தாரிக் அஹமது தங்கம் பழனியிடம் இருந்து பொறுப்பேற்கிறார்

அன்பின் சக பதிவர்களே !

இன்றுடன் முடியும் வாரத்திற்கு ஆசிரியப் பொறுப்பேற்ற நண்பர் தங்கம் பழனி தான் ஏற்ற பொறுப்பினை பொறுப்பாக நிறைவேற்றி மன நிறைவுடன் நம்மிடமிருந்து விடை பெறுகிறார். இவர் ஐந்து பதிவுகள் பல்வேறு தலைப்புகளில் இட்டு 22 பதிவர்களை அறிமுகப் படுத்தி அவர்களின் 47 பதிவுகளையும் அறிமுகப் படுத்தி இருக்கிறார். இவரது சொந்தப் பதிவுகளில் பல்வேறு பதிவுகளையும் அறிமுகம் செய்திருக்கிறார். பெற்ற மறுமொழிகளோ ஐம்பது.

நண்பர் தங்கம் பழனியை வாழ்த்தி வழி அனுப்புவதில் பெருமை அடைகிறோம்.

நாளை துவங்கும் வாரத்திற்கு ஆசிரியப் பொறுப்பேற்க வருகிறார் நண்பர் தாரிக் அஹமது. நாகை மாவட்டத்தைச் சார்ந்த இவர் ரியாத்தில் ஸ்பேர் பார்ட்ஸ் பிரிவினில் பணி புரிகிறார். தனக்குத் தெரிந்த எண்ணங்களை - கருத்துகளை - செய்திகளை பிறருடன் கடந்த ஓராண்டு காலமாகப் பகிர்ந்து வருகிறார். பகிர்வு மற்றவர்களுக்குப் பயனுள்ளதாக இருப்பதில் மகிழ்கிறார்.

இவர் வடகரை தாரிக் என்ற தளத்திலும் இண்ட்லியிலும் முக நூலிலும் ட்விட்டரிலும் எழுதி வருகிறார். அனைத்திலுமாக ஏறத்தாழ ஐநூறு நண்பர்கள் இவரைப் பின் தொடர்கின்றனர்.

நண்பர் தாரிக் அஹமதினை வருக வருக என வரவேற்று வாழ்த்துவதில் பெரு மகிழ்ச்சி அடைகிறோம்.

நல் வாழ்த்துகள் தங்கம் பழனி

நல்வாழ்த்துகள் தாரிக் அஹமது

நட்புடன் சீனா