வலைச்சரத்தில் என் மூன்றாம்நாள் ஆசிரியப்பணி..

மூன்றாம்நாள் வணக்கங்கள் நண்பர்களே..

நேற்று ரொம்ப காலதாமதமாத பணிக்கு வந்ததால் நண்பர்கள் பலரும் அதிருப்தியில் உள்ளதால் இன்று காணாதது எல்லாம் உலாத்தும் நேரத்திலேயே உங்களை சந்திக்க வந்துவிட்டேன்..

பாசமிகு நண்பர்களாகிய உங்களுக்கு வெறுமனே ஒரேஒருவகை பதார்த்தத்தை கொடுத்து ஏமாற்ற மனம் உடன்படவில்லை..

ஆகவே, நேற்றே கூறியதை போல், இனி வரும் தினங்கள் அனைத்தும் உங்களுக்கு அறுசுவை படையல்தான்..

சரி.. வாருங்கள் படையலுக்கு..

மனுஷன் என்ன கடுப்புல இருந்தாலும் கொஞ்சநேரம் நகைச்சுவையை ரசித்துக்கொண்டிருந்தான் எனில், கடுப்புகள் மறந்து சந்தோசமாக சிரிக்க ஆரமித்துவிடுவான்..

இங்கே, எனது தொல்லைதாங்காமல் கடுப்புடன் உள்ள நண்பர்கள், என் தொல்லை மறந்து புன்சிரிப்புடன் இடுகையை படித்து முடிக்க உதவும் ஆயுதமாக தொடக்கத்திலேயே நகைச்சுவை என்ற அஸ்த்திரத்தினை உங்கள்மேல் தொடுக்கிறேன்..

இன்று இங்கு அறிமுகப்படுத்தப்படும் நண்பர் 2008 இறுதியிலே எழுத ஆரமித்துவிட்ட கொஞ்சம் சீனியர் பதிவர்தான்.. நண்பர்கள் பலரும் அறிந்திருப்பினும் மீண்டும் அவரை இங்கு அறிமுகப்படுத்துவதில் தவறேதும் இல்லையென நம்புகிறேன்..

இவரின் வலைப்பூ பெயரே ஜோக்கிரி..

வலைப்பூ முகவரி http://jokkiri.blogspot.com/

இவர் சினிமா அரசியல் நிகழ்வுகளை அவருக்கே உரிய பாணியில் நகைச்சுவையாய் கலாய்த்துள்ளார்..

இவர் மேலும் பல நகைச்சுவை இடுகைகளிட்டு நம்மை சிரிப்புக்கடலில் நிரந்தரமாய் ஆழ்ந்திருக்கச்செய்ய முயற்சிக்க வாழ்த்துங்களேன்..

$$$$$$$$

அடுத்து கதை பக்கம் வருவோம்..

இங்கு அறிமுகப்படுத்தப்படும் இவர் முரண் தொடை என்ற வலைப்பூவில் 2008'ல் இருந்தே எழுதிவருகிறார்..

இவரின் வலைப்பூ முகவரி http://muranthodai.blogspot.com/

சில மாதங்களாக கதைகள் பல எழுதி வந்தாலும், அதற்கு முன்பு அரசியல் சார்ந்த இடுகைகள் பலவும் எழுதியுள்ளார்..

அவற்றைப்பற்றி இங்கு விமர்சிக்கும் அளவுக்கு போதுமான நேரமின்மையால் அவரின் வலைப்பூவிலேயே சென்றரிய அழைக்கிறேன்..

தற்சமையம் நவீன விக்ரமாதித்தன் கதைகள் - காதல் சொல்லி வந்தாய் என்ற தொடர்கதை ஒன்றை எழுதி வருகிறார்..

தளராமல் எழுதிவரும் அவரை வலைச்சரம் சார்பாக நீங்களும் சென்று வாழ்த்தி உற்சாகப்படுத்துங்களேன்..

$$$$$$$$

அடுத்தது இன்னது என்று வகைப்படுத்த முடியாத அளவிற்கு பலதும் கலந்து எழுதப்பட்டுள்ள வலைப்பூ..

இந்த பதார்த்தம் இன்னும் வகைப்படுத்தப்படவில்லை..

இயன்றால் படித்துபார்த்து நீங்களே வகைப்படுத்துங்களேன்..

இப்பேர்பட்ட வலைப்பூ பெயர் Sri.Krishna ..

இவரின் வலைப்பூ முகவரி http://saidapet2009.blogspot.com/

இவரின் வலைப்பூவினை இந்தவகைஎன வகைப்படுத்த இயலாமைக்கு காரணம், இவரின் வலைப்பூவில் நகைச்சுவை, சினிமா, வீடியோக்கள், சமையல் குறிப்பு, அரசியல், டெக்னாலஜி / மென்பொருள் தொடர்பான என்று பலவகைப்பட்ட இடுகைகளுடன் கலக்கிக்கொண்டுள்ளார்..

இப்படிப்பட்ட வலைப்பூவினை வலைச்சர வாசகர்களாகிய நீங்களும் சென்று உற்சாகப்படுத்துங்களேன்..

$$$$$$$$

அடுத்தது என் வானம்.. என் எண்ணங்கள்... என்ற பெயரில் எழுதப்பட்டு வரும் வலைப்பூ..

இந்த வலைப்பூவினை அனுபவம் என்ற வகையில் சேர்க்கதீர்மானித்துள்ளேன்.. தவறாய் இருப்பின் திருத்தவும்..

இவர் எனக்கெல்லாம் ரொம்ம்ம்ம்ப பெரிய சீனியர்.. 2006'ல் இருந்தே எழுதி வருகிறார்..

இவரின் வலைப்பூ முகவரி http://nandhu-yazh.blogspot.com

இவரின் இடுகைகளில் பெரும்பாலும் அவரின் சொந்த அனுபவங்களும், அவரின் குழந்தையுடனான அனுபவங்களும், சில பல கவிதைகளும் கலந்துகட்டியுள்ளன..

சீனியர் பதிவர் என்பதால் பலரும் அறிந்திருக்க வாய்ப்புள்ளது..
அப்படி பெரும்பாலானோர் அறிந்திருப்பினும் பரவா இல்லை..

அவருக்கு, சென்று அவரின் இடுகைகளுக்கு பின்னூட்டமிட்டு அவரை மேலும் பல சிறப்பான இடுகைகளிட உற்சாகப்படுத்துங்கள்..

$$$$$$$$

அடுத்தது சமையல் தொடர்பான வலைப்பூ..

சமையலுக்கான பகுதியில் இன்று அறிமுகப்படுத்தும் வலைப்பூவின் பெயர் முத்தான முத்துக்கள்..
இந்த வலைப்பூவின் முகவரி http://allinalljaleela.blogspot.com

கடந்த எட்டு மாதங்களாக எழுதிக்கொண்டுள்ள முத்தான முத்துக்களின் சொந்தக்காரரான இவர், இதுவரை 241 சமையல் குறிப்பு இடுகைகளிட்டு அசத்திவருகிறார்..

சமையலில் 20 வருட அனுபவம் உண்டு தையற்கலையில் சின்ன வயதிலிருந்தே ஆர்வம். எனக்கு தெரிந்த சமையல், அனுபவ‌ டிப்ஸ்கள், பாட்டி வைத்தியம், துஆக்கள், குழந்தை வளர்பு தையற்கலைகளை எல்லோருடனும் இந்த பிளாக்கின் மூலம் பகிர்ந்து கொள்கிறேன்.

என்று தன்னைப்பற்றி பலதும் சொல்லியுள்ளார்..

வாருங்கள்.. சமையல் கலையில், குழந்தை வளர்ப்பு, தையற்கலையில் ஏதும் சந்தேகமிருப்பின், இவரின் வலைப்பூ சென்று தெளிவுபெருங்களேன்..

அதற்கு முன்பு, அவரின் வலைப்பூ சென்று அவருக்கு பின்னூட்டம் மூலம் ஆதரவு தெரிவித்து, அவரை மேலும் பல இடுகைகளிட உற்சாகப்படுத்துங்களேன்..

$$$$$$$$

அடுத்தது கணினி மென்பொருள் தொடர்பான வலைப்பூ..

இவர் பிளாக்உலகில் பலருக்கும் சீனியர்போல..

இவரின் வலைப்பூ பெயர் கணிணி மென்பொருட்களின் கூடம்..
வலைப்பூ முகவரி http://gouthaminfotech.blogspot.com/

2000'ஆம் ஆண்டிலிருந்து எழுதி வருகிறார்..
2000 to 2005'ல் மூன்றே மூன்று இடுகைகள்தான் இட்டுள்ளார் எனினும், 2008, 2009'களில் மட்டும் 283 கணினி மென்பொருள் தொடர்பான இடுகைகளிட்டு 161 ஃபாலோவர்களைக்கொண்டு அசத்திவருகிறார்..

நீங்களும் கணினி மென்பொருள் தொர்பாக ஏதாவது அறிய விரும்பினால் இவரின் வலைப்பூவந்து முயற்சித்து அவரை மேலும் பல மென்பொருள்களை அறியக்கொடுக்க உற்சாகப்படுத்துங்களேன்..

இவ்வளவு ஃபாலோவர்கள் இருப்பதால் உண்மையில் இவருக்கு அறிமுகமே தேவை இருக்காதுஎன நினைக்கிறேன்..

அப்படி இவர் அறிமுகம் இல்லாமலே பலரால் அறியப்பட்ட சீனியர் பதிவராக இருப்பாரெனில், இந்த அறிமுகம் பல புது பதிவர்களுக்கு இந்த சீனியர் பதிவரை அறியக்கொடுப்பதற்காக என்று கொள்ளுங்கள்..

சரி நண்பர்களே.. இன்றைய கடமையை, பணியை நல்லமுறையில் முடித்திருப்பேன் என்ற நம்பிக்கையில் விடைபெறுகிறேன்..

மீண்டும் நாளை சந்திப்போம்.. நன்றி..