வலைச்சரத்தில் ஊர்சுற்றி - வலைச்சரம் 2009 தொகுப்பு (கூகிள் கோப்பு)

அன்பு வலைச்சர வாசகர்களுக்கும் நிர்வாகிகளுக்கும்,

     தகுந்த முன்னறிவிப்புடனேயே நான் வலைச்சர ஆசிரியராக பொறுப்பேற்க அழைக்கப்பட்டிருந்தாலும், அதிகமான பதிவுகளை அறிமுகப்படுத்த இயலவில்லை. இதற்குக் கடைசி இரண்டு வாரங்களில் 'வலை'ப்பக்கம் சரியான நேரம் ஒதுக்கமுடியாமை ஒரு காரணம். இன்னொன்று, நான் புதிய பதிவர்களை சரியாக அடையாளம் காணாததும் ஆகும்.

     உளவியல் ரீதியாகப் பார்த்தால், எதையும் முழுமையாகச் செய்ய வேண்டும் என்பது எனது தீராத அவா. அதாவது இதுவரை அறிமுகப்படுத்தப்படாத பதிவுகளைச் சுட்டிக்காட்ட வேண்டும் என்பது. ஆனால் அதை எப்படிச் செய்வது என்பதிலுள்ள குழப்பமும் தடங்கலுக்குக் காரணம்.
    
     இந்த சமயத்தில் ஏற்கெனவே அறிமுகப்படுத்தப்பட்ட இடுகைகளின் தொகுப்பு ஒன்று இருந்தால் மிகவும் பயனுள்ளதாக இருந்திருக்கும் என எண்ணினேன். அதுவும் இலகுவாகத் தேடிக் கண்டுபிடிக்கக் கூடிய கோப்பின் வடிவில் இருந்தால்?! நேற்றுதான் முழுமையடைந்த...

'வலைச்சரம் 2009 தொகுப்பு' - இதோ உங்களுக்காக.
http://tinyurl.com/yj4gf9a

ஏற்கெனவே அறிமுகப்படுத்தப்பட்ட பதிவுகளை முடிந்தவரைக்கும் தவிர்த்தால் 'வலைச்சரத்தின்' நோக்கம் இன்னும் முழுமையடையும் என நினைக்கிறேன்.

மேலும் வாசிக்க...

வலைச்சரத்தில் ஊர்சுற்றி - கூகிள் ரீடரின் மாயவித்தை

நான் படிப்பதே மிகவும் குறைவு. அதிலும் பாதிக்குமேல் படிப்பவை ரீடரினூடாகத்தான்.  அவற்றிலிருந்து சில இங்கே அறிமுகங்களாக.

1. என் இணைய நண்பர்களுக்காக - ஸ்ரீ
     இவர் தொழில்நுட்பம், வேலைவாய்ப்பு மற்றும் ஊர் சுற்றிய அனுபவங்களைப் புகைப்படங்களுடன் பதிவிடுவதில் கில்லாடி. தமிழகம் முழுவதும் சுற்றி சுற்றி இவர் எடுத்திருக்கும், பார்க்கவேண்டிய பல இடங்களின் புகைப்படங்கள் இவரது பதிவில் விரவிக்கிடக்கின்றன. உதாரணம் மலைக்கோயில் - திண்டுக்கல். கிரிக்கெட் பிரியர்.

2.மெய் சொல்லப் போறேன் - Kiruthikan Kumarasamy
     எழுத்தோடு உணர்வை வடித்தெடுக்கும் இவரது வார்த்தைகள்.  பல விசயங்களில் தன் கருத்துக்களைத் தெளிவாக முன்வைக்கிறார். வேட்டைக்காரனோடு தொடர்புடைய இந்த இடுகையைப் படித்துப் பாருங்கள். வேட்டைக்காரனும் சில வலிகளும்.

மேலும் வாசிக்க...

வலைச்சரத்தில் ஊர்சுற்றி - என் குலம் என அழைக்கும் பதிவர்கள்

இன்று நான் அறிமுகப்படுத்துபவர்களை 'என் குலம்' என்று அழைக்கப்போகிறேன். ஏனென்றால், இவர்கள் வலையுலகிற்கு அறிமுகமானது அல்லது வலையுலகம் இவர்களுக்கு அறிமுகமானது எல்லாம் கிட்டத்தட்ட எனக்கு நிகழ்ந்த அதே காலகட்டத்தில் (அப்படித்தான் நான் நம்பிகிட்டு இருக்கேன்). எனது கூகிள் ரீடர் பக்கத்தில் இவர்களது வலைப்பூக்களை 'என் குலம்' என்ற பிரிவின் கீழ் வகைப்படுத்தியுள்ளேன்.

பீர்|Peer - ஜெய்ஹிந்த்புரம்:

     முல்லைப் பெரியாறு அணை தொடர்பாக இவர் எழுதியுள்ள இடுகை 'முல்லைப் பெரியாறு - பொதுப்பார்வை'. இப்போகூட அடிக்கடி சிக்கலுக்கு உள்ளாகும் இன்னொரு விசயத்தைப் பற்றி ஒரு இடுகை இட்டிருக்கிறார்.

ஹாலிவுட் பாலா - அக்கரைச்சீமை:
     நான் செல்லமாக இவரை ஹாலிபாலா என்றே அழைக்கிறேன். ஹாலிவுட் படங்களையும் அவை தொடர்பான தொழில்நுட்பங்களையும் அக்குவேறு ஆணிவேறாகப் பிரித்து மேய்ந்துகொண்டிருக்கிறார். 'பிக்சார்' நிறுவனம் தொடர்பாக இவர் 18-க்கு அதிகமான இடுகைகளை இட்டுள்ளார். அதில் முதலாவது 'The Pixar Story (2007)'. இப்போது சினிமாவின் அடுத்த அவதாரமான 'அவதார்' பற்றி எழுதிக்கொண்டிருக்கிறார்.

சுபானு - ஊஞ்சல்:
     இதயத் திருடி அவள் என்ற ஓர் இடுகையின் மூலம் எனக்கு அறிமுகமானது என நினைக்கிறேன். TFT இப்படியான புதிர் மூலம் பிறந்ததேதி கண்டுபிடிக்க ஒரு வழியைக் கூறியவர். இப்போது 'மின்மினி தேசம்' என்று ஒரு தொடர் எழுதுகிறார்.  

கணேஷ் - கணேஷின் பக்கங்கள்:
     கணேஷ் ஏற்கெனவே வலைச்சரத்தில் அறிமுகமாகியிருந்தாலும் அவரது 'அடாவடி பொண்ணும் அப்பாவி பையனும்' என்கிற தொடர்கதைக்காக மீண்டும் ஒருமுறை இங்கே. எப்போதாவது நேரம் கிடைக்கும்போது கணிணிமுன் அமர்ந்ததும் அனிச்சையாய் விரல்கள் தட்டும் முகவரி, இவரது வலைப்பூவினது. கதையோடு எனக்கு அந்த அளவிற்கு ஒரு ஈடுபாடு வந்துவிட்டது.

அன்புடன், 

ஊர்சுற்றி ஜோன்சன். 

மேலும் வாசிக்க...

வலைச்சரமும் ஊர்சுற்றியும் - அறிமுகம்

ஊர்சுற்றி - பெயர்க்காரணம்:
     சென்னைக்கு வந்த மறுவருடம் - 2007 முழுவதும் சென்னையின் பல பகுதிகளில் ஊர்சுற்றுவதைத் தவிர வேறு எந்தக் குறிக்கோளும் இன்றி அலைந்து திரிந்தேன். சென்னையின் மீதான எனது பிரமிப்பு இன்னும் அடங்கியபாடில்லை. எனது அந்த அலைச்சல்கள் நண்பர்களிடம் பெற்றுத்தந்த காரணப்பெயர்தான் 'ஊர்சுற்றி'.

எனது வலைப்பூக்கள்:
     ஊர்சுற்றி மற்றும் அறிவியல்பூ.

     ஊர்சுற்றி - ஏதோ அவ்வப்போது எனக்குத் தோன்றும் விசயங்களை, நிகழ்ச்சிகளை, அனுபவங்களை இங்கு எழுதுகிறேன்.

     அறிவியல்பூ - இது ஏற்கெனவே வலைச்சரத்தில் இயற்கை மகள் அவர்களால் அறிமுகப்படுத்தப்பட்டுள்ளது. இங்கு எழுதும் இடுகைகளுக்கு அவற்றின் நம்பகத்தன்மை கருதி, அதிக சிரத்தை எடுத்துக்கொள்கிறேன். வரும் நாட்களில் அறிவியல் பற்றி அதிகமாக எழுத ஆசைப்படுகிறேன். அறிவியல் பற்றி எழுதுவது எனக்கு அலாதி இன்பம் அளிக்கிறது.

வலையுலகிற்கு நுழைந்தது:
     கூகிளாண்டவர்தான் காரணம். அதன் முழு விபரம் இங்கே - ஊர்சுற்றி வலையுலகம் சுற்ற வந்த கதை.

நான் அதிகம் ரசித்த எனது இடுகைகள்:

• காதலின் முதல் SMS என்ற இடுகை, இயல்பாக அமைந்துவிட்ட ஒரு கதை.
• அப்போதே ஆசிரியராக மாறி வகுப்பெடுத்த இடுகைதான் வலை பதிவர்கள் பிழையின்றி எழுத - சந்திப் பிழைகள் ஓர் அறிமுகம் என்ற இடுகை. 
• 'நாங்களும் தொழில்நுட்பமெல்லாம் பேசுவோம்ல' - பெவிகானை உங்கள் வலைப்பூவிற்கு இணைப்பது எப்படி? என்று சொல்லித்தந்தேன். குரோம் மற்றும் சஃபாரி உலாவிகளுக்கு இந்த இடுகையையும் படியுங்கள்.
• முதல்முறையாக பின்னூட்ட மட்டுறுத்துதல் செய்ய வைத்த இடுகை நடிகர் விஜய் மீது நடத்தப்படும் மின்-வன்முறைகள்.
• 'அறிவியல்பூ' வில் ஆன்டி மேட்டரும்(!) ஏஞ்சல்ஸ் அண்டு டெமான்ஸும் அறிவியலும்

தலைமை ஆசிரியர் 'சீனா' அவர்களின் பன்னிரெண்டிற்கு மேற்பட்ட வழிகாட்டுதல்களின்படி, இந்த 'வலைச்சர ஆசிரியர்' பணியைச் செவ்வனே செய்வேன் என்று 'எட்டுப்பட்டி' ஜனங்களுக்கும் சொல்லி.... [மணியடிச்சிட்டாங்கன்னு நினைக்கிறேன் :) ]

அன்புடன்,

ஊர்சுற்றி ஜோன்சன்

மேலும் வாசிக்க...