பாலபாரதி சொன்னது போல....!!!

அன்பர்கள் அனைவரும் என்னை மன்னித்துவிடவேண்டுகிறேன். வலைச்சரத்தில் எனக்கு ஒரு பொறுப்பான கடைமையைக் கொடுத்தும் அதை சரிவர செய்ய முடியவில்லையே என்கிற கவலையில் இடப்படுகின்ற பதிவு இது.

என்ன செய்ய முதலில் ஒரு தன்னிலை விளக்கம்.

நான் வழக்கமாக ஒரு இணைய உலாவி மையத்தில் எனது இணையம் சார், மற்றம் தட்டச்சிடும் பணிகளை மேற்கொள்வது வழக்கம். பலர் அலுவலக கணிணிகளை தங்களது சொந்த கணிணியாக பயன்படுத்துவது போல நான் அங்கிருக்கும் கணிணியை பயன்படுத்துவதுண்டு. ஆனால் திடீரென்று அந்த மையத்தின் உரிமையாளரது தயார் மதுரையில் இறந்து விடவே. அவர் கடையை ப+ட்டி விட்டு மதுரைக்கு போய்விட்டார்(போகத்தானே வேண்டும்) ஆகவே இந்த வலைச்சர வாரத்துக்கான எனது முன்தயாரிப்புக்கள் அனைத்தும் ப+ட்டப்பட்ட நிலையில் வெளிவரமுடியாமல் சாவியற்றுத் துடிக்கின்றன. இந்த வாரத்தை அமர்க்களப்படுத்தும் திட்டங்கள் இருந்தும் அதையெல்லாம் செய்யமுடியாமல் விதியின் சதி என்னை தடுத்து விட்டது…

இனி விதியின் சதியை மீறி…

இந்த வார வலைச்சரத்தின் முதலாவது தொகுப்பு இது.

01.
இது புல்வெளி. ஈழத்தின் மிக முக்கியமான கவிஞராக கருதப்படுபவரால் நடத்தப்படுகின்ற வலைப்பூ இது. தமிழகத்தினால் ஆலவட்டம் போடப்பட்டு ஆராதிக்கப்பட்டு வருகின்ற ஈழத்துக் கவிஞர்களில் இவர் அடங்கவில்லை என்றாலும் ஈழத்தில் அடுத்த தலைமுறைக் கவிஞர்களின் வளர்ச்சியில் பெருமளவு ஆதிக்கத்தையம், அவர்களது வளர்ச்சிக்கான ஊக்கத்தையும் விளங்குகின்ற மூத்த கவிஞர் இவர். அவர்தான் கருணாகரன் இரண்டு கவிதைத் தொகுதிகள் தொகுதிகள் ஏற்கனவே வந்திருக்கின்றன.

இப்போதும் தொடர்ச்சியாக கவிதைகள் எழுதிவருகின்ற. இவர் உலகம் முழவதிலும் இருந்து வெளிவரும் தமிழ் நாளேடுகள் சஞ்சிகைகளிலும் அரசியற்பத்திகளும் விமர்சனக்கட்டுரைகளும் எழுதி வருகிறார். அவற்றில் சிலவற்றை இங்கேயும் இட்டு வைத்துள்ளார்.

02.
அடுத்தது பஹீமா ஜகான் கவிதைகள். ஈழத்தில் புதிய தலைமுறை பெண் கவிஞர்களில் மிக முக்கியமானவர். ஒரு ஆசியயையாக இலங்கையில் பணியாற்றிக் கொண்டிருக்கும் இவர் ஆசிரியப்பணியில் மூழ்கிக் கிடப்பதனால் வலைப்பூக்களில் அதிக நேரம் செலவிடுவதில். மிகவிரைவில் தமிழகத்தில் இருந்து பனிக்குடம் வெளியீடாக இவரது தொகுதி ஒன்று வெளிவரஇருக்கிறது. கவிதையால் உங்களை திணற அடிக்க இந்த வலைப்பூ தயார் உள்ளே போங்கள் பஹீமா ஜகான் கவிதைகளின் நனைய.


03.
இது காற்று. புல்வெளிக்குப்போய்ட்டு காத்து வாங்கலன்னா எப்புடி.நேற்றைய காற்று என்கிற வானொலி நிகழ்ச்சி மூலம் இலங்கையில் பிரபலமான வானொலியாளர். அதைவிடவும் மிக நல்ல கவிஞர். அவர்தான் இலங்கையில் நன்கு அறியப்பட்ட கவிஞர் மற்றும் வானொலியாளர் யு.எல் மப்றூக். அதைவிட பத்திரிகைகளிலும் தொடர்ச்சியாக பத்திகள் எழுதிவருகிறார். இவரது கவிதைகளும் உங்களை ஆச்சரியப்படுத்தும். நிச்சயம்.


இன்னும் கொஞ்சம் வலைப்பூக்களின் தொகுப்பு இருந்தது. ஆனால் எல்லாம் இப்போது கைவசம் இல்லை. அதைவிட இவர்களுடைய எழுத்துக்களில் இருந்து சிலதை இங்கே இடவும் எண்ணியிருந்தேன். பாமினி அல்லாத தமிங்கிலீசில் தட்டச்சிடும் சிரமம் என்னை வருத்துகிறது.மன்னிக்கவும் நண்பர்களே.


இனி தலைப்புக்கு காரணம்.

நான் வலைச்சரத்தின் முதல் போட்ட பதிவிற்கு பாலபாரதி பின்னூட்டம் போட்டிருந்த பா.க.ச தலைவர் இப்படி சொல்லியிருந்தார்.

♠ யெஸ்.பாலபாரதி ♠ said...
அடப்பாவீ... ஒனக்கு ஒரு பொருப்பான வேலையைக் கொடுத்தா... அங்கன போயும் சங்கத்தை திறப்பேன்னா.. என்ன அர்த்தம்...?!

கடைசியா சங்கத்தை திறந்தது தான் மிச்சம் ஒழுங்கா ஒரு பதிவு போட முடியல. அந்த வருத்தத்தில தான் இப்படி ஒரு தலைப்பு வைச்சேன். (நல்லா குழப்புறீங்களே எண்டு நினைக்கிறியளோ…)

யக்கா பொன்ஸ் அவர்களிடம் ஒரு கேள்வி யக்கா நான் எப்ப அமானுஷ்ய கதைகள் எழுதினேன்!!!!!!!

மேலும் வாசிக்க...

பொன்ஸின் தும்பிக்கையால் தூக்கிவரப்பட்டு...

நண்பர்களிற்கு வணக்கம் என்னதான் வலைப்பூவில் எழுதிக்கிழித்தாலும் உங்களில் நிறையப்பேருக்கு என்னை தெரிந்திருக்க வாய்ப்பில்லை. நான் வலைப்பதிவுகளை விட வலைப்பதிவர் சந்திப்புக்கள் மூலமாக கொஞ்சப்பேருக்கு அறிமுகமாயிருப்பேன் என்று நினைக்கிறேன்.

நான் படித்த இரண்டாமாண்டு சைவநெறி புத்தகத்தில் முதலாம் பாடமாக ஒரு கதை இருந்தது. யாரோ இரண்டு நாயன்மார்களோடு ( பேர் மறந்து போச்சுங்க) சேர்ந்து கொண்டு ஒளவைப்பாட்டி கைலாயத்திற்கு போகவிரும்பியதாகவும். அதற்காக ஒவைப்பிராட்டி வழக்கமாக தான் பூசை செய்கிற பிள்ளையாருக்கு அவசரஅவசரமாக பூசை செய்துவிட்டு போக வெளிக்கிட்டாராம். உடனே பிள்ளையாருக்கு விளங்கிவிட்டதாம் ஒளவையார் அவசரமாக பூசை செய்கிறார் என்று. (மோதகம் சைசில் வழமையை விட சின்னதாயிருந்ததை வைத்து கண்டு பிடித்திருப்பாரோ) உடனே அவர் ஒளவையிடம் கேட்டிருக்கிறார் பாட்டி ஏன் அவசரப்படுகிறாய் என்று. ஒளவையும் காரணத்தை சொல்லியிருக்கிறார். உடனே பிள்ளையார் இதென்ன பிரமாதம் நீ வழமை போல மோதகத்தை பெரிசாப்பண்ணு சீ பூசையைப் பெரிசாப்பண்ணு நான் உன்னை வேகமாக கொண்டு போய் சேர்க்கிறென் என்று சொல்லி பூசை முடிந்ததும் ஒளவையை தும்பிக்கையால் தூக்கி கைலாயத்தில் வைப்பாராம் என்று அந்த கதை முடியும். ஏ4 அளவைவிட சற்றே பெரிய அளவில் இருக்கும் அந்த புத்தகத்தில் ஒரு பக்கத்தில் இருந்து அடுத்த பக்கத்தில் இருக்கும் கைலாயத்திற்கு தும்பிக்கையில் ஒளவைப்பாட்டியை அலற அலற இல்லை இல்லை அலேக்காக பிள்ளையார் தூக்கி வைக்கும் காட்சியும் வரைந்திருப்பார்கள்.

நண்பர்களே இந்த கதையை இவ்வளவு வேலை மினக்கெட்டு இங்கே எழுதுவதன் நோக்கம் என்ன. எங்கோயோ தொலைவில் கனவு கண்டு கொண்டு (அதாங்க தூங்கிக்கொண்டு ) இருந்த என்னை தனது தும்பிக்கையால் தூக்கிவந்து வலைச்சரத்தில் வைத்து விட்டார் பொன்ஸ் அக்கா. நேற்றே அவர் வரச்சொல்லியிருந்தும் நான் அதிகமாக தூங்கிவிட்டதால் வரமுடியவில்லை. அதனால் தான் தனது தும்பிக்கையால் ஒரு தட்டு தட்டி இன்று தூக்கி வந்திருக்கிறார்.

என்னைப்பற்றி நானே சொல்வதற்கு வேற எதுவும் இருப்பதாய் நினைக்கவில்லை எதற்கும் இருக்கட்டும் என்று சினேகிதி இங்கே வலைச்சரத்தில் எழுதியதையே மறுபடியும் படித்து பார்க்கு மாறு வேண்டுகிறேன். வரும் நாட்களிலும் எனது பொ.க.ச பதிவுகள் தொடரும் மன்னிக்கவும்(ஹி ஹி ஹி) வலைச்சரப்பதிவுகள் தொடரும். முதல் முறையாக பாமினியில் அல்லாமல் தமிங்கிலீசில் தட்டச்சிடுவதால் எழுத்துப்பிழைகளை பெரிய மனசு பண்ணி மன்னிக்கவும்….

மேலும் வாசிக்க...