இணையவழி இதய உணர்வுகள் பகிரும் அன்புத்தோழமைகளுக்கு ..

இணையவழி இதய உணர்வுகள் பகிரும் அன்புத்தோழமைகளுக்கு ..

                   Dr.சுந்தரி கதிரின்

இனிய வணக்க வந்தனங்கள்......இணையத்தில் இதழ் விரித்து பூத்திருக்கும் வலைப்பூவெடுத்து தொடுத்து ..வலைச்சரம் அலங்கரித்து...ஆசிரியராய்..வாரம் ஒன்று அமர...சிம்மசானமிட்டு வரவேற்கும் .....

வலைச்சர ஆகம பிதாக்களுக்கு நன்றி நவின்று ..அன்னைத்தமிழ் வணங்கி...தொடங்குகிறேன்....என் அறிமுக அடையாளத்தை...

எனது பெயர் : : ...Dr.சுந்தரி கதிர்

படிப்பு : : பல்மருத்துவம்//மருந்தாளுமை///மருத்துவ மேலாண்மை

பிறப்பிடம் : சங்கம் வளர்த்து மொழிமேன்மை செய்த மதுரை

வசிப்பிடம்...மரியாதை மணக்கும் கொங்கு நாடு ..கோவை

· Sundari===== என் வலைப்பூ

மொழியும் மொழிசார்ந்த இடமும் என

தனியென்று அவனியில் ஓர் பூமி கிடைக்காதா....

கன்னியென காலூன்றிய தாய் தமிழுக்கு...மகவாய் செல்லக் கொலுசிட்டு ...சிங்காரநடைநடக்க...தாகமெடுக்கும்

மொழிப் பிரிய பிள்ளைகளில் நானும் ஒருகைகுழந்தை

பெற்றதாய் பாலூட்ட....வளர்த்த அன்னை அமுதூட்டிய பசியாய்

நித்தம் எனக்குள் மொழி விழித்து கவி வித்திட்டது

வரலாற்று கதைகளும் ....இலக்கியமேன்மைகளும்

பதினைந்தாம் வயதில் பத்தாம்வகுப்பு வினாவிடை பகுதியில்..கதை/கவிதை என வர......கவி எடுத்து தொடங்கியது என் மொழிப்பயணம்

தொடர்தொட்ட பயணம் கல்லூரி காலங்களில் கவின் சிறகு விரித்து சிம்மாசனமிட ......கல்லூரி ஆஸ்தான கவியாய்...வல்லரசு///2010 ல் இந்தியா//வறுமை//காதல் எனும் தலைப்புகளில் பொங்கிப் பெருகி அணையுடைத்து.....கவிக்குயிலாய்....வலம் வர

இடைதொட்ட மொழி..திருமணம்//குடும்பம் என கொஞ்சம் இளைப்பாற.....

முகநூலில் ...மீண்டும் 10 வருடங்கள் கழித்து திரிதூண்டி இன்று என்னில் அனலெடுத்தது

படம் ஒன்று எடுத்து பொங்கியமொழியை அதனுள் திணித்து என் பாதை செப்பனிட்டு நடைபயில்கிறேன் தினமும்

அனலெடுத்த கவி நெருப்பை தோழி..மீரா கைவண்ணமாய்...சுந்தரநேசமாய் சுடரேற்றினாள்..ஏற்றுகிறாள் நித்தம் என் வலைப்பூவில் என் நேச நெருப்பூவை

அங்கீகாரமாய் அவைஎழுந்த மொழி..

1. முதலாய் நான் என்றும்

கருத்தணைப்பது ..அன்னை மொழியாய்..என் உயிர்நிம்மதி மொழியிது

2.அடுத்து என்னை சிகரமேற்றி சவாலுக்கு அழைத்து சிலம்புக்காப்பியம் சிலப்பதிகாரம்.....நண்பர் ஒருவர் எழுதசொல்லி மொழி தூண்ட

நீள்பெரும் காப்பியத்தை சிறு கமண்டலத்துக்குள் அடைக்கும் முயற்சியாய் ...ஒருகவிக்குள் ...கண்ணகி சொல் வழி எடுத்தாள...வரவேற்று வாழ்த்து வழங்கினர்.. எம் தாய்மொழியாளர்கள் ...தின இதழ் எனும் பத்திரிக்கையில் வெளிவந்தும் பெருமைபெற்றது

காவேரி பூம்பட்டின கலையழகிநான்

3. அடுத்து கிடைத்த பெரும் வெற்றி,,,,அரசியல் பார்வையாய்

மாண்புமிகு தமிழக முதல்வர் அம்மா...ஜெ .ஜெயலலிதா அவர்கள் செப்டம்பர் 27 ..2014 ல்...சிறை சென்ற போது ...கொந்தளிக்கு மக்கள் உணர்வை ....என் மன நெருப்பெடுத்து கவி தொடுத்தேன் ....

””தவறு தான்....தப்பு இல்லை”” என்று .....எழுதி நிமிர்ந்த நிமிடத்தில் படபடவென லைக்களும் கமெண்ட்களும் குவிய ....நிறைய மக்கள் தன் மன உணர்வென ...ஷேர் செய்தார்கள்

அரை மணி நேரத்தில் 1500 ஷேர்களும் ....2000 லைக்களுமாய் வந்து குமிய ...உடனே எடுத்து..தின இதழ் நாளிதழ் வெளியிட ...மொத்தம் 5651 லைக்ஸ்

மற்றும் 5831 ஷேர் ஆகியது.....

தமிழக முன்னனி அதிமுக தலைவர்கள் பலர் அழைத்து வாழ்த்துச் சொல்லி

வரவேற்பு செய்த பதிவு இது ...மகிழ்ந்து வணங்குகிறேன் நெகிழ்வு செய்த மொழியை

3 அடுத்து வாழ்த்துக்கள் பதிவு....எனக்கு பிடித்த என் தமிழ் மொழியிது...நட்புகளின் திரு நாளில்..நான் தெரிந்த அவர்தம் குணமணங்களை உள்வாங்கி உயிர்சொல்லெடுத்து நான் விரும்பி தொட்டணைத்து மனதார வாழ்த்தும் பதிவுகள் இது

எழுதியவுடன் பெரும் சிகரம்ஏறிய இளைப்பு தரும் பதிவும் இது

முத்தமிழ் அறிஞர்..மொழிஉயிர்வாழ் காப்பாளர்....தாய்மொழிநேசிப்பின் தரணி அடையாளாமாய் வாழும் கலைஞரின் ...93 வது அகவை க்கு நான் எழுதிய வாழ்த்து பா...என் வாழ்த்து மொழிகளுக்கு நான் சூட்டிய மணிமகுடம்``

4 அனைவருக்கு எழுதுகிறாயே ...எனக்கு ஓர் மொழியில்லையா எனச் சிறு பிள்ளையாய் சிணுங்கிய என் கணவருக்கு....தான் தான் என் காப்பிய செழுமையின் கருப்பொருள் என்றறியாத என் முதல் குழந்தைக்கு நான் தொட்டு தாலாட்டும் நிகழ்மொழி

என் கதிர் அவனே .... 

5..அடுத்து சுந்தரநேசமாய்...என்னை எழிலாடிய மொழி....

கத்திமேல நடக்கும் பயணமாய்....மோகம் காமம் எனும் சொல்லுதிர்க்காது...காதலை களவென்று சொல்லி உணர்வாள....உணர்வுபாதைசென்று...உயிர்திருடி....உணர்வெட்டி நின்று எழுதி ......இன்பத்துப்பால் புனிதத்தை..இலைமறைகாய் பொருளுரைத்து ....எடுத்தாண்டது என்னின் மொழி

எப்படி இப்படி..எட்டி நின்று....கண்ணியமாடி ..களவு செப்புகிறீர்கள் என்றே பலர் வியப்பாட......முகநூலில்...ரொமான்ஸ் ராணி என்று பலர் பட்டமிட

கண் காணும் படங்களில் பூச்சிகளிலும்..காய்கற்களிலும் காதல் புகுத்த சாவலெடுத்து செப்பிய மொழியது

மேலும்

தாய்மையும் ..நட்புமாய்....

மழலையும்..மழையுமாய்

காதலும் காப்பியமுமாய்

இயற்கையும் இறையுமாய்

பெண்மையும் பொய்மையுமாய்

முதுமையும் வாழ்வியலுமாய்

வலியும் வாழ்த்துமாய்

தனிமையும் ..நேசமும் சூடி ..நிகழ்வாடும் யாதார்த்த வழிகளில்

நித்தம் நேசமாடும் ...சுந்தரநேசம் சென்று ....கவியணைத்து கருத்திடுங்கள் தோழமைகளே

·  Sundari

இன்று தங்களுடன் இமையணைத்த நிம்மதி தொடக்கபூவாய்

என் வலைப்பூ வழி அரும்பிட ....

தொடருவோம்...நாளை முதல் நான் படித்து நெகிழ்ந்து கருத்திட ..மணந்துகாத்திருக்கும் மற்ற பூக்களின் அறிமுகங்களை...என் விழி வழி பார்வையெடுத்து......

வலைச்சர மொழியணைத்த வாகை சொந்தங்களுக்கு மீண்டும் ஒருமுறை வணக்க நன்றி கூறி...

வரும் வாரம்....மூவிரு நாளாய் ...வலைச்சர ஆசிரியராய் வலம் வரும் என்னை ஆசீர்வதித்து கைகுலுக்குங்கள்...

அன்பினிய அரும்பூக்களே..!!!!!!!!

மேலும் வாசிக்க...

S.P. செந்தில்குமார் விடைபெற்று, சுந்தரி கதிர் பொறுப்பில் இந்த வார வலைச்சரம்...!

வணக்கம் வலைச்சர நண்பர்களே...

இன்றுடன் முடிகிற வாரத்திற்கு ஆசிரியர் பொறுப்பேற்றிருந்த தினத்தந்தி பத்திரிக்கை கட்டுரையாளர் கூட்டாஞ்சோறு வலைப்பதிவர்  S.P. செந்தில் குமார், தமது வலைச்சர வாரத்தை மிகுந்த பொறுப்புடனும், ஆர்வத்துடனும், அனைவரையும் தன் பதிவுகள் பால் ஈர்க்கும் வண்ணம் எழுதி முடித்துள்ளார்.

மொத்தம் ஆறு பதிவுகள் எழுதிய அவர் 300-க்கும் மேலே மறுமொழிகள் பெற்றும், சுமார் 1500 பக்கப்பார்வைகளுக்கும் மேலே பெற்றும் உள்ளார். அவரை "சென்று வருக..." என வாழ்த்தி வழியனுப்புவதில் வலைச்சரக்குழு பெருமகிழ்ச்சியடைகிறது.

நாளை முதல் துவங்கும் வலைச்சர வாரத்திற்கு ஆசிரியர் பொறுப்பேற்க "சுந்தர நேசங்கள்" எனும் வலைப்பூ பதிவர் சுந்தரி கதிர் அவர்கள் ஆர்வமுடன் இசைந்துள்ளார். 

அவரைப் பற்றி சொல்வதென்றால் மதுரையில் பிறந்து கோவையில் வசித்து வருகிறார். கவிதை எழுதுவதும், புத்தகங்கள் வாசிப்பதும் அவரது பொழுது போக்காக இருந்தாலும், பல் மருத்துவம் படித்து முடித்து மருத்துவ மேலாண்மையராக உள்ளார். சென்ற வருடம் நவம்பர் மாதத்தில் தனது வலைப்பூவை ஆரம்பித்து எழுதும் அவர் இதுவரை 1392 பதிவுகள் எழுதியுள்ளது மிகவும் மலைப்பாகத் தான் உள்ளது. வலைச்சர ஆசிரியராய் பொறுப்பு, புது வித தாய்மொழி தேடல் அனுபவமாய் அமையும் என மகிழ்ச்சியுடன் தெரிவிக்கிறார்.

சுந்தரி கதிர் அவர்களை ஆசிரியர் பொறுப்பில் அமர்த்தி வருக.. வருக... என வரவேற்பதில் வலைச்சரக்குழு பெருமகிழ்ச்சியடைகிறது.

நல்வாழ்த்துக்கள் S.P. செந்தில் குமார்,

நல்வாழ்த்துக்கள் சுந்தரி கதிர்.

நட்புடன்,

தமிழ்வாசி பிரகாஷ்...

மேலும் வாசிக்க...

வலைச்சரத்தில் எனது நிறைவு நாள்!

வலைப்பதிவர்கள் அனைவருக்கும் இனிதான மாலை வணக்கம், 

நேற்று எவ்வளவோ முயன்றும் என்னால் இங்கு வரமுடியவில்லை. வழக்கமான வேலையோடு சுதந்திரதினத்துக்கான வேலைகளும் சேர்ந்துகொண்டதால் வரமுடியவில்லை. மன்னிக்கவும்!

இனி இன்றைய நிறைவு நாள் பதிவர்களின் அறிமுகங்கள்.  

சுபாவின், பயணங்கள் தொடர்கின்றன..! 

http://subastravel.blogspot.in/ 

பதிவர்: சுபாஷிணி ட்ரெம்மல்

ஜெர்மனியில் வசிக்கும் தமிழ் ஆர்வலர். மரபு சார்ந்த தமிழுக்காக உலகம் முழுவதும் பயணிப்பவர். பயணங்களில் ஈடுபாடு கொண்டவர். இவர் தமிழகம் வரும் போதெல்லாம் பல கல்லூரிகள் பேச அழைக்கும். பணி, ஆய்வு, வரலாறு, சுற்றுலா என்று தொடர்ந்து வானில் பறந்து கொண்டே இருப்பவர். தமிழின் பழைய ஓலைச்சுவடிகள், நூல்களை டிஜிட்டல் மயத்திற்கு மாற்றும் பணியை இவரது தமிழ் மரபு நூலகமும், தமிழ் மரபு கட்டளையும் சேர்ந்து செய்து வருகின்றன. தமிழுக்கு இவர் ஆற்றும் மாபெரும் சேவை இது. 

அயர்லாந்தின் அழகில்...

http://subastravel.blogspot.in/2011/12/1.html

அயர்லாந்தின் அற்புதமான அழகை நம் கைப்பிடித்து அழைத்து செல்வது போல் சுவையாக சொல்கிறார். இந்த மினி தொடரைப் படிப்பதன் மூலம் செலவில்லாமல் அயர்லாந்தை சுற்றி வரலாம். இவரின் படங்களும் பதிவுக்கு வலு சேர்கின்றன.       

* * * * *

வ.உ.சிதம்பரனார் பிறந்த இல்லம்

http://subas-visitmuseum.blogspot.com/2013/09/8.html

வ.உ.சி.யை பற்றி நினைக்கும் போது இந்த சம்பவம் என் நினைவுக்கு வந்துவிடும். எனது மாமா ஒருவர் மேலாளராக வேலைப் பார்த்த நிறுவனத்திற்கு புதிதாக ஒரு லேபர் ஆபிசர் வந்திருந்தார். எப்போதுமே இப்படிப்பட்ட ஆட்கள் வந்தால் பணம் பறக்கும். ஆனால் அவரோ ஒரு பைசா கூட வாங்கவில்லை. மிகவும் வற்புறுத்தியதால் ஒரேயொரு காபி  மட்டும் சாப்பிட்டார். புறப்படும் போது அந்த காபிக்கான ஒரு ரூபாய் பணத்தை கொடுத்துவிட்டுப் போயிருக்கிறார். என் மாமா தனது வாழ்நாளில் இப்படியொரு லேபர் ஆபிசரை பார்த்ததில்லை. வாய்விட்டே கேட்டுவிட்டார். நீங்கள் யாரென்று..? அப்போதுதான் அந்த ஆபிசர் 'வ.உ.சி.யின் மகன் நான். என் தந்தை இந்த நாட்டுக்காக எவ்வளவோ பாடுபட்டிருக்கிறார். நான் என்னால் முடிந்தவரை அதை காப்பாற்றுகிறேன்.' என்று கூறிவிட்டு போய்விட்டார். எப்போதும் மேன்மக்கள் மேன்மக்கள்தான். 

நாட்டுக்காக அந்தமான் சிறையில் வாடிய அந்த மாமனிதரின் வீடு தற்போது அருங்காட்சியகமாக காட்சியளிக்கிறது. உலகின் பல அருங்காட்சியகங்களை பார்த்திருக்கும் சுபாஷிணி தனது அனுபவங்களை இங்கே கூறியிருக்கிறார். 

* * * * *

%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%

மயிலிறகு.. 

umakrishhonline.blogspot.in

 பதிவர்: உமா கிருஷ்ணமுர்த்தி   

மயிலிறகால் மென்மையாக வருடினால் கிடைக்கும் சுகம் இத் தளத்தை வாசிக்கும் போதும் கிடைக்கும். நாம் முணுமுணுத்துக் கொண்டே இருக்கும் இனிமையான பாடல்களை அந்த இனிமையோடு விமர்சிக்கும் தளம் இது. ஒவ்வொரு பாடலும் எனக்குள் என்ன தாக்கத்தை ஏற்படுத்தியதோ, அதே தாக்கத்தை இவருக்கும் ஏற்படுத்தி இருப்பது வியப்பை தருகிறது. நான் என்னையே இந்த பதிவுகளில் பார்க்கிறேன். நீங்களும் பாடலை கேட்டு விட்டு வாசித்துப் பாருங்கள். உங்களையே உங்களால் பார்க்க முடியும்.

காடு பொட்டக் காடு..

http://umakrishhonline.blogspot.in/2015/06/blog-post.html

என்னுள் நீண்ட நாள் ஒலித்த பாடல் இது. உயிரை துளைக்கும் ஒரு இசை இந்த பாடலில் ஒளிந்துள்ளது. எனது சில இரவுகளை இந்த ஒரு பாடல் மட்டுமே களவாடி சென்றிருக்கிறது. விடிந்ததுகூட தெரியாமல் திரும்ப திரும்ப கேட்டிருக்கிறேன். அப்படிப்பட்ட பாடலை இந்த பதிவில் பார்க்கும் போது நான் மீண்டும் 20 வருடம் பின்னோக்கிப் போனேன். வறுமையையும் வறட்சியையும் ஊனுருக சொன்ன பாடல். 

* * * * *

மலரே.. மௌனமா..

http://umakrishhonline.blogspot.in/2015_07_01_archive.html

இரவின் அமைதியில் கேட்க தோதான பாடல். நம்மை மென்மையாக வான்வெளிக்கு கொண்டு சென்று சுகமான தென்றலுக்கு நடுவே உலாவவிட்டு மீண்டும் பூமிக்கு கொண்டுவரும் இசை. வித்யாசாகர் இசையில் காலத்தை வென்ற பாடல். அந்த பாடலை எத்தனை ரசனையாக அணுஅணுவாக அனுபவித்து ரசித்து எழுதியிருக்கிறார் பாருங்கள். மிக ரசனையான பதிவு.    

* * * * *

கனா காணும் கண்கள் மெல்ல..
http://umakrishhonline.blogspot.in/2015_08_01_archive.html 

மனைவியை இப்படி ஒரு குழந்தைபோல் தாலாட்ட முடியுமா? எம்.எஸ்.வி. இசையும், எஸ்.பி.பி.யின் குரலும் இருந்தால் முடியும். என்னை கிறங்க வைத்து பாடல்களில் இதுவும் ஒன்று. இந்தப் பாடல் அப்படியொன்றும் பெரிய 'ஹிட்'டில்லை. ஆனாலும் நம்மை ஆழ்நிலையில் ஆழ்த்தி துயில் கொள்ள வைக்கும் பாட்டு இது. என்னைப்போல் மிக சிலரே இந்த பாடலை ரசித்திருப்பார்கள் என்று எண்ணியிருந்த வேளையில் இந்த பதிவு என் கண்ணில் பட்டது. வாசித்தபோது பிரமித்துவிட்டேன். வாழ்வின் மீது பிடிப்பையும் நம்பிக்கையையும் கொண்டு வரும் பாடல் இது.
'கிழக்கு வெளுக்காமல் இருக்காது வானம் 
விடியும் நாள் பார்த்து இருப்பேனே நானும் 
வருங்காலம் இன்பம் என்று
நிகழ்காலம் கூறும் கண்ணே!'
வாலியின் நம்பிக்கை வரிகளும் இந்தப் பாடலை திரும்ப திரும்ப கேட்க காரணம். நீங்களும் கேட்டுப் பாருங்களேன்.
* * * * *
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%


வெங்கட் நாகராஜ்
http://venkatnagaraj.blogspot.com/

 பதிவர்: வெங்கட் நாகராஜ் 

இந்தியாவை ஆள்பவர்கள் வாழும் ஊரில் வாழ்பவர். அதனாலே பதிவுலகை ஆள்கிறார். பயணங்களின் மீது தீரா காதல் கொண்டவர். இவரின் பயணக்கட்டுரைகள் படிப்பவர்களுக்கு ஏக்கத்தை தருபவை. பயணம் மட்டுமல்லாமல் மற்ற தளங்களிலும் பதிவிடுபவர். 

பளிங்கினால் ஒரு மாளிகை.
http://venkatnagaraj.blogspot.com/2011/11/blog-post_14.html.

வட இந்திய மாநிலங்களில் மத்தியப் பிரதேசம் ஒரு புறக்கணிக்கப்பட்ட மாநிலமாகவே படுகிறது. அரசியல், தொழில், சுற்றுலா என்று எல்லாமே அங்கு பின்தங்கிதான் இருக்கிறது. அங்கு பயணித்த வெங்கட்ராஜ் தனது அனுபவங்களை அற்புதமாக தொகுத்து தந்திருக்கிறார்.
* * * * *

என் இனிய நெய்வேலி!
http://venkatnagaraj.blogspot.com/2012/11/blog-post_20.html

கல்லூரி காலங்களில் எல்லோருக்கும் ஏற்படும் அந்த விபத்து என் வாழ்விலும் ஏற்பட்டது. அதுதான் காதலில் விழுவது..! நான் காதலித்தப் பெண்ணின் ஊர் நெய்வேலி. அதனால் இந்த 'என் இனிய நெய்வேலி'யை கடந்து செல்ல முடியவில்லை. அவளை பார்ப்பதற்காக மூன்று முறை நெய்வேலி சென்றிருக்கிறேன். உண்மையில் அருமையான ஊர். இந்த பதிவில் அதன் சிறப்பை இன்னும் கூடுதலாக தெரிந்து கொள்ளாலாம்.
* * * * *

கூட்டுக் குடும்பத்தை இழந்தோமா?
http://venkatnagaraj.blogspot.com/2011/10/blog-post_16.html

வேலை, வசதி, மனமில்லாமை என்ற பல காரணங்களுக்காக நம் இந்திய பண்பாட்டுச் சூழலில் கூட்டுக் குடும்பம் என்ற அற்புதத்தை இழந்துவிட்டோம். இந்த பதிவில் நடந்துள்ள சம்பவம் ஒருவேளை அந்தக் குடும்பம் கூட்டுக் குடும்பமாக இருந்திருந்தால் நடந்திருக்காதோ என்ற ஏக்கமும் ஏற்படுகிறது.
* * * * *
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%


வார்த்தை விருப்பம்
http://kaarigan-vaarththaiviruppam.blogspot.in/

பதிவர்: காரிகன்

இசையை இத்தனை நுணுக்கத்துடன் எழுத முடியுமா..? எண்ணி எண்ணி வியக்கவைக்கும் ஒரு பதிவர் இவர். இளையராஜாவை கொஞ்சமாகவும் ரஹ்மானை அதிகமாகவும் எழுதுபவர். இவர் பதிவை படிக்கும் முன் நான் என் வேலையெல்லாம் ஒதுக்கிவைத்து விட்டுதான் படிப்பேன். பதிவின் நீளம் அப்படி. போய்க்கொண்டே இருக்கும். ஆனாலும் ஏகப்பட்ட விஷய ஞானம்.. இல்லை இசை ஞானம் கொண்டவர். பாடல்களைப் பற்றி பல விவரங்களை விரல் நுனியில் வைத்திருக்கும் வித்தகர். படித்துப் பாருங்கள்! உங்களுக்குள் புதிய இசை உலகம் உருளும்.

உடைந்த ஒப்பனைகள்
http://kaarigan-vaarththaiviruppam.blogspot.com/2015_04_01_archive.html

தமிழ் சினிமாக்களில் எழுபதுகளை ஒரு வறண்ட காலம் என்றே சொல்லலாம். வித்தியாசமான கதைகளத்தை தேர்ந்தெடுத்து நடித்த சிவாஜி
 கூட முழுவதும் மசாலாத் தனத்திற்கு திரும்பியது அப்போதுதான். எம்.ஜி.ஆர்.ரைப் பற்றி கேட்கவே வேண்டாம். அவர் படங்களில் சிறப்பான கதை என்று ஒன்றும் இருந்ததில்லை. அந்த காலகட்டத்திலும் அற்புதமான பல பாடல்கள் வந்ததன. அவற்றைப் பற்றியும் '16 வயதினிலே' என்ற மண்ணின் மனம் சார்ந்த பிரமாண்டம் அறிமுகமானதையும் மிக மிக விரிவாக இந்தப் பதிவில் சொல்லியிருக்கிறார்.
* * * * *

எழுந்த இசை
http://kaarigan-vaarththaiviruppam.blogspot.in/2013/11/xii.html

90-களின் துவக்கத்தில் இந்திய இசையுலகில் ஒரு மாபெரும் புயல் ஒன்று கிளம்பியது. அந்த புயலுக்கு ஏ.ஆர்.ரஹ்மான் என்று பெயர். அவர் இசையமைத்த ஒவ்வொரு பாடல்களைப் பற்றி விரிவான அலசல். இசையில் ஒரு ஆய்வை நடத்தியிருக்கிறார் நண்பர் காரிகன்.
* * * * *
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%

சாமானியனின் கிறுக்கல்கள்! 
http://saamaaniyan.blogspot.com/

பதிவர்: சாமானியன் சாம்

நண்பர் சாம் எந்த பணியில் இருக்கிறார் என்று எனக்கு தெரியவில்லை. ஆனால், அவருக்குள் தீவிர தேடல் கொண்ட ஒரு இலக்கிய எழுத்தாளன் ஒளிந்து கொண்டிருக்கிறான். அதை அவரின் ஒவ்வொரு பதிவிலும் பார்க்க முடியும். வெளிநாட்டில் வேலைக்காக சென்றவர்கள் நாடு திரும்பும் போது அவர்கள் சந்திக்கும் மகிழ்ச்சியையும் இன்னல்களையும் அவர்களை நம் மக்கள் பார்க்கும் விதத்தையும் விடுமுறை விட்டாச்சு பதிவில் மிக அற்புதமாக சொல்லியிருப்பார். இன்னும் நிறைய எழுதுங்கள் சாம். உங்களின் எழுத்து வசீகரம் மிக்கது. 

காலம் திருடிய கடுதாசிகள்! 
http://saamaaniyan.blogspot.com/2015/07/blog-post_18.html

என்னதான் மின்னஞ்சல், வாட்ஸ்ஆப் என்று இன்றைய தொழில்நுட்பம் வேகம் எடுத்திருந்தாலும், என் பள்ளிப்பருவத்தில் கடிதங்கள் ஏற்படுத்திய பாதிப்பை இவைகள் ஏற்படுத்தியதே இல்லை. அன்றைக்கு எனது உயிர் நண்பர்கள் இருவர். நசீர் அஹமத், வெற்றிவேல். இருவருக்கும் வாரத்தில் இரண்டு முறை கடிதம் போடுவேன். கடிதம் என்றால் சாதாரணக் கடிதமல்ல. அது அந்த நான்கு நாட்களில் என்னென்ன நிகழ்வுகள் நடந்தனவோ அத்தனையும் இருக்கும். கடிதம் அது பக்கம் பக்கமாக நீளும். 100 பக்கத்திற்கெல்லாம் கடிதம் எழுதியிருக்கிறேன். தபால்காரர் எங்களின் கடவுளாக இருந்த காலம். இப்படி பல மலரும் நினைவுகளை கிளறிவிட்டது இந்த பதிவு.
* * * * *

விடாது துரத்திய விஷ்ணுபுரம்! 
http://saamaaniyan.blogspot.in/2014/12/blog-post_15.html

வாசிப்பின் மீது நேசிப்பு கொண்ட ஒரு மனிதரின் புத்தக தேடல் இது. வாசிப்பில் நமக்கும் அயல்நாட்டினருக்கும் இருக்கும் முரணை வருத்தத்தோடு பதிவு செய்திருக்கிறார். தன் தாய்மொழியையே தரம் தாழ்ந்ததாக நினைக்கும் ஒரு இனம் தமிழ் இனம்தான் என்பதை சொல்லாமல் சொல்கிறது இந்த பதிவு. விஷ்ணுபுரத்தை தேடி வீதி வீதியாக அலைந்த இவருக்கு இறுதியில் கிடைத்தது மனதுக்கு நிம்மதியை தருகிறது. புத்தகப் பிரியர்களுக்கு பிடித்த பதிவிது.
* * * * *
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%


தளிர் சுரேஷ்
http://thalirssb.blogspot.com/

கோவில் அர்ச்சகராக இருக்கும் நண்பர் சுரேஷ் கதைகள் எழுதுவதில் ஆர்வம் கொண்டவர். அதிலும் பாப்பாமலர் என்ற பெயரில் குழந்தைகளுக்காக எழுதும் கதைகளும் அருமை. தமிழில் குழந்தை இலக்கியம் வெற்றிடமாகவே உள்ளது. இதுபோக தன்னுடைய அனுபவங்கள், கட்டுரைகள், பத்திரிக்கைகளில் வரும் வித்தியாசமான தகவல்கள் என்று பலவற்றையும் அறிமுகப்படுத்துபவர்.

அறிவுள்ள வேலைக்காரன்!
http://thalirssb.blogspot.com/2015/07/pappa-malar-25-7-15.html

இது ஒரு சிறுவர் கதைதான். செவி வழியாக வந்த கதையை நன்றாக எழுதியுள்ளார். படித்துப் பாருங்கள். வீட்டில் சிறு குழந்தைகள் இருந்தால் படிக்கச் சொல்லுங்கள். இப்படி சின்ன சின்ன கதைகள் மூலம்தான் குழந்தைகளுக்கு புத்தகம் வாசிக்கும் பழக்கத்தை ஏற்படுத்த முடியும்.
* * * * *

பிறருக்காகவும் கொஞ்சம் வாழ்வோமே! 
http://thalirssb.blogspot.com/2015/03/dont-be-selfish.html

பிறருக்காக வாழ்வதுதான் வாழ்க்கை. இப்படிதான் நாம் குழந்தைகளாக இருந்த போது போதிக்கப் பட்டது. ஆனால், உலக தாராளமயத்திற்குப்பின் பணம்தான் பெரிது என்று போதிக்கப்பட்டது. அதன் விளைவு எல்லா மனிதர்களும் சுயநல பிடிக்குள் சிக்கிக்கொண்டார்கள். அவர்கள் பிறருக்காகவும் வாழவேண்டும் என்கிறார் இவர்.
* * * * *
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%


இன்றைய பதிவுகளைப் பற்றிய உங்கள் கருத்துக்களை பின்னூட்டமாக தெரிவியுங்கள்.

விடைபெறுகிறேன்.

அன்புடன்,


எஸ்.பி.செந்தில்குமார் 

மேலும் வாசிக்க...