வலைச்சரத்தில் முதல் நாள்-காரஞ்சன்(சேஷ்)

வலைச்சரத்தில் முதல் நாள்! -காரஞ்சன்(சேஷ்)

 

இந்த உலகினில்  என்னை அறிமுகப் படுத்திய என் தாய், தந்தை, மற்றும் எல்லாம் வல்ல இறைவனுக்கு என் முதல் வணக்கம்! வலைச்சர அன்பர்களுக்கு என் பணிவான வணக்கங்கள்!

 

 

17-12-2012 முதல் 23-12-20012 வரை  வலைச்சர ஆசிரியர் பணிக்கு என்னைஅழைத்து இந்த அரிய வாய்ப்பை நல்கிய சீனா ஐயாவுக்கும், என்மீது நம்பிக்கை வைத்து, என்னைப் பரிந்துரைத்த வை.கோபாலகிருஷ்ணன் சார் அவர்களுக்கும் நெகிழ்வோடு என் நன்றியைத் தெரிவித்துக் கொள்கிறேன். வலைச்சரத்தில் நானும் ஒரு வாரத்துக்கு ஆசிரியர் என்பதை என்னால் நம்ப முடியவில்லை. வலைப்பூ ஆரம்பித்து ஒரு வருடத்தில் கிடைத்திருக்கும் இந்த வாய்ப்பைப் பயன்படுத்தி இயன்ற வரையில் சிறப்பாக செயல்பட முயற்சி செய்கிறேன். 

பணிச்சுமையும், பிணிகளும் வாட்டிடும் இன்றைய உலகில், மன அமைதி விழையும் தருணங்களில், சிந்தனைகளுக்கு ஒரு வடிகாலாக ஒரு வலைப்பூ எனக்கென உருவாக்க விழைந்ததில், உருவானது தான் “காரஞ்சன் சிந்தனைகள்”.  இந்த வலைப்பூ தொடங்க என்னைத் தூண்டிய என்னுடைய மாமனார் திரு, இ.சே.இராமன் அவர்களுக்கு இத் தருணத்தில் என் நன்றியைத் தெரிவித்துக் கொள்கிறேன். அவரை ஒரு வலைப்பூ ஆரம்பிக்கத் தூண்டிய திரு. வெங்கட்நாகராஜ் அவர்களுக்கும் இத்தருணத்தில் என் மனமார்ந்த நன்றிகளை உரித்தாக்குகிறேன்.

எழுத ஆரம்பித்து  ஓராண்டுகள் ஓடிவிட்டதை எண்ணிப்பார்க்கையில் வியப்பாக இருக்கிறது. அன்றாடப் பயணத்தில் நான் காணும் காட்சிகள், சந்திக்கும் மனிதர்கள், சுற்றி நடக்கும் நிகழ்வுகள், நான் கண்டு இரசித்த புகைப்படங்கள் இவையே என்னை எழுதத் தூண்டிக் கொண்டிருக்கின்றன.  இதுவரை நூற்றுக்கும் மேற்பட்ட பதிவுகள் எழுதியுள்ளேன்.. இந்த வலைப்பூ மூலம் கிடைத்த அறுபதுக்கும், மேலான அருமையான‌ தோழமைகள், அவர்களின் அன்பான பின்னூட்டங்கள், எல்லாமே எனக்குக் கிடைத்திருக்கும் செல்வங்கள்! .விரும்பித் தொடரும் நல்லுளங்களின் கருத்துரைகள் எனக்கு ஊக்கமளிப்பவையாக அமைகின்றன.. என்னுடைய படைப்புகள் யாரையும் புண்படுத்தாவண்ணம் ஏதாவது ஒரு பயனுள்ள கருத்தைச் சொல்லக்கூடியதாக அமைய வேண்டும் என்பதில் அக்கறை காட்டி வருகிறேன்.

 இப்படி ஒரு உலகம் இயங்கிக் கொண்டிருப்பதை அறிந்தவுடன் எட்டிப் பார்த்து பிரமித்துப் போனேன். எத்தனை விதமான படைப்பாளிகள்! பல வண்ணத்தில் படைப்புகள்! இந்த வண்ணங்களின் கூட்டணியில் என் எண்ணங்களுக்கும் ஒரு இடம் கிடைத்ததை எண்ணி மகிழ்கிறேன். "பேனா முனை போர்வாளைவிட வலிமையானது" என்பார்கள்! வன்முறைகளும் கலாச்சார சீரழிவுகளும் பெருகி வரும் இந்நாளில், பிஞ்சு நெஞ்சங்களில் நஞ்சகற்றும் நற்பணியினை நாம் செய்யத் துணிவோம்,துவங்குவோம்  என வேண்டுகோள் விடுக்கிறேன்!

என்னுடைய பதிவுகளில் சில உங்கள் பார்வைக்கு!. உங்களுக்கும் பிடிக்கும் என நம்புகிறேன்.

 

1) உழவின் பெருமையை , இன்றைய நிலையை உணர்த்தும் கவிதைகள்!

1. கனவு மெய்ப்பட வேண்டும்!
2. வாழவை!
3. நம்பிக்கைக் கீற்று!

2)  காதல்

1. நேச மலர்கள்
2. மீட்டிட வருவானோ?
3. தாகம்!
4. இமைகள்!
5. இதயத்தில் நீ
6. தனிமை!

3)  விழிப்புணர்வு/சமுதாயம்/தன்னம்பிக்கை ஊட்டும் கவிதைகள்

1) விழுந்ததும் எழுந்திரு!
2) கா!கா!கா!
3) கடைக்கண்பார்வை!
4) வேர்களை மறவா விழுதுகள்!
5) கழிவிரக்கம்!
6) முதியோர் இல்லம்!
7) நாளை நமதே!
8) வெற்றிப்பாதை!
9) எது ஊனம்?
10) புற்றுநோயைப் புரையோடவிடலாமா?

4)ஆன்மிகம்

1.  நலம் தருவாய் நரசிம்மா!

5) இயற்கைச் சீற்றம்!

1)  ஆழிப்பேரலையா? அழிவுப்பேரலையா?
2)  "தானே" உன்னால்தானே?
3)  பேய்மழை

படித்து மகிழுங்கள்!
தங்களின் மேலான கருத்துக்களைப் பகிருங்கள்!
தொடர்ந்து இந்த வாரத்தில் என் பணி சிறக்க ஆதரவு தாருங்கள்!
மீண்டும் உங்கள் அனைவருக்கும் நன்றி !
 நாளை சந்திப்போம்!

என்றும் அன்புடன்
காரஞ்சன்(சேஷ்)
 

மேலும் வாசிக்க...

N.K.S. ஹாஜா மைதீன் காரஞ்சன்( சேஷ்) என்ற சேஷாத்ரியிடம் பொறுப்பினை ஓப்படைக்கிறார்.

சென்று வருக ! N.K.S. ஹாஜா மைதீன் 

வருக ! வருக ! காரஞ்சன் ( சேஷ்) என்ற சேஷாத்ரி.ஈ.சி

அன்பின் சக பதிவர்களே !

இன்றுடன் முடியும் வாரத்திற்கு ஆசிரியப் பொறுப்பேற்ற N.K.S. ஹாஜா மைதீன், தான் ஏற்ற பொறுப்பினை சரிவர நிறைவேற்றி நம்மிடமிருந்து மன நிறைவுடன் விடை பெறுகிறார். 

எழுதிய பதிவுகள்                                         : 7
அறிமுகப் படுத்தப் பட்ட பதிவர்கள் : 35
அறிமுகப் படுத்தப் பட்ட பதிவுகள்    : 75
பெற்ற மறுமொழிகள்                                : 109

N.K.S. ஹாஜை மைதீனை சென்று வருக ! என வாழ்த்தி வழி அனுப்புவதில் பெரு மகிழ்ச்சி அடைகிறேன். 

நாளை துவங்க இருக்கும் வாரத்திற்கு ஆசிரியப் பொறுப்பேற்க அன்புடன் இசைந்துள்ளார் நண்பர் காரஞ்சன் ( சேஷ் ) என்ற சேஷாத்ரி.ஈ.சி. 

இவர் காரஞ்சன் சிந்தனைகள் என்ற தளத்தில் எழுதி வருகிறார். 

இவர்     அரசுப் பள்ளிகளில் படித்து- கிராமத்தில் வளர்ந்து- தற்போது தொலைத்தொடர்புத் துறையில் துணை கோட்டக் கண்காணிப்பாளராகப் பணிபுரிந்து வருகிறார். தமிழில் ஆர்வம் உண்டு- திரு வெங்கட்நாகராஜ் அவர்கள் இவர் மாமனாரை ஒரு வலைப்பூ தொடங்கச் சொல்ல அதற்கு உதவி செய்யும் தருணத்தில் இவர் மாமனார் அவர்கள் இவரையும் ஒரு வலைப்பூ தொடங்கி எழுதச் சொன்னார். கடந்த ஆண்டு முதல் எழுதி வருகிறர. மனதில் தோன்றும் நற்சிந்தனைகளை கவிதை வடிவில் தந்து வருகிறார்.-

 

நண்பர் காரஞ்சன் ( சேஷ்) என்ற சேஷாத்ரி.ஈ.சி அவர்களை வருக! வருக !  வாழ்த்தி வரவேற்று - ஏற்ற பொறுப்பினை நிறைவேற்றுமாறு கேட்டுக் கொள்வதில் பெருமை அடைகிறேன். 

நல்வாழ்த்துகள் N.K.S. ஹாஜா மைதீன் 

நல்வாழ்த்துகள் காரஞ்சன் (சேஷ்) என்கிற சேஷாத்ரி.ஈ.சி

நட்புடன் சீனா  

மேலும் வாசிக்க...

போகாதே ஞாயிற்றுக்கிழமையே !...........

ஞாயிறு என்றால் சிறியவர்கள் முதல் பெரியவர்கள் வரை அனைவருக்கும் சந்தோசம்தான்...குழந்தைகளுக்கு இன்று தூக்கம் இல்லை..ஆனால் பெரியவர்களுக்கு இன்றுதான் அதிக நேரம் தூக்கம்...எவ்வளவு இன்பம் இன்று இருக்கிறதோ அதே கவலையும்,பரபரப்பும் நாளை திங்ககிழமை என்ற ஒரு நினைவு பெரும்பாலும்  அதே குழைந்தைகள் முதல் பெரியவர்கள் வரை அனைவருக்கும் ஏற்படுத்திவிடும் ஒரே ஆற்றல் ஞாயிற்றுக்கிழமைக்கு  மட்டுமே உண்டு...

ஞாயிறு  மட்டும் 48 மணி நேரமாக இருந்தால் எவ்வளவு அருமையாக இருக்கும் என்ற எண்ணத்துடன்தான் பெரும்பாலானோர் அன்று உறங்க செல்கின்றனர் என்றால் அது மிகையல்ல..!

ஞாயிறு என்ற சொல் தமிழில் சூரியனை குறிக்கும் .....

இன்றைய பதிவர்களும் அவர்களின் பதிவுகளையும் கொஞ்சம் பார்ப்போம்...

உங்கள் சகோ  ஹசன்  என்ற அருமையான தலைப்பில் அசத்தலாக நம் உள்ளத்தை தொடும்படி எழுதி வருகிறார் நம் சகோ ஹசன்...அவரின் பதிவுகளில் எனக்கு பிடித்தவை


மனிதர்களை அவர்கள் மனம் மகிழும்படி  அடையாளப்படுத்துங்கள் 


பில் கேட்ஸுக்கு ஒரு கடிதம்-அக்மார்க் மொக்கை


மனசாட்சி   எனும் வலைப்பூவில் நகைச்சுவை ,சினிமா,நக்கல் நையாண்டி என கலந்து கட்டி எழுதி வருகிறார் நண்பர் முத்தரசு .அவரின் பதிவுகளில் சில..

பெண்களின் கூந்தலுக்கு இயற்கையிலேயே மனம் உண்டோ? - சில யோசனைகள்


உண்மையான காதல் பயம்



டீக்கடை   யில் கிடைக்கும் சூடான வடை,பஜ்ஜி போல சூடான பதிவுகளை தந்து கொண்டு இருந்த சிராஜ் இப்போது ஏனோ அதிகமாக எழுதுவதில்லை...அவரின் பதிவுகளில் என்னை கவர்ந்தவை

பயோ டேட்டா....சராசரி இந்தியக் குடிமகன்


கலைஞருக்கு நன்றி... மிக்க நன்றி....


உஷா அன்பரசு  என்ற வலைப்பூவில் எழுதி வரும் சகோதரி உஷா அவர்களின் பதிவுகளில் சில உங்கள் பார்வைக்கு

அந்த மூன்று சொற்களை நீங்க சொல்வீங்களா..?

எலி வளையானாலும் தனி வளை..!..



எண்ணங்களுக்குள் நான்  என்ற தலைப்பில் சினிமா,சமூகம்,அரசியல்  பற்றி ரசிக்கும் வகையில் எழுதி வருகிறார் சகோ பாருக் ..அவரின் பதிவுகளிலிருந்து..


பூர்விகா மொபைலின் பகல் கொள்ளை


கும்கி- நல்ல முயற்சி.....


இந்த பதிவர்கள் உங்களையும்  கவர்வார்கள் என்ற நம்பிக்கையோடு எனது இன்றைய பதிவை நிறைவு செய்கிறேன்...இன்னும் நிறைய நண்பர்களின் பதிவுகளை  பற்றி குறிப்பிட ஆசை..ஆனால் எனக்கு நேரமில்லாத காரணத்தினால்தான் தினமும் 4அல்லது 5 பதிவர்களை பற்றி குறிப்பிட்டேன்...

வலைச்சரத்தில் ஆசிரியராக எழுதுவதற்கு முன்,எழுதியதற்கு பின் என இரண்டு வகைகளாக என் பதிவுலக வாழ்க்கை அமையும் என்பதில் சந்தோசம் எனக்கு..வலைச்சர ஆசிரியர் பொறுப்பை கொடுத்த அய்யா சீனா  அவர்களுக்கும்,தமிழ்வாசி பிரகாஷ் அவர்களுக்கும் எனது மகிழ்ச்சி கலந்த நன்றி...


இந்த ஆசிரியர் பொறுப்பை என்னால் முடிந்த அளவு சிறப்பாக செய்து இருக்கிறேன் என்ற நம்பிக்கையோடு விடைபெறுகிறேன் நண்பர்களே...நன்றி...

எனது இன்றய பதிவையும் ஒரு எட்டு வந்து கொஞ்சம் படித்து பாருங்களேன்...

இந்த கவுதம் மேனனுக்கு இதே வேலையா போச்சுப்பா?!....

மேலும் வாசிக்க...

ஏழரை நாட்டு சனின்னா என்னங்க ?!

அது என்னமோ பலருக்கும் வார இறுதி நாட்களில் முதலில் வரும் சனிக் கிழமை மீது ஒரு ஈர்ப்பு ! நான் பள்ளி படிக்கையில் சனி,ஞாயிறு என்று சேர்த்தே சொல்லப்பட்டு வந்த விடுமுறை நாட்கள் இப்போதெல்லாம் இல்லை..இப்ப சனிக்கிழமைகளிலும்  பள்ளிகள் வைத்து  மாணவர்களை எல்லாம் படி(வெறு )க்க வைக்கின்றன தனியார் பள்ளிகள்...

ஏழரை நாட்டு சனி,சனியன், சனி பொணம்  தனியா போகாது (இது உச்ச கட்ட மூட நம்பிக்கை!) போன்ற பொருள் புலப்படாத பிரபலமான வாக்கியங்களை தன்னகத்தே கொண்ட பெருமை சனிக்கிழமையையே  சாரும்!இந்த 3 க்கும் அர்த்தம் தெரிந்தவர்கள் கொஞ்சம் இங்கே சொல்லிட்டு போங்க...

இதில் ஏழரை நாட்டு சனி என்பது என்னன்னு இன்னைக்கு தெரிந்தே ஆகணும் எனக்கும் இதை படிப்பவர்களுக்கும்!

சனி என்ற கோள் சூரியனிலிருந்து 6 வதாக அமைந்துள்ள கோள் ...சூரிய குடும்பத்தில் இரண்டாவது பெரிய கோளும் இதுதான்...சனி  கோளின் நிலவுகள் 61...சனி கோளின் மிகப்பெரிய நிலவான டைட்டன் புதன் கோளை விடவும் பெரியது !

பட்டையான வளையம் சூழ்ந்துள்ள மிகப் பெரிய கோளாகிய சனிக்கு உரிய நாளாக சனிக்கிழமை என பெயரிடப்பட்டுள்ளதாக விக்கீப்பீடியாவில் படித்தேன் ...


பாலாவின் பக்கங்கள்  என்ற வலைப்பூவில் அரசியல், சினிமா,நாட்டு நடப்புகளை சுவாரஸ்யமாக எழுதி வரும் பாலாவின் பதிவுகளில் என்னை கவர்ந்த பதிவுகள் சில.


வெட்டி அரட்டை - ஏதோ சொல்லணும்னு தோனிச்சு....


-வெட்டி அரட்டை - சிதம்பரம் vs நடுத்தரம்



ayesha farook  எனும் வலைப்பூவில் கவிதை,சமூகம் பற்றி எழுதி வருகிறார் சகோதரி ஆயிசா ...அந்த வலைப்பூவில்  என்னை கவர்ந்த  பதிவுகள் உங்கள் பார்வைக்கு


ஜாதிகள் இருக்குதடி பாப்பா



தமிழுக்கு வந்த ஆபத்து




மவுன தேசம்  என்ற தலைப்பில் எழுதி வரும் RIZI அரசியல்,நாட்டு நடப்புகள்,நகைச்சுவை என எல்லாவற்றையும் கலந்து கட்டி அடித்து ஆடி வருகிறார்..அவரின் பதிவுகளில் சில...



இப்பொழுது சந்தையில் ஆண்ட்ரியா போன்!



சே குவேரா என்னும் புரட்சிக்காரன்!!




வலையுகம்  என்ற வலைப்பூவில் சகோ  ஹைதர் அலி  அரசியல்,உடல்நலம்,வரலாற்று தகவகல்கள், சமூகம் குறித்த பார்வைகள் என எல்லாவற்றையும் தனது பார்வையில் அழகாக,ஆழமான கருத்துக்களோடு எழுதி வருகிறார்...வலையுலகில் பரவலாக அறியப்பட்டவர்தான் அவர்..அவரின் பதிவுகளில் சில...


சுவாச மரணங்கள் :சுவாசிக்கும் முன் யோசி!



நீங்களும் பேச்சாளர் தான்,பேசக் கற்றுக் கொள்ளுவோம்....



 நிச்சயம் இவர்கள் உங்களை ஈர்ப்பார்கள்...நாளை பார்ப்போம் நண்பர்களே..

மேலும் வாசிக்க...

வெள்ளின்னா மூன்று!அது என்ன 3....?!

வெள்ளின்னா 3....அது என்ன 3 ...முதலாவது கிழமை வெள்ளிக்கிழமை...வெள்ளிக்கிழமை பல மதத்தவர்களுக்கும் முக்கியமான நாள்...பல அரபுநாடுகளில் வெள்ளிக்கிழமைதான்  அரசு விடுமுறை...

அடுத்ததாக தங்கம்,வைரத்துக்கு அடுத்ததாக வெள்ளிதான்  அதிக பயன்பாட்டில்  உள்ள உலோகம்  ....சொல்லப்போனால் நடுத்தர மக்கள் மற்றும் ஏழைகளின் தங்கம் என்று சொன்னால் அது வெள்ளிதான்...

மூன்றாவதாக வெள்ளியின் பெயரில் உள்ள கோள் ....வெள்ளி (Venus) சூரியக்குடும்பத்தில் சூரியனிலிருந்து இரண்டாவதாக அமைந்துள்ள ஒரு கோளாகும். நம் இரவு வானத்தில் நிலவுக்கு அடுத்து வெள்ளியே பிரகாசமானது. இது புவியைப் போல கற்கோளத்தைக் கொண்ட கோளாகும். இதன் திணிவும் ஆரை நீளமும் கிட்டத்தட்ட புவியினுடையதை ஒத்துப் போவதால் இக் கோளானது புவியின் தங்கை எனவும் அழைக்கப்படுகின்றது.(நன்றி:விக்கிப்பீடியா)

இன்றைய பதிவர்களையும் பதிவுகளையும் பார்ப்போம்...

எதிர்க்குரல்  என்ற பெயரில் அரசியல்,சமூகம், அறிவியல் ,ஆரோக்யமான விவாதங்கள் பலவற்றையும் பற்றி   நேர்த்தியாக எழுதி வருகிறார் சகோ ஆசிக்...பலராலும் அறியப்பட்டவர்தான் ஆசிக் என்றாலும் அவரின் பதிவுகளில் எனக்கு பிடித்தவற்றை குறிப்பிட விரும்புகிறேன்...

புதிய அறிவியல் பொற்காலம்?

உங்கள் உயிரை காப்பாற்றலாம் APPENDIX..

National Geographic: பித்தலாட்டங்கள் - சொல்லப்படாத...உண்மைகள் 

இந்த மாதிரி கொம்பு உள்ள மாட்டை அதிகம் பார்த்து இருக்க மாட்டீர்கள்....

பூவிலிருந்து தேன் எடுக்கும் வண்டை  நேரில் பார்த்து இருக்குறீர்களா !

அடடா!இந்த கொக்குக்கு அந்த மாடு கொடுக்கும் "இட ஒதுக்கீட்டை "பார்த்தீர்களா!மனிதர்கள் கற்று கொள்ள வேண்டும்...

இந்த படங்கள் எல்லாம் என் நண்பன் சவுக்கத்ராஜா  எடுத்தது....இந்த படங்களை எடுக்க அவன் ரொம்ப சிரத்தை எடுத்ததை  அருகில் இருந்து நான் பார்த்தவன்...இது போன்று அவன் எடுத்த படங்களை shaukatraja capture  என்ற வலைத்தளத்தில் பகிர்ந்துள்ளான் .....அதை நான் இங்கு பகிர்ந்துள்ளேன்....

சிட்டுக்குருவி    என்ற வலைப்பூவில் சகோ விமலன்  சிறுகதை,கவிதை என எழுதி வருகிறார்..அவரின் பதிவுகளில் என்னை கவர்ந்தவை 

ரயில்ப்பூச்சி 2,,,,,,,,,,

கடைக்கண்,,

கும்மாச்சி  என்ற  வலைப்பூவில் அரசியல்,சமூகம்,சினிமா என சகலவற்றையும் கும்மி கூறு போட்டு எழுதி வருகிறார். அனைவராலும் அறியப்பட்ட  கும்மாச்சியின்  பதிவுகளில் என்னை கவர்ந்தவை...

2080 ல் செல்வந்தர்கள்



டெண்டுல்கர் பயோடேட்டா

உச்சநீதிமன்ற தீர்ப்புகளும் உள்குத்துகளும்


அரசியல்பற்றி,தமிழக அரசியல் வரலாற்றைப்பற்றி என்ன தெரிந்து கொள்ள வேண்டும் என்றாலும் அரசியல்வாதி  என்ற தளத்தில்  போய்  பாருங்கள்...செங்கோவி,ரஹீம் கஸாலி ,மெட்ராஸ்பவன் சிவக்குமார் ஆகியோரால் இந்த வலைப்பூ இயங்குகிறது..இதில் இன்னொரு சிறப்பு என்னவென்றால் நமக்கு எழும் அரசியல் சந்தேகங்களை கேள்விகளை கேட்டால் பதிலை ஒரு பதிவாகவே தருகிறார்கள்...அரசியல் வரலாற்றை தெரிந்துகொள்ள இந்த தளம் நிச்சயம் உதவும்...

சில பதிவுகள் உங்களுக்காக...

தி.மு.க.,விலிருந்து சிவாஜி விலகியதன் பின்னணி


பொற்கால ஆட்சி காமராஜர் ஆட்சியா? அண்ணா ஆட்சியா?


மேல்சபை கலைக்கப்பட்ட வரலாறு


நிச்சயம் இந்த பதிவர்களும்,பதிவுகளும் உங்களை கவர்வார்கள் என்ற நம்பிக்கை இருக்கிறது...நாளை சந்திப்போம் நண்பர்களே...

எனது வலைப்பூவில் இன்றய பதிவு ...ராமர் படம் போட்ட சேலையும்,குஷ்புவின் குசும்பும்......

மேலும் வாசிக்க...