கி பார்த்து இருக்கீங்க இல்ல.. அது எப்படி தொட்டவுடன் சுருங்குதோ அது போல அலர்ஜி உள்ளவர்களுக்கு மேலே குறிப்பிட்ட ஒத்துக்காத பொருளை சுவாசித்தால் நுறையீரல் சுருங்கும்! மூச்சு விட முடியாமல் இளைப்பு,இருமல்,தும்மல்,மூக்கில் நீர் வருதல் எல்லாம் ஏற்படும்.ஆகையினால் இந்த ஒத்துக்காத பொருள்களைத்தவிர்க்கவேண்டும்!அதேபோல சின்னவயசிலேயே நல்லா கவனித்தால் நுறையீரல்களின் விரியும் தன்மை நல்லா இருக்கும்! இப்ப வந்து இருக்கும் புதிய மருந்துகள் மிக அருமையாக இந்த நோயை கட்டுப்படுத்தும்.காஸ் விலை கூடியதால் ஆப்பிரிக்க நாடுகளில் உள்ள மக்கள் விறகு அதிகமாக பயன்படுத்துவதால் அடுத்த பத்து ஆண்டுகளில் 50% குழந்தைகளுக்கு ஆஸ்துமாவின் பாதிப்பு ஏற்படுமாம்.அதனால் முடிந்தவரை வீட்டுக்குப்பையையெல்லாம் கூட்டி,செடி,கொடியெல்லம் வெட்டி எரிக்காதீங்க!

சுற்றுப்புறச்

சூழல் மாசுபட மாசுபட ஆஸ்துமா அதிகரிக்கும்!

------------------

என் சிறு கதை:

+2 முடிந்தவுடன் அண்ணா பல்கலையில்

B.E 1 மாதம்! அப்பாவின்

கட்டாயத்தில் அங்கிருந்து

M.B.B.S. மாறினேன்.

சிலர் விதி ...என் கையில இப்போ!!

ஹி. ஹி.. ஹி...

இப்படியே போய்

கடைசியிலயும் ஒரு மாற்றம்!!!

என்ன மாறியதுன்னு

உங்களுக்குத்தான் தெரியுமே!

தெரியாதவுங்க தனியா கேளுங்க!!!

மாற்றம் என்பது மானிட தத்துவம்!

கடைசில

தத்துவத்தோட முடிச்சம் பார்த்தீங்களா!!

பிடித்தது:

நீ எதை நினைக்கிறாயோ அதுவாகவே

ஆகிறாய். நீ உன்னை பலவீனன் என்று

நினைத்தால் பலவீனனாகவே

ஆகி விடுவாய்!

வலிமை உடையவன் என்று

நினைத்தால்

வலிமை படைத்தவனாகவே

ஆகி விடுவாய்!!

விவேகானந்தர்.

------------------------

மேலே என் வாழ்க்கைக்குறிப்புக்கும்

விவேகானந்தருக்கும் சம்பந்தமே இல்லை..

-----------------------

என்னுடைய இடுகைகளில் நீங்க ரொம்பப்

படிக்காதது என் முதல் கவிதையாகத்தான்

இருக்கும்.அதுபோல ஒரு கவிதை மறுபடி

எழுதியுள்ளேனா என்று தெரியவில்லை!

(யோவ் நீ எழுதுவது

கவிதையான்னு கேக்காதீங்க!

கவிதை மாதிரி)

முதல் பத்தி மட்டும் படிங்க

இங்கே!மிச்சம் சுட்டியில்.

நான் உன்னை விரும்புகிறேன்

ஆம் அதுதான் உண்மை
நான் உன்னை
விரும்புகிறேன்!

உன் மூச்சு முட்டும் வரை
நெஞ்சோடு
இறுக அணைத்து
என் ஆன்மாவின்
இறுதிச்சொட்டும்
உருகி உன்
காலடியில் விழும்வரை!

ஆம் அதுதான் உண்மை
நான் உன்னை
விரும்புகிறேன்!

மேலும் படிக்க உள்ளே போங்க...சுட்டி தலைப்பில் உள்ளது..

---------------------

அடுத்து நான் உங்களை

படிக்க அழைப்பது

என் கொஞ்சம் தேநீர் வரிசை

கவிதைகள்! அவற்றின் சுட்டி கீழே!

உங்கள் சொந்த ரிஸ்கில்

உள்ளே போகவும்!!

(எச்சரிக்கை பின் விளைவுகளுக்கு

மருத்துவர்--நான்

பொறுப்பு அல்ல!!இது என்ன

எச்சரிக்கைன்னு பாக்கிறீங்களா?

அறுவை சிகிச்சைக்கு முன்

நோயாளியிடம் வாங்கும்

கையெழுத்து!!இஃகி. இஃகி.இஃகி)

-------------

கொஞ்சம் தேநீர்

கொஞ்சம் தேநீர் 2

கொஞ்சம் தேநீர்-3

கொஞ்சம் தேநீர்-4

-----------------------------------

கொஞ்சம் தேநீர்-5

இந்தக் கவிதை வரிகள் சில கீழே...

சுதந்திரம் பிறர்

தருவதல்ல!

சிறகுகளும் அப்படித்தான்

என்றேன்!

உன் சிறகுகளை

நீதான் நெய்யவேண்டும்!

உன் நெஞ்சில்

நீதான்

இறகுகளை

வளர்க்க வேண்டும்!

நான் தந்தால் அது

இரவல் சுதந்திரம்

என் மூச்சுக்காற்றை

நீ எவ்வளவு நாள்

சுவாசிப்பாய்?

-------------------------

கொஞ்சம் தேநீர்-6

இந்த தலைப்பின் கவிதை

வரிகள் சில கீழே...

சாளரம் தாண்டி
மௌனமாய்
இழையும்
நிலவின் ஒளி!
எங்கிருந்தோ கமழும்
ஏதோ
ஒரு பூவின்
மணம்!
சாத்திய அறை
இருளில்
மின்னும்
உன் கண்கள்!

-----------------------------------------

கொஞ்சம் தேநீர்-7

தாங்கமுடியவில்லை

சில வரிகள் கீழே

சிறு குழந்தையின் அழுகுரல் கேளுங்கள்!கீழே...

அதிரும் வெடியின்
ஒலியில்
நகரும் வண்டிகளின்
கரகரக்கும் மண் அரையும்
சத்தத்தில்!!

இடிந்து கொட்டும் செங்கல்
மண் குவியலில்
அமைதியாய் நான்!!

ஷெல்லின் ஒலி பயமறியாது
சத்தம் மரத்துப்போன
காது!

எரியும் தீயின் வெம்மை
அறியாது
வெந்து போன என்
இதயம்!!

யாரும் சோறூட்ட
வேண்டாம்!
மடியில் போட்டு
தாலாட்டவும் வேண்டாம்
நான் உறங்க!

இன்னும் படிக்க தலைப்பு சுட்டியில் அழுத்தி தளத்துக்குள் போகவும்...

---------------------------------------

கொஞ்சம் தேநீர்-8

முன்னும் பின்னும்
ஒழுங்கு இல்லாமல்
கலைந்து கிடக்கும்
எழுத்துக்கள் போல்

கோப்பைக்கும்
உதட்டுக்கும் இடையில்
சிந்தி சுவை அறியா
துளிபோல்

தூரிகைக்கும்
துணிக்கும்
இடையில்
சிந்திக்கிடக்கும்
வண்ண மை போல்

மேலும் படிக்க தலைப்பில் சுட்டி உள்ளது...

---------------------

ஜாலியா ஒரு கவிஜ!

சும்மா ஜாலியா ஒரு மொக்க கவிதை போடுவோம்னு எழுதினேன்.படிங்க கீழே..

----

அம்பை எடுத்து
வில்லை வருத்தினான்!
உணவு கிடைத்தது!

பல்லைக்கடித்து
உணவை வருத்தினான்
சக்தி கிடைத்தது!

உடலை வருத்தி
உடற்பயிற்சி செய்தான்
கட்டுடல் கிடைத்த்து!

உளியை எடுத்து
கல்லை வருத்தினான்
சல்லிக்கல் கிடைத்த்து!

கண்ணை வருத்தி
பாடங்கள் படித்தான்
பாஸ் மார்க் கிடைத்த்து!

இதையெல்லாம் கண்டு பின்னர்
பேனாவை எடுத்து
பேப்பரை வருத்தினான்!!
கவிதை பிறக்குமென்று!!!

படித்தவர்.........வருந்தினர்!!!

-------

எப்படி இந்த கவிதை?

இதைப் படித்துவிட்டு நம் கவிதை ஆராய்ச்சிக்குழு பின்னூட்டத்தில் அறிக்கை சமர்ப்பிப்பாங்க!!

இஃஹி..இஃஹி..இஃஹி..

---------------

படித்துப்பாருங்கள்! உங்களில் பலர் படித்து இருந்தாலும் புதிய நண்பர்களுக்காக!

கவிதை தவிர்த்த என் பதிவுகளின் சுட்டிகள் கீழே கொடுத்திருக்கிறேன்.

தற்கொலையும்! தமிழ்க்கவியும்!!

அன்புடன் ஒரு சிகிச்சை!

நீதாண்டி எனக்குப்பிடித்த அழகி!

அமெரிக்க பேராண்டிகளும்! இந்திய அப்பச்சியும்!

முடிக்கும் முன் சின்ன கதை!

போர் நடந்துகொண்டு இருந்தது!

எதிரிகளின் எண்ணிக்கையோ அதிகம்!

போரில் தோற்கும் நிலை தளபதிக்கு மட்டும் புரிந்தது.

வீரர்களிடம் பேசிய தளபதி ஒரு

யோசனை சொன்னான்! என் கையில்

இருக்கும் நாணயத்தை

கடவுளை வேண்டி சுண்டி விடுகிறேன்!

தலை விழுந்தால் நாம் ஜெயிப்போம்! பூ விழுந்தால் தோற்பதாக அர்த்தம்

என்றான்! வீரர்கள் சரி என்றனர்! தளபதி நாணயத்தை சுண்டி விட்டான்!

தலை விழுந்தது! வீரர்களுக்கோ

கொண்டாட்டம்! கடவுளே நம் பக்கம் இருக்கும்போது நம்மை யாரும்

வெல்லமுடியாது என்று தீரத்துடன்

போரிட்டு வென்றனர்!! ராஜா எப்படி

வெல்ல முடிந்தது அவ்வளவு பெரிய

படையை என்று கேட்டார்?தளபதி

நாணயத்தை எடுத்துக்காட்டினான்.

இரண்டு புறமும் தலைதான் இருந்தது!!

வெற்றி உங்களுக்கே!

கடைசியா சிந்தனைக்கு!! எதிலோ படித்தது:

தமிழுக்கு அமுதென்று பேர்!

தமிழனுக்கு இரண்டு மொழியில் பேர்!

என் முதல் படியில் எனக்கு ஊக்கமளித்த

பின்வரும் பதிவர்களுக்கு என் நன்றியை

தெரிவித்துக்கொள்கிறேன்.

அதிரை ஜமால்,
சாய் கணேஷ் ,நாகப்பன்.ஆர்
சிம்பா, கணினிதேசம்
கார்த்திக் ,வால் பையன்
பூர்ணிமா சரண், பட்டிக்காட்டான்
தமிழ் தோழி ,அபு ஜுலைஹா
தாரணி ப்ரியா, எஸ்.எஸ்.கே
அபு அஃப்ஸர் ,கிஷோர்
வெ.நாகநாதன்,ஆனந்தென்
திகழ் மிளிர்,புதியவன்
சுரேஷ்,ரம்யா
கார்த்திக்க்ரிஷ்னா, காரூரன்
லோகு ,காயத்ரி
முனியப்பன் ,மேக்ஸிம் இந்தியா
தமிழ் சரவணன், தங்கரசா ஜீவராஜ்
பிரேம் குமார் ,கலாட்டா அம்மணி
Dr.முருகானந்தன், நசரேயன்
கிழஞ்செழியன், ராஜ நடராஜன்
உருப்படாது அனிமா, மிஸஸ்.டவுட்
அமரபாரதி ,குடுகுடுப்பை
சந்தனமுல்லை, கூல்ஸ்கார்த்தி
பழமைபேசி ,ஜீவன்
ஹேமா ,அமரபாரதி
சிந்து,துஷாந்தினி
திவ்யா, பரிசல்காரன்
நிலாவும் அம்மாவும், தமிழ்பிரியன்
அமிர்த அம்மா கலையரசன்
குமரன் ,ஆளவந்தான்
கும்க்கி ,நசரேயன்
சாந்தி ,மகேஷ்
புருனோ, துளசிகோபால்
அன்புடன் அருணா,
வடகரை வேலன் ,குப்பன் யாஹூ
கண்மணி ,அக்னிபார்வை
வளர்பிரை, கலை இரா கலை
ராமலட்சுமி, மதிபாலா
இவன் ,ஆண்ட்ரு சுபாசு
நாமக்கல் சிபி, கடையம் ஆனந்த்
திவ்யா, ராகவன் நைஜீரியா
இயற்கை, மே வீ
கவின் ,யோகேஸ்வரன்
விக்னேஸ்வரன், ஹோஷியா
சின்னக்குட்டி, ஜாஃபர்
மேடி

அப்பா! இவ்வளவு பேரா? என்று எண்ண வேண்டாம்!அவ்வளவு பேர் ஆதரவு இல்லாவிடில் நாம் எழுதவே முடியாதே!அத்தனை பேரையும் வலைச்சரத்துக்கு அழைக்கிறேன்!

சரி என் பதிவுகளைபடிங்க பின்னூட்டம் அடிங்க!!!

தேவா.

மேலும் வாசிக்க...

தேவாவிற்கு வரவேற்பு

ஒன்பதாம் நாள் தொடங்கும் இவ்வாரத்திற்கு, காரைக்குடியில் மருத்துவராகப் பணியாற்றும் அருமை நண்பர் தேவகுமார் என்ற தேவா வலைச்சர ஆசிரியராகப் பணியேற்கிறார். இவர் தமிழ்த்துளி மற்றும் தமிழ்நண்பன் என்ற இரு வலைப்பூக்களில் எழுதி வருகிறார். அன்புடன் குழுமத்திலும் எழுதுகிறார்.

இவரை நல்வாழ்த்துகளுடன் வரவேற்கிறோம். அருமையான முறையில் பதிவர்களை அறிமுகம் செய்வார் என்பதில் ஐயமில்லை.

சீனா

மேலும் வாசிக்க...