சசிகலாவிடமிருந்து, செய்தாலி வலைச்சர ஆசிரியராக பொறுப்பேற்கிறார்!

அன்பிற்கினிய வலைப்பூ நண்பர்களுக்கு,

இன்றுடன் முடிகின்ற வாரத்திற்கு வலைச்சரத்திற்கு பொறுப்பேற்றிருந்த "தென்றல்" வலைப்பூ சகோதிரி சசிகலா அவர்கள் தனது வலைச்சர ஆசிரியர் பொறுப்பினை ஏற்று, ஒவ்வொரு நாள் இடுகையிலும், தமிழ் மாதங்கள், உலக அதிசயங்கள், வான் கோள்கள், மாவட்டங்கள், நதிகள், பழங்கள், இசைக்கருவிகள் என அவைகளைப் பற்றிய சிறப்புகளை மிகுந்த தேடலுடன் ஆர்வத்துடன் தொகுத்து எழுதி, தனது மனங்கவர்ந்த இடுகைகளையும் விதவிதமான தலைப்புகளில் தொகுத்து "இன்னும் ஒரு வாரத்திற்கு ஆசிரியராக தொடர மாட்டாரா" என வாசகர்கள் பின்னூட்டங்களில் ஆர்வத்துடன் கேட்கும் வகையில் அனைவரையும் கவர்ந்து விட்டார் சசிகலா.


அவரது அறிமுக இடுகையுடன் சேர்த்து மொத்தம் ஒன்பது இடுகைகள் எழுதி 350-க்கும் மேல் மறுமொழிகளைப் பெற்று தனது வலைச்சரப் பொறுப்பினை மிகச் சிறப்பாக நிறைவேற்றி மனநிறைவுடன் நம்மிடமிருந்து விடைபெறும் சசிகலா அவர்களை "சென்று வருக!" என வாழ்த்தி வழியனுப்புவதில் பெரும் மகிழ்ச்சி அடைகிறேன்.


நாளை முதல் ஆரம்பிக்கும் வாரத்திற்கு வலைச்சர ஆசிரியராக "செய்தாலி" என்னும் வலைப்பூவை எழுதிவரும் நிஜாமுதீன் என்ற செய்யது அலி(செய்தாலி) அவர்கள் பொறுப்பேற்க உள்ளார். திருநெல்வேலி மாவட்டம் கடையநல்லூர் அருகே சிறு கிராமத்தை சேர்ந்த இவர் கடந்த ஏழு வருடங்களாக துபாயில் பணியாற்றி வருகிறார். மே-2010-இல் துவங்கிய தனது செய்தாலி வலைப்பூவில் கவிதைகளை மட்டுமே இயற்றி வருகிறார். இவரது வலைப்பூ முழுதும் கவிதை படைப்புகள் நிறைந்து வாசிப்பவர்களை கவரும் வகையில் உள்ளது.

செய்தாலி அவர்களை "வருக...வருக..." என வாழ்த்தி வரவேற்று ஆசிரியர் பொறுப்பில் அமர்த்துவதில் பெரும் மகிழ்ச்சி அடைகிறேன்.

நல்வாழ்த்துக்கள் சசிகலா...

நல்வாழ்த்துக்கள் செய்தாலி...

வாழ்க வளமுடன்

நட்புடன்,

தமிழ்வாசி பிரகாஷ்.