எல்லாரும் பார்த்துங்க.. நானும் ஆசிரியர் ஆயிட்டேன்

வணக்கம் மக்கள்ஸ் ...!

ரெண்டு மூணு தபா கிடைச்ச வாய்ப்பை நேரம் இல்லே, நேரம் இல்லேன்னு (உங்களையெல்லாம்) எஸ்கேப் பண்ணிவிட்டுகிட்டே இருந்தேன். விதி வலியதுன்னு சும்மாவா சொன்னாங்க!

இந்த தபா என்னால எஸ்கேப் பண்ண முடியலை!

அதான் "எல்லாரும் பார்த்துங்க.. நானும் ஆசிரியர் ஆயிட்டேன், ஆசிரியர் ஆயிட்டேன்னு" சொல்லி ஜீப்புல ஏற்கிட்டேன்!



என்ஜாய் பண்ணினீங்கன்னா என்கிட்டே சொல்லுங்க! ஏடாகூடாம எரிச்சல் அடைஞ்சீங்கன்னா சீனாகிட்டே செல்லுங்க! அவர் எல்லாத்துக்கும் தயாரா இருககார்!

என்னைப் பத்தி முதல்ல அறிமுகப் படுத்திக்கணுமாம்!

என்னைப் பத்தி ஏற்கனவே தெரிஞ்சவங்களுக்கு : இன்னும் என்னைப் பத்தி என்ன தெரிஞ்சிக்க வேண்டி இருக்கு?

என்னைப் பத்தி தெரியாதவகளுக்கு : இத்தனை நாளா என்னைப் பத்தி ஒண்ணும் தெரிஞ்சிக்கலை, இனிமேலும் தெரிஞ்சி என்ன ஆகப்போகுது?

(இதெல்லாம் ஒரு பொழப்பான்னு துப்பத் தோணும், அப்படித் துப்பிட்டுக் கெளம்புற வழியைப் பாருங்க)

ஓகே.. ஓகே.. கூல டவுட்.. இதோ என் பயோ டேட்டா!

பெயர் : நாமக்கல் சிபி

இயற் பெயர் : இரா.ஜெகன் மோகன் (இரா.ஜெ)

பிறப்பு : திருச்செங்கோடு (நாமக்கல் மாவட்டம்)

வளர்ப்பு : நாமக்கல்

பிழைப்பு : தற்போது சிங்காரச் சென்னை

படிப்பு : கனிணி அறிவியல் (இளையர்)

தொழில் : பொட்டி தட்டுதல், ஆணி பிடுங்குதல்

முழு நேரத் தொழில் : கலாய்த்தல் ref : www.kalaaythal.blogspot.com)

உப தொழில்(பொழுது போகு) : பொட்டி தட்டும் நேரம் தவிர வெட்டி
அரட்டையும், ஆன்லைனில் மொக்கையும், கும்மியும்

ஆர்வம் : கதை, கவிதை, கட்டுரை (யாராச்சும் எழுதினா படிப்பேன்)

கனவு : ஞானபீடம் பரிசு (!? உள்ளுவதெல்லாம் உயர்வுள்ளல் பாலிஸி ஹிஹி கண்டுக்காதீங்க)

வாசிப்பனுபவம் : குமுதம், விகடன், கல்கண்டு, பாக்கெட் நாவல்கள் மற்றும்
டீக்கடை தினத்தந்தி + போண்டா பஜ்ஜி மடித்துக் கொடுக்கப் படும்
காகிதங்கள்!

நமக்கு இருக்கும் வலைப்பூக்கள் கொஞ்ச நஞ்சம் இல்லை (அப்படின்னு ஒரு வதந்தி உலவிகிட்டு தமிழ்வலைப்பதிவு உலகத்துலே.. அது கொஞ்சம் மிகைப்படுத்தப்பட்ட உண்மைன்னு சொல்லிக்கிறேன்)

1. பிதற்றல்கள்
2. மனமும் நினைவும்
3.கலாய்த்தல் திணை
4. நந்தவனம் (புதுசு கண்ணா புதுசு)

5. முருகனருள்
6. வருத்தப் படாத வாலிபர் சங்கம்
7. நயன்தாரா
8. என்னோட ஃபோட்டோகிராஃப்கள்

இவை தவிர சொந்தப் பேர்ல வெச்சிருக்குற நட்புக்காக

இன்னும் ரெண்டு மூணு பினாமி பேர்ல இருக்கு! அதெல்லாம் எதுக்கு உங்களுக்கு!

என்னோட பதிவுகளில் குறிப்பிடத்தக்க பதிவுகள்னு ஒரு லிஸ்டோட சீக்கிரமே திரும்ப வரேன்! அது வரைக்கும் ஒரு சின்ன அஃபிஷியல் பிரேக். (ஆணி பிடுஙகணும்ல)

என்னை(யும்!?) ஆசிரியாக்கி அழகு பார்த்த வலைச்சரம் நிர்வாகிகளுக்கும், முன்னால் ஆசிரியர்களுக்கும், இன்று விடைபெற்றுச் சென்ற (அதாங்க இடத்தை காலி பண்ணிக் கொடுத்த) தேவன்மாயன் அவர்களுக்கும் எனது மனமார்ந்த நன்றி!

இமேஜ் அனுப்பிய எனதருமை மாப்பி ரங்காவுக்கு ஒரு ஸ்பெஷல் நன்றி.

மேலும் வாசிக்க...

தேவகுமாருக்கு பிரியாவிடையும் - நாமக்கல் சிபிக்கு வரவேற்பும்

அன்பின் பதிவர்களே !

ஒரு வார காலமாக, அருமை நண்பர் மருத்துவர் தேவகுமார் என்ற தேவன்மாயம் அவர்கள் கடுமையாக உழைத்து, கொடுத்த பொறுப்பினை நிறைவேற்ற அரும்பாடு பட்டு, பல பதிவுகளை இட்டு, ஆயிரத்து ஐநூறுக்கும் மேற்பட்ட மறு மொழிகள் பெற்று மன நிறைவுடன் விடை பெறுகிறார்.

அவர் புதுமையாக, ஒரு நல்ல சிந்தனை, ஒரு மருத்துவக் குறிப்பு, பதிவர்கள் அறிமுகம், ஒரு கதை/கவிதை மற்றும் ஒரு பொன்மொழி என பல்வேறு பகுதிகள் கொண்ட அமைப்பாகப் பதிவுகளை இட்டிருக்கிறார். அவர் அறிமுகப் படுத்திய பதிவர்கள் அனைவருமே புதியவர்கள் / கவிஞர்கள் / ஆழ்ந்த சிந்தனையாளர்கள். அனைவரும் சுட்டிகளைச் சுட்ட வேண்டும் என்ற ஆர்வத்துடன் எழுதி இருக்கிறார்.

அவருக்கு நன்றி கலந்த நல்வாழ்த்துகளைக் கூறி விடை அளிக்கிறோம்
------------------------------------------------
பதினாறாம் நாள் துவங்கும் வாரத்திற்கு நண்பர் நாமக்கல் ஷிபி ஆசிரியராகப் பொறுப்பேற்கிறார். அவர் ஏறத்தாழ எட்டு குழுப் பதிவுகளிலும் , மூன்று தனி பதிவுகளிலும் எழுதி வருகிறார். கும்மி அடிப்பதில் மன்னரவர். மொக்கை மெயில் என்ற கூகிள் குழுமத்தில் கலக்குகிறார். பொறியியல் வல்லுனரான இவர் கணினித்துறையில் மென்பொருளாளராகப் பணி புரிகிறார். இவரை அனைத்து நண்பர்களும் அன்புடன் மாநக்கல் ஷிபி என அழைக்கின்றனர். அந்த அளவிற்கு நக்கல் அடிப்பவர் ( நண்பர்களை மட்டுமே ).

நயந்தாராவின் நண்பர் ( ???) - இவரை வருக வருக என வரவேற்று பொறுப்பினை மகிழ்வுடன் ஒப்படைக்கிறேன். ( என்ன பண்ணப் போறாறோ தெரில - பாப்போம்).

நல்வாழ்த்துகள் மாநக்கலாரே !

சீனா
-----------------

மேலும் வாசிக்க...

வலைச்சரத்தில் (7) வது நாள் தேவா!

கடவுள் வாழ்த்து!

சொல்லும் பொருளும் என, நடம்

ஆடும் துணைவருடன்

புல்லும் பரிமளப் பூங்கொடி

யேநின் புதுமலர்த் தாள்

அல்லும் பகலும் தொழுமவர்க

கேஅழியா அரசும்

செல்லும் தவநெறியுஞ்சிவ

லோகமும் சித்திக்குமே.

அபிராமி அந்தாதி.

----------------------------------------------

நன்றிப்பா!

கலைச்சரமாம் வலைச்சரத்தில்

பதிவர்களின் பதிவுகளை

படித்திட அழைத்திட்டார்

பாங்கான நண்பரவர்!

நண்பர்கள் பலர் உண்டாம்

”நன்” பர்கள் வெகு சிலரே!

வலையில் வரும் பதிவுகளை

தவறாமல் தான் படித்து

வளமான கவிதைகளும்

தரமான உரை பலவும்

தந்திட்ட நண்பர்களின்

எழிலான தமிழின் சுவை

குறையாமல் அருந்தி வந்தேன்!

அருந்தியது தமிழா?

அது அமிழ்தன்றோ?

நெஞ்சின் உள்ளிட்ட அவ்வமுது

உறங்கிக் கிடக்காமல்

ஊற்றாய் பெருகிவிட,

உள்ளம் கொள்ளாமல்

ததும்பிய தமிழ் ஊற்றோ

கரையுடைத்துப் பொங்கி வரும்

காவிரிபோல் கட்டுக்குள்அடங்காமல்

மனக்கரை உடைக்க எத்தனிக்க!

ததும்பிய மனத்தமிழை

துளித்துளியாய் ஒடவிட்டென்!

தமிழ்த்துளியென்னும்

என் வலைத் தளத்தில் !

பார்த்தவர் படித்திட்டார்!

பதில் பலவும் கோர்த்திட்டார்!

சேர்த்திட்ட துளி பலவும்

வார்த்திட்டேன் தமிழ்மணத்தில்!

அறிந்திட்டார் அன்பர் சீனா

அழைத்திட்டார் வலைச்சரம்!

ஒரு வாரம்தனைத் தந்து

உழைத்திடு இதில் என்றார்!

தலைக்கிரீடம் தனைச்சூட்டி

தரணியாள் என்றதுபோல்

உணர்ந்திட்டேன் நானும்

உண்மையில் நான் தமிழ் ஏழை!

பொங்கி வந்த தமிழமுதை

பொங்கலிட்டுப் படைத்து விட்டேன்!

என்னுள் தங்கிவிட்ட தமிழ்த்தாய்க்கு!

பொங்கலிட்ட படையலைப்

பந்தியிட்டேன் உங்களுக்கு!

இதுகாறும் சுவைத்திட்டீர்

நன்றிகள் பல உமக்கு!

--------------------------------------------

என் அன்றாட அலுவலுக்கிடயில் கொடுத்த பணியைச் சிறப்பாகச் செய்ய வேண்டுமே என்ற எண்ணத்தில் மிகவும் சிரமப்பட்டு இந்த ஒரு வாரத்தை முடித்து விட்டேன். நிறைய எழுத நினைத்தேன். நெஞ்சுக்கும் விரலுக்கும் இடையில் ஆவியாகியது போக மீதமே இங்கு எழுதினேன்!

இந்த ஒரு வாரம் கடினமாக இருந்தாலும் உற்சாகமாக இருந்தது! என்ன பதில் எழுதுவார்களோ என்ற எதிர்பார்ப்பு இருந்தது!

நிறைய வலைத்தளங்களைப் பார்வையிடமுடிந்தது.உங்களுக்காகச்சமைக்கையில் நான் உண்டதே அதிகம்.

எனக்கு மிகுந்த ஆர்வத்துடன் ஊக்குவித்த அன்பு நண்பர்களுக்கும்,வாய்ப்பளித்த அன்பு ஆசிரியர் வலைச்சரம் அவர்களுக்கும்,வலச்சர ஆசிரியர் குழுவிற்கும் என் மனமார்ந்த நன்றியைத்தெரிவித்துக்கொள்கிறேன்!

-------------------------------------

ஒரு சின்ன கதை

ஒரு போர் வீரன் குருவிடம் வந்தான்.

”குருவே ! சொர்க்கம் நரகம் என்று சொல்கிறார்களே.அவை எங்கெ உள்ளன” என்று கேட்டான்.

”நீ கொலைகாரன்! பாவி! அநியாயமாக பலரின் உயிரை எடுப்பவன்”

உனக்கு நான் விளக்கம் சொல்ல முடியாது”என்றார் குரு.

போர் வீரன் கோபத்தில் வாளை உருவி குருவை வெட்டப்போனான்.

குரு கையை உயர்த்தி” இதுதான் நரகம் என்றார்”

போர் வீரன் தவறை உணர்ந்தான்.

வாளை கீழே போட்டான்.

இதுதான் சொர்க்கம் என்றார் குரு.

-----------------------------------

ஒவ்வொரு மனிதனும் ஒவ்வொரு நாடும் பெருமை அடைவதற்கு மூன்று விஷயங்கள் அவசியம்-

1.நன்மை தரக்கூடிய சக்திகளில் உறுதியான நம்பிக்கை.

2.பொறாமையும் சந்தேகமும் இல்லாதிருத்தல்.

3.நல்லவர்களாக இருக்கவும் நன்மை செய்யவும் முயற்சி செய்யும் அனைவருக்கும் உதவி புரிதல்.

விவேகானந்தர்..

விடைபெறுகிறேன்!

தேவா..

---------------------------------------------------

மேலும் வாசிக்க...

வலைச்சரம் ஆசிரியராக (6)ஆறாம் நாள்!

காதல்,காதலர்

இன்று காதலர் தினம்!

காதல் இல்லையென்றால் இந்த உலகில் எதுவுமில்லை. பொதுவாக காதல் என்பது நேசம். பிறர் மீது அன்பு செலுத்துதல்! காதல் என்பது மனிதநேயம். தன்னலத்திலிருந்து விடுபட்டு பொதுநலத்தில் மனம் விரிய பிற உயிர்களை நேசிப்பது காதல். பிறர் மகிழ மகிழ்ந்து, பிறர் வருந்த நெகிழ்ந்து பிறர் உணர்வுகளோடு ஒன்றாகக் கலக்கும் அன்பின் வெளிப்பாடு- காதல்.

---------------------------------

காதல் பாட்டுகளில் பாரதியின் இந்தப்பாட்டுக்கு இணையான பாடல் இல்லையென்றே சொல்லலாம்!

சினிமாவிலும் அழகு குன்றாமல் பாடப்பட்டுள்ளது!

காற்று வெளியிடைக் கண்ணம்மா - நின்றன்
காதலை எண்ணிக் களிக்கின்றேன் - அமுது
ஊற்றினை ஒத்த இதழ்களும் - நிலவு
ஊறித் ததும்பும் விழிகளும் - பத்து

மாற்றுப்பொன் ஒத்தநின் மேனியும் - இந்த
வையத்தில் யானுள்ள மட்டிலும் - எனை
வேற்று நினைவின்றித் தேற்றியே - இங்கோர்
விண்ணவ னாகப் புரியுமே! இந்தக்
(காற்று)

நீயெனது இன்னுயிர் கண்ணம்மா! - எந்த
நேரமும் நின்றனைப் போற்றுவேன் - துயர்
போயின, போயின துன்பங்கள் நினைப்
பொன்எனக் கொண்ட பொழுதிலே

என்ன இது உங்களுக்கும் பிடித்த பாடல்தானே!

-------------------------------------------

காணிக்கை

இந்த நாளில் அன்பில் கட்டுண்டுகிடக்கும் கணவன்,மனைவியற்கும் இனி இல்லறம் காண இருக்கும் காதலர்களுக்கும் இந்த தொகுப்பைக் காணிக்கையாக்குகிறேன்.

-------------------------

ஆங்கிலோசிங் ஸ்பாண்டிலைடிஸ்(Ankylosing spondylitis)

இது எலும்பைத்தாக்கும் ஒரு வியாதி.இதன் பெயரை ஆங்கிலத்தில் படிப்பதே நல்லது.ஏனெனில் எங்காவது பார்க்கும்,படிக்கும்போது ஞாபகம் வரும்.

இது ஒரு தொடர்ந்து தொல்லை செய்யும் வியாதி. இது நமது முதுகு நடு எலும்பை பாதிக்கும்.

30-40வயதில் இது ஆரம்பிக்கும்.ஆண்களில்தான் இது அதிகம்.

இது பரவிய முதுகு வலியுடன் ஆரம்பிக்கும்.பிற மூட்டுகளிலும் வலி இருக்கும்.

சோதித்துப்பார்த்தால் முதுகெலும்பின் அசைவு பெருமளவு குறைவாக இருக்கும். நெஞ்சின் விரிவு குறைந்து(<5செ.மீ),அதாவது 5 செ.மீக்கு குறைவாக இருக்கும்.

நோயின் முற்றிய நிலையில் கழுத்து முதல் கீழ்முதுகுவரை இறுகி அசைவற்று போய்விடும்.உடல் முன்னுக்குத்தள்ளி காணப்படும்!

விசுவின் படம் ஒன்றில் கிஷ்மு கையைபின்னால் கட்டி முன்புறம் குனிந்து நடப்பாரே! அதே போல்தான் இந்த வியாதியில் இருக்கும்! இது ஒருவகையில் முதுகெலும்பின் அசைவிக்குறைக்கிறது.அதேபோல் நெஞ்செலும்பின் அசைவையும் குறைக்கிறது.

மேலே உள்ள படம் பார்த்தால் நான் சொன்னது ஓரளவு புரியும்!இதை இன்னும் விளக்கமாக பின்னர் பார்ப்போம்!

-------------------------------------------

பிடித்தது எது?

தன் இளம் மனைவியை அழைத்துக்கொண்டு வெளிநாடு சுற்றுப்பயணம் சென்றான் ஒருவன்.அவர்கள் பல இடங்களைச் சுற்றீப்பார்த்தார்கள்.அத்தனை அழகான அற்புதமான இயற்கைச் சூழல் நிறந்த இடங்கள் ஒவ்வொரு இடத்தையும் வெகுவாக ரசித்தாள் மனைவி!

கிட்டத்தட்ட பதினைந்து நாட்கள் ஊர் சுற்றினார்கள்.வீடு திரும்பும்போது விமானத்தில் அவன் மனைவி அவனிடத்தில் இவ்வளவு இடங்கள் பார்த்தோமே, இதில் உங்களுக்கு ரொம்பப் பிடித்த அழகான இயற்கையின் படைப்பு எது? என்று கேட்டாள்?

அவனுக்கு நிறைய விசயங்கள் தோன்றின. அவன் பார்த்த அழகான அருவிகள்,இயற்கைக்காட்சிகள் எல்லாம் அவன் மனதில் ஓடின.

ஆனால் அவன் சொன்ன பதில் என்ன?

நீங்கள் இந்த இடத்தில் என்ன பதில் சொல்வீர்கள்?...

அவன் பதிலில் ஒரு சூப்பர் சிக்ஸர் அடித்தான்!.

அவன் சொன்ன பதிலும் உங்கள் பதிலும் ஒன்றுதானா?

அவன் பதில்: எனக்கு ரொம்பப் பிடித்த அழகான இயற்கையின் படைப்பு நீ தான்!!!!

------------------------------------

சரி பதிவர் பார்ப்போம்

1.சாந்தி புன்னகை தேசம் பாங்காக் பறவை! பிரபலம்!சிவகாமியின் சபதம் தமிழில் ஒலிவடிவ அத்தியாயங்கள் வழங்குகிறார்!

http://wifi-tips.blogspot.com/வைஃபி பற்றி அறியத்தருகிறார்.

அம்மா ஏன் இப்படி மாறினார்?

ஏன் படைத்தான் இறைவன்?

விதவை ஒரு ஊனமா? என்று ஏகப்பட்ட சிறு கதைகள் எழுதியுள்ளார்.படித்துவிட்டு சொல்லுங்கள்!

.2.சிந்தனை சிறகில் சங்கரின் பூஜா http://sinthanaisiragil.blogspot.com/2009/01/blog-post.html என்ற கவிதை படியுங்கள்!வண்ணத்திரைகள்,சுனாமி பெண் என்று அவர்கவிதை வரிசைநீள்கிறதுhttp://sinthanaisiragil.blogspot.com/2008/12/blog-post.html

3.ரவீஷ்னா கவி பாடியிருக்கிறார்http://ravishna.blogspot.com/ல் அவ்ருடைய பட்டும் மலரும் ரோஜா,கொலையாய் மாறிய மரணதண்டனை ஆகியவை சிறப்பானவை.

4.பிரியன் கவிதைகள் தனித்தளமாக வைத்து உள்ளார்http://priyanonline.com/?p=401அதுமட்டுமே காதல் என்கிறார்.

என் எல்லா ஜாதக்கட்டிலும் உன் பெயர் என்கிறார்http://priyanonline.com/?p=393இவர் தளத்தில் படிக்க நிறைய உள்ளது.

5.லிவிங் ஸ்மைல் வித்யா நாடக ஆர்வம் கொண்டவர். நாடக வல்லரசு ச.முருகபூபதியை மிகவும் பாராட்டுகிறார்.

இந்த ஆண்டிற்கான தேசிய நாடக பள்ளி நடத்தும் நாடக விழாவிற்கான பயணத்திற்கு வழியனுப்பிவிட்ட சென்னை சென்ட்ரலில் நீண்ட இடைவெளிக்கு பின் சந்தித்தேன். நாடகம் மீதான, கலை இலக்கியத்தின் மீதான என் இரசனையில் தீர்க்கமான தாக்கத்தை ஏற்படுத்தியவர்.http://livingsmile.blogspot.comல் அவருக்கு உங்கள் கருத்தினை பதியுங்கள்!

6.புகைப்படக்கிறுக்கல்களில்http://ooviya.blogspot.com/புகைப்படம் எடுப்பது, கருப்பு வெள்ளைப்படத்தை வண்ணமாக மாற்றுவது எல்லாமே இருக்கு.

7.தொடுவானம்தொடாதவிரலில்http://sokkakiriya.wordpress.com/category/காதல்/page/2/கவிதைகள் கொட்டிக்கிடக்கு!

நீங்கள் காதலிக்கலாமா?

இதற்குப்பெயரும் காதல்தானா?- ரெண்டு சாம்பிள்தான்!உள்ளே போய் எஞ்சாய்!!

8.பாண்டித்துரை-இனி ஆரம்பம் பதிவில் எழுதுகிறார்.பிரபலமான சிங்கை பதிவர்

நீங்கள் படிக்கப்போவதில்லை என்ற கவிதையில்http://pandiidurai.wordpress.com/2009/01/28/அவர் கூறுவதைப் படியுங்கள்!

--------------------------------------

உனக்குள் இருக்கும் ஆற்றல் புறத்தில் வெளிப்படும் விததில் நீ வளர வேண்டும்.வேறு எவரும் உனக்குக் கற்பிக்க முடியாது. உன் சொந்த ஆன்மாவைத்தவிர வேறு ஆசிரியர் எவருமில்லை!

விவேகானந்தர்.

அடுத்தபதிவில் பார்ப்போம்.

தேவா..

------------------------------------------

மேலும் வாசிக்க...

வலைச்சர ஆசிரியராக(5) ஐந்தாம் நாள்!

நட்பு

வீட்டை விட்டு வெளியேயுள்ள உலகம் பரந்தது! தாய்க்குருவி உணவு ஊட்டிய பின், சிறு குருவி வானில் தனியே பறந்து இரைதேடித்தானே ஆகவேண்டும்!

பரந்த இவ்வுலகில் நட்பே நம் சொத்து. தோளுக்கு மேல் தோழன்! ஆம் தோளுக்குமேல் வள்ர்ந்து இரைதேடும் பறவைகளாய், பெற்றோர் பிரிந்து வாழும் நமக்கு தோள்கொடுப்போர் தோழர்களே!

-----------------------------------

என் பழைய கவிதையொன்றில்

வெற்றியில் என்னுடன் மகிழ்ந்து

தோல்வியில் எனை மீட்க

தோள் கொடுப்பவனே தோழன்!

என்று எழுதியிருந்தேன்!

சிறு வயதிலிருந்து இன்று வரை என்னுடன் வரும் என் நண்பர்களை இந்த வேளையில் நன்றியுடன் நினைவு கூர்கிறேன்!

--------------------------

ஆஸ்டியோபோரோஸிஸ்(osteoporosis)

. ஆஸ்டியோபோரோஸிஸ் என்றால் என்ன? என்ற கேள்வி தற்போது அனைவர் மனதிலும் உள்ளது!

ஏனெனில் வயதானபின்,மாதவிடாய்க்குப்பின் ஏற்படும் எலும்பு முறிவுக்கு இது முக்கிய காரணம் என்பதால்! ஆகவே இதை விளக்க முயற்சி செய்கிறேன்!

ஆஸ்டியம்-எலும்பைக்குறிக்கும் சொல்!

போரஸ்(porous)ஓட்டை,சல்லடைபோல்!

ஆக இரண்டும் சேர்ந்தால் எலும்பு சல்லடைபோல் ஆதல்! அவ்வளவுதாங்க.

எலும்பில் புரோட்டின் சத்து குறைவதால் எலும்பு கணம்,அடர்த்தி குறைகிறது உடைய ஏதுவாகிறது.

என்ன ஏற்படும்?- பரவலான இடுப்பு வலி,

நம் பாட்டி,தாத்தாக்களிடம் பார்த்த முதுகு கூன்!(தற்போது இது அதிகம் நகர்புறங்களில் சத்தான உணவு உண்பதால் முதுகு கூன் இல்லை கவனித்தீரா?),முதுகெலும்பு ரஸ்க் போல அமுங்குதல், எலும்பு உடைதல்.(முதியவர்கள் கூன் போட்டு வயதாக ஆக உயரம் குறைவதுபோல் தெரிவது இதனால்தான்)

இந்த நோயை நுண் கதிர் படம் பிடித்தாலேயே கண்டுபிடித்து விடலாம்! வேண்டுமானால் பிறகு ஸ்கேன் போன்ற பரிசோதனைகளும் செய்துகொள்ளலாம்!

சிகிச்சை: புரதம் அதிகமான உணவு,பால்,விட்டமின் சி,கால்சியம் மாத்திரைகள்,

அனபாலிக் ஸ்டீராய்ட் ஊசிகள்! இடுப்பு,முதுகு பட்டைகள் அணிந்து கொள்ளுதல்..

ஆஸ்டியோபோரோஸிஸ் அவ்வளவுதாங்க!

என்ன ரொம்ப சுருக்கமாக கொடுத்து இருக்கிறேன்,ஒரு அறிமுகத்துக்காக. தனியாக விரிவாக எழுதினால் கடல் போல் எழுதிக்கொண்டே போகலாம்!

--------------------------------------

ஒரு சின்ன கதை

வாலிபன் ஒருவன் தன் வீட்டின் பின்புறம் காற்றால் சாய்ந்து விழுந்து இருந்த மரத்தை நகர்த்திக்கொண்டு இருந்தான்.

பலமுறை முயன்றும் அவனால் மரத்தை கொஞ்சம் கூட நகர்த்தமுடியவில்லை! மீண்டும் மீண்டும் முயற்சி செய்து பார்த்தான். அவனால் இயலவில்லை!

இதை பக்கத்து வீட்டிலிருந்த அவன் நண்பர்கள் பார்த்துக்கொண்டு இருந்தனர்! அவனை அழைத்து

அவனிடம் ”என்ன மரத்தை நகர்த்த முடியவில்லையா?’என்று கேட்டனர்.

”ஆமாம், எவ்வளவோ முயற்சி செய்தும் முடியவில்லை” என்றான் இளைஞன்.

”முழு பலத்தையும் பிரயோகித்தாயா?”

”ஆமாம் முழுபலத்தையும் பயன் படுத்தினேன்”

“இல்லை , நீ உன் முழு பலத்தையும் உபயோகிக்கவில்லை. எங்களை உதவிக்கு கூப்பிடவே இல்லையே” என்றனர் நண்பர்.

இளைஞனுக்கு அவர்கள் சொன்னது புரிந்தது!

-------------------------------

1.ஸ்ரீராம் செவ்வாய்க்கிழமை கவிதை யில்http://poetry-tuesday.blogspot.com/2009/02/oppanaikararkal-veethi.html

காதலிக்க முடியாத ஒரு பெண்ணின் வலியைக்கூறுகிறார்! நமக்கு வலிக்குதுhttp://poetry-tuesday.blogspot.com/2008/12/tamil-poem-caste-honor-killing.html

2.அதிரை அபு குழந்தை வளர்ப்புக்கு ஒரு மென்பொருள் தருகிறார்! பயனுள்ள பதிவுhttp://adiraiabu.blogspot.com/2008/06/blog-post_12.html

அவருடைய தளம் ஒரு மென்பொருள் கடல்! அதிரை ன்னாலே அதிருதே.?...எப்படி?...http://adiraiabu.blogspot.com/search?updated-min=2008-01-01T00:00:00%2B05:30&updated-max=2009-01-01T00:00:00%2B05:30&max-results=17

3. நளாயினி கவிதைகள்! சொல்லாத அன்பைச் சொல்லியிருக்கிறார் இந்தக்கவிதையில்! http://nalayinykavithikal.blogspot.com/2008/12/23-30.html

கவிதை, ஓவியம்,புகைப்படம் என்று பின்னியெடுக்கிறார் போய்ப்படித்து விடுங்கள்!..http://nalayinykavithikal.blogspot.com/search/label/ஓவியம்.

4.கிருத்திகா! நான்கு தளங்களில் எழுதுகிறார்!வாழ்க்கையைப்பற்றி முகமூடிகளில்அசத்துகிறார்! http://authoor.blogspot.com/2009/02/6.html

http://authoor.blogspot.com/2008/11/5.html

5.நிவேதா மனிதம் மறந்து சவமாய்க் கிடந்து வாழ்தலில் எனக்குப் பிரியமேயில்லை.என்கிறார்..செதுக்கும் சிற்பியும் கல்லும் கவிதையில் நான் கடவுளானேன் பூதமானேன் மனிதனுமானேன்! என்று மிரட்டுகிறார்! http://rekupthi.blogspot.com/2009/02/blog-post.html

பாம்படக்கிழவி கவிதை அருமை! http://rekupthi.blogspot.com/2008/09/blog-post.html

கடைசியாக நான் இவர்போல் காதல் கவிதை எழுத விரும்பும் பதிவர் ஒருவர் உள்ளார்!! அவர் நவீன் பிரகாஷ்!--புகழ் பெற்றவர். கீழே அவர் கவிதைகள்:

.நவீன் பிரகாஷ் ! காதல் கவிஞர்! உன்னிடம் மயங்குகிறேனில் சண்டையிடும் போது
மேலும் மேலும் அழகாக இருக்கிறாய் செல்ல குரங்கே!(இவர்தான் உண்மையை தைரியமா சொல்லி இருக்கிறார்?)..http://naveenprakash.blogspot.com/2009/01/blog-post.html மறுபடியும் படிக்கத்தூண்டும் கவிதைகள்..

முத்தபூமிhttp://naveenprakash.blogspot.com/2007/02/blog-post.html யில் நம் உதடுகள்சந்திக்காமலே
இருந்திருக்கலாம் பார் நம்மை பேசவே விடாமல்
அழிச்சாட்டியம் செய்கின்றன !உள்ளே போங்க! நிறைய அழிச்சாட்டியம் செய்து இருக்கிறார்

எல்லாம் படித்துவிட்டீர்கள்!

--------------------

சரி! அடுத்த பதிவில் பார்ப்போம்!

தேவா..

---------------------------------------------

மேலும் வாசிக்க...